في غيبتك

[غموض الشمال]

لاتحسبن بغيبتي عنك ناسيك=ولا سليت ولاهيه بامنياتي
لا والذي من حاني القلب معطيك=وارسى غلاك بوسط روحي وذاتي
انك مثل نور العيون المحاكيك=لاغاب نور العين تظلم حياتي
مكانتك في وسط هذي وهاذيك=في نون عيني مسكنك ياغلاتي
واني عقب فرقاك شفت التهاليك=غريق ضاعت منه سبل النجاتي
في غيبتك جفت محاصيل غاليك=واللي جمعته صار عقبك شتاتي
ابكي على ايامك واحن اللياليك=يوم اتذكر ماضيٍ معك فاتي
والله ما بالكون شخصٍ يساويك=ولاحدن تجرأ بعد غيبتك ياتي
ياجعل يفدونك جميع الصعاليك=ومدورين الهرج واهل الشماتي
مشاعري صارت لحكمك مماليك=وصلك مثل سقيا المطر للنباتي
عجزت لا اسلا كل مابي يناديك=لامن طريت اعاف لذة مباتي
تدري متى بنساك ويغيب طاريك=لاغاب ذكري واخبروك بوفاتي

[بنت الكحيلا]

الله الله سلم منطوقك اختي غموض الشمال

قصيدة رائعه ولا هي مستغربه من شاعره مبدعه

بحجم غموض االشمال

بوح راقي ومعبر وممتع

الله يعطيك العافية على هذا الإبداع

لك حبي وودي

[نشمي العواجي]

الشاعره غموض الشمال ياهلا ويامرحبا

عجزت لا اسلا كل مابي يناديك=لامن طريت اعاف لذة مباتي

ماذا اقول امام شاعره معجب بماتكتب ولكن صح السانك

[حمد الخمعلي]

الاخت الشاعره القديره غموض

عوداً حميداً بعد فتره من الانقطاع0

الله الله عليك ياغموض قصيده راائعه من شاعره عودتنا على الابداع0

صح لساانك وسلمتي0

كُوني بخير

[بنت راشد]

الشاعره غموض الشمال ياهلا وغلا
صح لسانك مدد بلاعددالله يعطيك العافية على هذا الإبداع

لك حبي وودي

[محمد بن موسى]

شاعرتنا القديرة / غموض الشمال

اسفرت وانورت بقدومك

والحمد لله على السلامه اختي

نص شامخ ومميز بشموخ وتميز غمووض

صح بوحك ونبض روحك ملايين

دمتي بود وسعاده

[سالم صالح]

الراقية ,,,,


غموض الشمال


صح السانك ونبض قلبك الطاهر ومن طول الغيبات جاب الغنايم ومن معدنه طيب يجيب الطيب


قصيدة راائعة ومليئه بالاحساس الصادق وجمال المفردة وروح الكلمة،،،،



تدري متى بنساك ويغيب طاريـك
لاغاب ذكري واخبـروك بوفاتـي




الله اكبر خاتمة ولا اروع بيت اعجبني كثيراً واستوقفني

رغم روعة ابيات القصيدة بكاملها


لله درك وتقبلي تقديري