الخيانه

[شاعر البيتين]

متواضعه أضعها بين أيديكم

علها تنال على شيء من رضاكم وأستحسانكم ..

ياشينها لامن قسا الوقـت وأيقنـت = أنك وحيـد ولامعـك مـن يقديـك
وياشينها لامنك أنضمـت وأنهنـت = جار الزمن بك عقب ماهو معليـك
كل الأوادم تفهم الدرس غير أنـت = مع أنك معلـم وتحفظ مباديك
ياقلب لاتحزن على معرفـة بنـت = أخلاصك وصدقك هو اللي يواسيك
خانتك ياقلب الشقا وأنـت ماخنـت = ومادامها سوت كذا قول مـا أبيـك
لعبتهـا صـح وعلينـا تمسكنـت = أثرك تخون الحب واللي مصافيـك
ليما عرفت أنـك بقلبـي تمكنـت = وأخلصت لك بالحب وبروحي أفديك
وأخفيت حبك في خفوقي ولا أعلنت = خايف عليك ولابعد بـان خافيـك
ياليت موتي حان وبقبـري أدفنـت = من قبل لا أعرفك وقبل أنصدم فيك
على كثر مافـي غرامـك تفننـت = وعلى كثر ماكنت من قلبي أغليـك
وعلى كثر مازنت لك وأنت مازنت = جازيتني بالغـدر ربـي يجازيـك

[سعد النفج]

شاعر البيتين ..

صح لسانك ..

( الخيانه ) رائعه من روائع .. شاعرنا / شاعر البيتين ..

اسلوب رائع .. دمت هكذا مبدعاً..

لا أملك الا التثبيت امام هذه الرائعه ..

دمت بخير ..

[هبوب العنزي]

ياليت موتي حان وبقبـري أدفنـت
من قبل لا أعرفك وقبل أنصدم فيك



شاعر البيتين ,,, اسمح لي بإختلاس بعض ابياتها ,,,

صح لسانك مليوووون ولاهنت ,,,

[ناصرالسويلم]

الشاعرالفذ

شاعر البيتين

لا بارك الله بللي تهئنك ...

اما عن القصيده فهي من الوزن الثقيل الذي لايجيه غير شاعر البيتين..

وصف تفصيلي لماحصل معك من محبوبتك ..

احترام لك

[الجضيعي]

صح لسانك


والى الامام بإبداع متجدد


كما عودتنا



تقبل مروري

[بنت راشد]

وياشينها لامنك أنضمـت وأنهنـت
جار الزمن بك عقب ماهو معليـك
شاعر البيتين ..

صح لسانك

[الرااايق]

الاخ شاعرالبيتين

صح لسانك

ابيات جميله ومعبرة

اعجابي ومودتي