لا مايــــفيد الأعتـــذار

[مازن الفهد]

لاتعتذر ....لا مايفيد الاعتذار=مابه كلام يغير لحكمن صدر
البيت موزون لكن فيه حرف زايد بالشطر الثاني اللي هو الميم ( مابه ) ويعتبر كسر للبيت
لأنك لو قريتي الشطر الأول و مباشره قريتي الشطر الثاني راح تلاحظين بالكسر.
مابي حكي روحوا وخلوني فحالت احتضار=مابين صدماتي من ايدين الغدر
الشطر الأول .. مكسور و الكسر واضح اختي الكريمه ..
.
ياسائلن عن حالتي ماني بحالت انتصار=شف حالت المهزوم واحلامه هدر
الشطر الأول كذلك ..
.
خذني وطن واقصى معاليقي دمار=واستوطنه لو صوت افراحي ندر
البيت جميل جميل جميل و الشطر الثاني راح يكون أفراح بالهمزه ..
من أجمل و أروع الابيات اللي قريت ..
.
صحيح اعيش اليوم لكن باختصار=جالس وحيد ودمعي بخدي حدر
البيت جميل و اعجبني كثييير ..
.
تكفون لاتستسهلوا دمع الصغار=كم من صغير ايدينه تطول البدر
وقفت عند هالبيت وقفه طووووويله الله على الجماااااال و الروووووعه.

لاتعتذر....لا مايفيد الاعتذار=رح خلني عايش وحيد وراضي بحكم القدر
الشطر الثاني مكسور و الكسر واضح اختي الكريمه ..
.



حاولت ابيّن بعض الاخطاء بالوزن و انا احتاج للتوجيه و هذي نظرتي اختي الكريمه و اتمنى تتقبليها بصدر رحب يمكن مصيب و يمكن مخطي و انتي مبدعه والوزن يحرمني المتعه بالقصيده الذهبيه مثل هذي و مع هذا لقيت الاحساس و الشاعريه و الروعه بالنص . لاتحرمينا نبضك . اخوك.مازن الفهد