*** حمــــامـــات الاربـــــــاش ***

[حمد الخمعلي]

الاخ القدير

سالم

لا استغرب عليك الابداع

صح لسااانك وسلمت على هذه الجزله

كُن بخير

[احساس قلم]

المشاركة الأصلية كتبت بواسطة سالم صالح

متواضعة ترتمي بين احضان ذائقتكم الرائعة لتجد في قلوبكم الطاهرة مقر

اتت اليه وارجوا ان تصل اليه ؟؟؟؟؟؟

وحيد من بعدك واحس اني انداش=من يوم تطري لي هذيك المطاريش
حتى بعيني زولكم وسطها عاش=يمر طيفك كل مافقت ويعيش
اشوف دمعي ينزل لخدي رشاش=منك يزود وحالته صابها الطيش
سبت رحيلك ارضنا وضعها ماش=صارت يباس عروقها لك معاطيش
الغصن مات وباقي اوراقه هشاش=تسمع صفير البعد ياوقتنا ليش
هذا خفوقي تربته قاعها ناش= ماغير قصرك ثابتٍ مابعد نيش
ماهزه رياح البطا خوف وارعاش=وماصدع ركونه رعودٍ مراعيش
فوق الفواد ومنزلك منزل الباش=فكري حرسك وشعلة احساسي الجيش
حب وغلا من لحم دمي لك فراش=يهدنك نبضي من معزتك بشويش
حتى مواطي حبك الذرب بالجاش=على رمال القلب صارت مناقيش
تكتب حروف اسمك على صفحة قماش=دمي حبر وضلوعي العوج لك ريش
ياللي غيابك هم وطيوره تحاش=على مدى قلبي جروح ومناتيش
عود يعود الباذر وصيفنا انحاش=وتتفتح زهور الفرح بك مفاريش
وتشوف مع دربك حمامات الارباش=هديلها لرجوكم له لواليش
والعشب الاخضر يبتسم حول الاحواش=وحتى عناقيد الوله لك دناديش
يعني حياة تعود في لحظة ارماش=تدري وصالك ياهنا حبنا ويش
وصلك ربيع ونسمة انفاسك انعاش=والا غيابك موحشٍ دابه يهيش

الارباش = نوع من انواع الحمام الجميل ذو الالوان الرائعة والمتناسقة
وسلامتكم-----

رائعه ياسالم
صح لسانك عدد بلا مدد
تحية تقدير لك

[سالم صالح]

سعود المسعودي

صح بدنك والله لايهينك على هذا المرور الفاخر

تقبل تقديري وودي

[خلف الغريب]

سبت رحيلك ارضنا وضعهـا مـاش

صارت يباس عروقها لـك معاطيـش

الغصن مات وباقي اوراقـه هشـاش

تسمع صفيـر البعـد ياوقتنـا ليـش

هـذا خفوقـي تربتـه قاعهـا نـاش

ماغير قصرك ثابـتٍ مابعـد نيـش

صح لسانك يا ابو دانة على هذه المشاعر وهذا الوجدان الشفاف..

ألم ومشاعر رقيقة وهجر وجفاف ثم أمل ..

تحياتي لك ولجمال روحك..

[نافع عيد الجديد]

صح لسانك يابو دانه
دائما وانت تحلق في سماء الابداع ياملك الابداع
اسجل اعجابي بكل ماتفيض به قريحك الجياشه
لك المحبه والتقدير

[سالم صالح]

الكاتبة / غادة العتيبي


صح بدنك واسعدني مرورك العطر


تقبلي جل تقديري واحترامي

[البدر]

دائما مميز ياسالم صالح

صح لسانك