قــدام عــنــي مات رجـل ٍ مـثالـي = يــومــه حــضــنــّي ومات جدي نعيته
راح الشجيع القرم ذيب الرجالـي = الـلـي عـلــوم الـعــز مـنــّـه جـنــيـــتـه
والله لـو هـــو مات أغلى عيالـي = مـا والـلـه أبــكــي كــثـــــر ماني بكيته
شـهّـد وكـبـّر قـبل وقت الرحالـي = والــحــمـد لـلمـعـبــود حــمد ٍ ثــنــيـته
كــان الـشــعاع اللي علينا يلالــي = كان الـصــديق الــلــي بـوقــتــي لقيته
كان الرفيق وكان هو راس مالـي = ولــو يــنــشـــرى بــالمال والله شريته
يا الله عساه بجنة الـخـلــد سالـي = ويا الله عسى الفردوس بأمرك عطيته
يا الله طلبتك يا عـزيــز الجـلالـي = بـرد وســلام وجـنــة الـحــق بــيــتـــه
ويا الله عسى غفران بأول وتالي = رحــمــاك دامــك عــن حـيـاتي خذيته
والله ما أمسح صورته من خيالي = ويــسـلانــي الـلــه كــان جـدي سليته
يومه رفـع بـيــديه طارف عقـالي = وأنـا أدعــي الـلــه عــل يـــا الله ليته
ويومي بـكـيت الدمع جدي بكالي = ذا مـوقــف ٍ هــز الحنـيــن وطـريته
ذكـرت يـومـه كــان يجلس قبالي = وكـل السـوالف والــحــكي ما أرتويته
وأنـا أتــفـكــر فـي زمان ٍ مــضــالي = ودعـيـت حـلــــم الرب وجل ٍ دعيته
وحاولت أسلي خــاطــره في سؤالي = عن ماضي أول قال ما أدري نسيته
وغـطـيّـتـه بـيـدّي وأكــرر مــقـــالي = يـا الـلـه تـحـسن خـاتـمـته وحميته
والـيـوم الآخـر شـــد لأمـــر الزوالي = وأقــفى وأنا هالأمر غصب ٍ رضيته
جته الـمـنـيه راح والـــراس عـــالي = ولـو يـنـفــدى بــالـروح والله فديته
صبره على اللي صار صبر الجمالي = ولـو الـشــفــاء بـيدّي والله شفيته
لاشـك حـكـم الـلــه مــنـش الجبالـي = وحـزن الـفراق الــيوم لوني كميته
يــبـيـن فـي وجـهـي ليا مـن طرالي = وبـحـلـم لـيــلـــي كل ما أقبل رثيته
إذا لــفــت ذكــراه حــزنــي لـــفالي = ومن ويـن أنـاظـر قدم عيني رأيته
مـن صـغـر سـنــي لين حد إكتمالي = رفـقـة عــمـر ويــاه حــبـــه ربيته
جـدي رفـيــق الـعــز شــال الثقالي = يـا مـا نــصـــاني بالحـياه ونصيته
واليوم أصـبــح جـسـم فوقه رمالي = يا الله عساك بـلطـف جدي كسيته
ويا الله عسى قبره لـمــزن ٍهمالي = يــا عــارف ٍ فـيـمـا بـقــلبي خفيته
يا الـلـي عـلــيــك بـحق كل إتكالي = رحـمه ونــور وخـير جدي جزيته
18/08/06, (09:36 PM)
قصيدة رثاء في المرحوم بإذن الله جدي الشيخ / قيقان بن عوض الدعيجي
العرض العادي
