شربت شوي من ريقه وزود عندي السكر

[طلال معيض]

خيالي ماعلى الشاعر عتاب ولاتلومه عاد=كتبتك نص من واقع ونص منك تلفيقه
ابي لي دلة مره وابي شاهي من البراد=ابي شاهي بلا سكر يفوح المر ببريقه
مريض السكري لامن شرب حالي وثم زاد=يدوخ شوي ثم يضيق والسكر من يطيقه
وانا اللي ماعرفت اني مريض السكري ياجواد=بعد مادخت ثم طحت والضيقه هي الضيقه
ولا اذكر شي يجيبه واناا اذكر ماكليت الزاد=ماغير ان الغضي جنبي وذقت (شوي)من ريقه
اذا ان السبب هذا حرام اني بغيت انقاد=على قبري ولكنه ستر ربي بتوفيقه
لان الريق يوم اني شربته ماشربته جاد=شربته بس في حلمي اجل وشلون تحقيقه
الا يالله تبعدني عن السكر ولا ينعاد=او انك تبتلي خلي ويصبح في معاليقه
عشان انه ليامن زاد ثم قال لي ياواد=تعال وقبل شفاتي وانا بعطيك ترويقه
هنا يبقى العدل واثنين لايمكن نكون ابعاد=احد يترك دواه اللي ليامن طشه يفيقه
سلام الله على السكر ليامنه معانا زاد=ابيك اتزود يالسكر واسجل معك توثيقه
سلام الله على خل يساوي فالعيون ابلاد=بعد مازود السكر معايه والسبب ريقه

طلال معيض

[صبيح العوض]

اخي الشاعر طلال بن معيض

صح السانك قصيده جزله من راس جزل وسمحلي اسميها القصيده السكريه

تقبل اعجابي ودمت بكل خير

[بروق الشمال]

صح لسانك اخوي طلال
تستاهل النايفه وانا اختك
تقبل مروري

[فهد السلقاوي]

صح لسانك اخوي طلال

شربت شوي من ريقه وزود عندي السكر


ابداااااااااع

سسجل اعجابي

اخووووك

فهد السلقاااوي

[البدر]

الشاعر طلال معيض

صح لسانك على هذه القصيده المميزه كالعاده

[سالم صالح]

طلال معيض


صح السانك وكلك قصيدة رائعة ومميزة بتميز حضورك وروعة ابياتك


بس انتبه وانا اخووك من السكر ههههههه

تقديري وودي

[تركي علي الخالدي]

سـلام الله عـلـى خــل يـسـاوي فالعـيـون ابــلاد =بـعـد مــازود السـكـر مـعـايـه والـسـبـب ريـقــه

طلال معيض

صاحب حضور مختلف وشاعر كبير لاشك

ابيات ممتعه صح لسانك