عزاه يا نفس ٍ تناست أجلها

[عبدالله المعيوف الدهمشي]

عزاه يا نفس ٍ تناست أجلها=ولا استعدت له شراة الفطينة
راي ٍ يميلها ،، وراي ٍ عدلها=متمرجحه مابين ،، زينه ،، وشينه
إن أحسنت ،، مغرورة في عملها=وان اذنبت ،، تنسى خطاها بحينه
ان جيت ابا آمرها ،، يعيي كسلها=وان جيت ابا انهاها ،، جموح ٍ متينه
يشوقها للذنب ،، طول ٍ بأملها=ما فكرت بالموت لحظة سكينه
كم سوفت للتوب ،، تمرح وتلهىاا=ومن ادمن التسويف ذاق الغبينه
كم عاذل ٍ لي لا عذلني عذلها=ما فاد عذله والخطا ما تدينه
واا ثكل نفسي دام ذنبي ثكلها=يومه ذبح عمري وشوَّه سنينه
دنياً فتون ألهت عن الدين أهلها=كلن بوحل الذنب لطخ جبينه
يالله ياللي كل نفس ٍ كفلها=ياجازي ٍ عبدك على حسن دينه
نفسي تخالط صفوها مع وحلها=أدخل عليك ،، أللي لجا لك تعينه
لك يا إلهي آتشكي مللها=والناس لله همهم مشتكينه

[فــرج الدهمشي]

لـك يـا إلهـي آتشكـي مللها
والنـاس لله همهـم مشتكيـنـه


الشاعر عبد الله الدهمشي

صح لسانك مددبلا عدد

بانتظار ما يفيض به قلمك

[بنت الكحيلا]

صح لسانك اخوي عبدالله المعيوف

والله يعطيك العافية على القصيدة الرائعه

وتسلم على هذا البوح الراقي

لك شكري وتقديري

[مشهور الرشدان]

الشاعر المتالق / عبد الله المعيوف الدهمشي

صح لسانك وعتلا شانك قصيده رائعه وشهادتي فيك مجروحه

[عبدالله المعيوف الدهمشي]

اقتباس:
المشاركة الأصلية كتبت بواسطة فــرج الدهمشي
لـك يـا إلهـي آتشكـي مللها
والنـاس لله همهـم مشتكيـنـه


الشاعر عبد الله الدهمشي

صح لسانك مددبلا عدد

بانتظار ما يفيض به قلمك




هلابك اخوي فرج

صح بدنك

شرفني مرورك الكريم

كل الشكر لك

[عبدالله المعيوف الدهمشي]

اقتباس:
المشاركة الأصلية كتبت بواسطة بنت الكحيلا
صح لسانك اخوي عبدالله المعيوف

والله يعطيك العافية على القصيدة الرائعه

وتسلم على هذا البوح الراقي

لك شكري وتقديري





هلابك اختي بنت الكحيلا

صح بدنك

شرفني مرورك الكريم لا هنتي

[عبدالله المعيوف الدهمشي]

اقتباس:
المشاركة الأصلية كتبت بواسطة مشهور الرشدان
الشاعر المتالق / عبد الله المعيوف الدهمشي

صح لسانك وعتلا شانك قصيده رائعه وشهادتي فيك مجروحه




هلابك اخوي مشهور

صح بدنك

شرفني مرورك الكريم

لا عدمناك

كل الشكر لك