ابيات شعر وصورة - ضع صورة مع بيت شعر

[عوض بن خميس]

يآموج .. لآ مرّك .. عقب روحتي .. قلّ :
توّه مشى .. والدمع .. بلل .. خدوده ............!!

قل له .. وصلني .. يسأل ومآلقى حلّ
قل له .. غيآبه .. أتعبــ ( ن ) .. في صدوده ......!!

ثم أسأله يآخي : من الصدّ .. مآ / ملّ ..؟؟
قل له : ترى هـــ الصدّ .. مآ منه .. فوده .........!!

يمكن .. يقول أن خآفقي .. بـ الخطآ .. زلّ ....؟؟
قل له .. أنا .. بــ أقول له ... ( .. مآيعوده .. ) ....!!

[همس الورد]

عبَس وجه الليالي واختلط حلمي معا ياسي
وثغر الأسئلة يضحك .. وأنا في داخلي محتار


ذكي .!! ما فادني عقلي وحلّا بالفرح كاسي
وغيري بالغبا عايش ويشرب صفوة الأنهار ..!!


غني .. إلا من الضحكة رصيدي أشهر إفلاسي
فقير .. إلا من الضيقة رصيدي قرّب المليار


أبحطب في غضى الأحلام لكن إختفى فاسي
وإلى منّي لقيت الفاس صارت تختفي الأشجار


وحظّي من عرفت الحظ دايم يخذل إحساسي
يجي نسمة.. ويقفي من على بابي كدَر وإعصار


دخيل الله يا حظي ترفّق .. واطلق انفاسي
حبست الضيق في صدري وصوتي في الملا منهار


تعبت أستجمع آمالي .. وأدوّنها بكراسي
تعبت أستنطق أحلامي .. وصدري للحزن مضمار

[الحوراء بنت نجد]

غيوم وحزن لابارق ولاراعد ولاهتان = عسي حزنٍ جرالي يوم اسمع فيه يجرالك
وعسى قلبك يحس انه بظلمه قد قتل انسان = ملكته واخلص لقلبك خسرته سبّة اهمالك
قتلت بذنبك افراحك وصارت فرحتك (جثمااان) = وهذاني فيك اتشفي جزاك بسابق افعالك

الحوراء بنت نجد

[الحوراء بنت نجد]

تموت اليوم لفراقي انا ادري بغيبتي ندمان = ابد مشغلت بك بالي وانا دايم على بالك
لأني مخلصه بطبعي وطبعك للأسف خوان = وشالك قلبي الوافي وخنته بعد ماشالك
تبيني وانت طاعنّي تجيني كن شي ما كان = تبي آسامحك وادمح (وعزي) ماتهيالك

الحوراء بنت نجد

[هيـاا العـازمـي]

.
.
.



لك وحشة : ما هي مثل باقي الناس ~
لو أفقدك ساعة / تذكرتك سنين
أحس في حبك || و لا غيرك احساس
أنت الوحيد اللي ملى ناظر العين ..

[عوض بن خميس]

ياطير بلغ صاحبي كان تلقاهـ..
ياطير عن فرقاي ياما نهيته!

ياطير عقبه مقعد الطيب عفناهـ..
والهم بين ضلوع صدري طويته..!

ياطير ذا منزله وذاك ماطاهـ..
وهذا مراحه وذاك يوم التقيته..

[هيـاا العـازمـي]

.
.
.



كنت أخاف القُرب / مابي أعشَقِك
صرت أخاف انّي أشيلِك من هنا


وين ماوجّهت وجهي : أشهَقِك
كنّ بـعضك عايش في بعضي أنا