ركني الخاص (كلمات منتقاه)

[عوض بن خميس]

لاتقول لي مدة قصيرة وابلقاك
اخاف اصير بغيبتك مهرة له
السالفة لاطولت بتعدااااااااك
ترجع تلاقي في يدي خاتم له

لاخت النايفة رائعة . اجمل ماقرائة من الشعر بدون مجاملة

[النايفة]

أخوي عوض بن خميس شاكرة مرورك

[النايفة]

والله أنّي جيت مانـي بمحـدودي
ماخذك من زاوية .. طبّ وتخيّـر

لين خوفي من مساميـر الكبـودي
ردني لأجيك ضيف !! ولا مسيّر

والغلا زاد وتعـدا بـي حـدودي
وأنت ما ترحم كبيرك .. يا صغيّر

لا رحم جدّك تقول انّـك يهـودي
ما تقول أنّك بري وإنسـان خيّـر

يا بري حالي عليك !! ويا وجودي
أحسب أنّك في يدي شيـكٍ مجيّـر

لين جيت ورحت ما شدّن عضودي
من حبالك لا طويل .. ولا قصيّر

والحسود أن عـاد وإلا لايعـودي
جعل ماله فوق وجه الأرض ديّـر

كل مـا يقتادنـي للمـوت قـودي
ما ذكرت الا أنت !! يالريم المذيّر

يا أنتعاشي في الحياه .. ويا وقودي
دلّني لا صرت بالـراي متحيّـر

لو تذعذع بك رياحيني .. و نودي
النصيب أن ماتسيّـر .. ماتسيّـر

لا يهمك لا عذول !! ولاحسـودي
هد روعـك ياحبيبـي لا تطيّـر

أنت حبّك كنّه ( الحكم السعـودي )
ثبّتـه ( عبدالعزيـز ) ولاتغيّـر

[محمد الراجح]

راسي يبي لك برج أيفل تطولة ....... لاصرت فوق البرج لاقيت راسي

رووووووعة شموخ النفس والتحدي بالنقاء والكبرياء

بصراح ( النـــايفـة )

اختيارات رائعة بروعتك وأبداعاتك

اشكرك والله يسعد عيونك وذوقك الرفيع

تحيــــــــاتي .









محمد الراجح ,,

[النايفة]

اخوي محمد الراجح اسعدني مرورك

[النايفة]

ودعتك الله وان قسيت اعذريني # وعيوبي اللي تعرفين استريها

وان كان عذبتك معي سامحيني # وانسي ذنوبي الأوله واغفريها

[النايفة]

مسيت بالخير ياشفي وياذوقي
يامكسبي فالغرام ومصدراشواقي



القلب هو منزلك ودروبك عروقي
في كل عرقن لرجلك موقع تلاقي


وان ضقت من قلبي اطلع منه الموقي
يعني مكانك مابين القلب واحداقي


يالذه العشق ياطبي وياعوقي
ياوردة ماغفل من ريها الساقي


مسيت بالخير ياشفي وياذوقي
يامكسبي فالغرام ومصدر اشواقي


من يوم لقياك يمك مابرد شووقي
ولا تهاونت في عهدي وميثاقي


يمبيك عن شوقي اسلوبي ومنطوقي
واكبر الادله لاشفتك زانت اخلاقي


هاك اكبر حقوقك وهات اصغر حقوقي
لاكنك احذر تخيب هقوة الهاقي


يتل قلبي على طاريك معلوقي
وافز له وارتكز على عظم ساقي




واختار جزل الغزل واجر طاروقي
واراجع الذاكره وارتب اوراقي


واقول محدن من العشاق من فووقي
دامك معي ياسفير المستوى الراقي


هذا وانا يكفي من رعودي بروقي
ياحظي من الغرام وقسمي الباقي


مادمت بين العذارى صرت معشوقي
ارحب على الحرام انها من اعماقي


يلعب لك القلب من فني وطاروقي
العب له احلى طروقك واترك الباقي