قدام قدام يا رجلي ..

[خلف الغريب]

المشاركة الأصلية كتبت بواسطة سعود العواجي

ابو خالد ،،،

رائعه من شاعر أروع .. ألف صح لسانك


دمت بخير ،،

صح بدنك اخوي سعود ومرورك شرفني لا هنت ..

تقبل تحياتي..

[معيض بن عريفج]

[quote=خلف الغريب;291785]

أحيانا تظن أن ما يحدث لك من عقبات مجرد صدفة ثم تتأكد أنك متعمدة ثم يجعل الله فيها خيرا كثيرا ..

أترككم مع قصيدة موقف ..

اي والله اني مشيت الدرب لو هو عسير=قدام قدام يا رجلي وصلنا المرام
سيري ..وياقلب مهما صار بالدرب سير=اسرج جوادك نبي نطارد فلول الظلام
شب القصايد على قلب المنافق سعير=الصبر درعك , وعزمك فالملاقى حسام
واكرب عزومك , ولا ترضى بحبة شعير=قسمك مع القوم يوم القسم راس السنام
كن مبتسم بالنهار الكالح القمطرير=وفصل ثيابك من اجمل لون واعز خام
لا تركع الا لمن كونك تبقى الكبير =واذا أقيمت صلاة الفرض خلك إمام
انهض جناحك ترا القمة ماهي لأي طير=ثم اصعد بهقوة المطنوخ متن الغمام
اكيد خلفك من أعداء الطموح الكثير=سيوف , ورماح , وان عجزوا تجيك السهام
بس انت واصل وتاصل للهوى فالاخير=وان طحت قدام لا تاصل : غشاك الملام
واللي طعني وانا مقفي حسابه عسير=لو كان به خير كانت طعنته من امام
اصبر ولك يوم ياالغدار ترجع صغير=والله لازين لك علاجك علي الحرام
لا اثرت فيني ولا وقفتني بالمسير=ولي يوم باطا على راسك وابعطي التمام
صدري شمالي , ولكن معك باصير غير=مااغفر ذنوبك مدام انك تبيها صدام
( الحلم مع غلطة الجاهل رسالة نذير=والحلم مع غلطة العاقل دليل انهزام )
تبي بزعمك تهز الضلع؟ ياشيخ طير=كبر وسادك واذا تنعس تغطى ونام
مادام قرنك من الفخار وش بك تزير؟=ضربة والاخرى تبى تصبح قرونك حطام
والريح مهما تقوت بالعوا والصفير=يبقى الجبل شامخٍ نايف مهيب المقام
ولو يحجب الغيم نور الشمس حزة عصير=الموعد الصبح لا صحيت عيون الانام
لاانت اول اللي طفش مني ولا انت الاخير=أبو جهل حارب الهادي عليه السلام
يكفيني اني كسبت اعجاب شيخ ووزير=وأخذت قسمي من الكعكة بكل احترام
ورجلي ليا وفق الله عمرها ما تحير=ان كان تحت النظام او كان فوق النظام
وعيبٍ على راسي الراسي يجاوب حقير=مجرد اني اناظر به له اكبر وسام
سويت به مثل ما سوا بمثله ( جرير )=خلى احتقاره (لذي الرُمة ) اشر انتقام*
ومادام أبو الهول عن مبناه ما يستدير=فالصمت حزات أبلغ من كثير الكلام
ولو كل كلمة ليا جتني تحك الضمير=صارت ضلوعي على طول الحكايا عدام
ولو كل ما بان لي مثلام جيتك مغير=ماكان باقي من اطلاقي طلق فالحزام
ولو كل رجلي يواصل فالطريق ويسير=ما صارت الجنة لمن حج وآمن وصام
واما نزولي عن القمة حشا مايصير=لو صارت الشام هند وصارت الهند شام
ومع كل هذا عسى في باطن الامر خير=مرات يطلع دوا المرضان من بطن سام

وسلامة الجميع

*للتوضيح .. أثناء معركة النقائض الشعرية بين الشاعرين الفرزدق وجرير

كان الشاعر ذو الرمة صغيرا فهجا جرير ولم يجبه جرير احتقارا له فكانت أشد عليه من رد جرير ..

[/quلغريبoteله

الله الله صح لسانك ياشاعرنا واستا ذنا الفاضل خلف الغريب نص الحقيقه نادراعجبني غا ية الاعجاب بيض الله وجهك
ولايستغرب هذا النص من خلف الغريب حيث انه شاعر عملاق
من عمالقة الشعر ويمتلك قلماً مميز لله دره تقبل مروري المتواضع

ولك تحياااااتي وتقديري

[الصقار]

ابدعت يابو خاالد وصح اللسانك

وليس غريب هذا الابداااع من شاعر متمكن بحجم ابو خالد

تقبل تحياااتي

[عبدالله الهويمل]

صح الله لسانك

وبيض الله وجهك على هالقصيده

[مزيد المزيد]

الاخ خلف الغريب


تاهت افكاري ايهن اقتبس فكلهن درر وحكم تحمل الكثير من المعاني الرائعه التي لايسطرها الا شاعر متمكن

وعقل لبيب

انهض جناحك ترا القمة ماهـي لأي طيـر // ثم اصعد بهقـوة المطنـوخ متـن الغمـام

اكيد خلفك مـن أعـداء الطمـوح الكثيـر // سيوف , ورماح , وان عجزوا تجيك السهام

بس انت واصـل وتاصـل للهوى فالاخيـر // وان طحت قدام لا تاصل : غشـاك المـلام

صح لسااااااااانك مليوووووووون ولاهنت على هذه الرائعه

دمت بخير

[الجوكر]

ومادام أبو الهول عن مبنـاه مـا يستديـر

فالصمت حـزات أبلـغ مـن كثيـر الكـلام

الشاعر القدير

خلف الغريب

اداء شعري فاخر بنكهة الفخر الجزل..

استقبال فكري سلسل ويدل على حبكه

شعريه مستصاغه بحرفنه حرفيه اكثر من رائعه...

تقديري أخي الفاضل

[عاشق المعالي]

الله عليك ما اجمل الشعر حينما تكتبه

ارويت عطشي بهذه القصيده

صح لسانك الي ان ترضى