الأسبوع الأول من فعالية وش فطوركم اليوم ؟ - °~*¤®§(§ شبـــكة ويــلان العـربـيـه §)§®¤*~ˆ°

**شمــــــــوخ** · 05/10/06, (03:47 AM)

صدز لا قالوا .. يا سرع الدنيا

كنت بنزله أول رمضان واليووووم 13 رمضان <<< انواع الكسل

تعالوا بعطيكم فكره عن هالفعالية <<<< أشوف كثرت فعالياتس

الفكره .. اننا راح ننزل و نثبت اسبوعيا موضوع .. طريقة المشاركه فيه هو تصوير سماط الفطور ..
و لا مانع طبعا من بعض الذب على بعض السماطات .. اذا انتهى الاسبوع .. نب نقفل الموضوع ..
همن ننزل موضوع ثاني .. و نسوي بالضبط مثل ما سوينا بموضوعنا الاول ..

راح نختتم فعاليتنا .. مع نهاية شهر رمضان .. مع اعتماد تصويت شامل بعدها على كل السماطات .. طبعا من بين كل الأعضاء .. نب نقتصر الاختيارات بالتصويت النهائي على ثلاثة أعضاء بس ..

| شروط المشاركة |

- المشاركة مفتوحة للكل بدون استثناء نساء ورجال ..
و المشاركة أكثر من مرة من نفس العضو مسموحة و يالله حيـّها ويالله حيّه : ) ..
بس ضروري تتأكدون من حجم الصور إنها ما تصير كبر قريح .. و تطلع علينا مع جوانب الشاشه ..
اللي ما يعرف يغير حجمها أو يحملها على النت .. يرسلي و يطلب مني المساعده ..
و تراي مستعده بإيدي و رجولي للفزعة ..
لكن اللي يدرعم تراي متولمه بطير أي صورة تويتز علينا و تمغط الصفحة و تراي علمتكم و مالي دخل
<<بدينا بالحركات

.

راح يستمر موضوعنا هذا مثبت و مفتوح لمدة اسبوع أعتماداً من تاريخه .. مثل ما وضحنا لكم فوق : )

.

المجال مفتوح الحين .. للمشاركة و الادهار

ومن بكره بصور لكم سفرة فطوري وأحطهاااا هنا

الله الله بالمشاركااااات تراي مااحب الكسل

والمجال مفتوووح للشباب يشاركونا << للتذكير

.

س ل م ل م

**شمــــــــوخ** · 05/10/06, (04:24 PM)

أنتظروا سفرتي النهارده

<<<<<< الله يستر لاتفشلين بالترتيب

.

.

**شمــــــــوخ** · 06/10/06, (02:40 AM)

بااااك

رجعت لكم بسماطنا << تقول بخاطرها الله يستر

يالله مو مشكله هي خاربه خاربه

تراني حساسه وذات مشاعر رقيقه يعني شوي شوي علي بالتعليقات ولا ترا أبتسي وانا لين بكيت أمسك خط

<< لا يكثر تيب

الموهيم مالكم بالطويله وتفضلوا الصور :

7

7

.

.

الأطباق الموجوده على السفره للي مايعرفهاااا

" اجنحة دجاج / عجه / سلطة مكرونه << انا مصلحتها ترا ( درينا ياحظتس بشري أمتس )

/ بف باستري بالجبن ( حلى) / معجنات بيتزا وكبه وسمبوسه / لازانيا /

هريس / شوربة دجاج بالذره / حلا آيسكريم بكاسات / فيمتو / قهوه /

كاسات صحون وملاعق واكواب ( للكوفي ) "

وترى للأمانه كان فيه لقيمات وقسم بس نسيتها ما أمداني احطها لان قده اذن

وخربت السفره وماعاد يمدي اصور ..!!

.

.

علمووني رأيكم بــ شمـــــــوخ السنعه هع هع <<<<< ازعجتنا

.

أنتظر سفرتكم لاتتنحشووووووووووووون

.

**!الواااثقة!** · 06/10/06, (04:44 AM)

شموخوووووووه...................................... .......هذي مياانه وألا وش السالفه ؟؟!!

انتي الظاهر تبين تفضحين فينا ماهو بتشوفين سمايطنا مدري وش تقولولها يااهل الرياض حبايب قلبي

هذا اللي انتي جايبه صورة قصر شفته واظنه ل آل سعود.............................بعد ذكر الله

والله لو تشوفين سماطنا على ماتقولين كان علوووم...................................ادري الفقر ماهو عيب بس خليها مستوره

شموخ السماط اعجبني ولاكل اعجبني اكثر

بس سماااطي انسي...........................................هذا قرار

خخخخخخخخخخخخخخخخخخخخخخ

تراني قلت كل اللي في قليبي وخاطري بصراااحه

وماشاء الله تبارك الله الف مرة.

**شمــــــــوخ** · 06/10/06, (03:18 PM)

هلا بالواثقه

الله يسامحتس وش أبي أفضح بكم ؟؟؟؟

ياناس حطوا اللي عندكم مافيها شيء .!!

وأي قصر وأي خرابيط ؟؟

الدعوه كلها شوية ذووق وترتيب بالبيت والا ترا بيتي صغير مو كبير

.

الحمدالله والشكر

من جد سديتوا نفسي

مافي تفاعل أبد

.

**!الواااثقة!** · 06/10/06, (08:31 PM)

لا لا لا لا

شموخ لاتزعلين

وبعدين تراااني فاضيه وقلت اغث احد......................................سااامحيني

ومشكوره على جهودك وفعلا وييييييييييييينكم ياملا العافيه ليه ماتردون او تشاركون؟؟

متحمسه

هههههههههههههههههههههههه

**نوووت** · 07/10/06, (12:01 AM)

مرحبا شخمخ شعلومتس ياقلبي والله اشتقنا لتس

تسلم ايدينتس وربي ربة بيت سنعه الا صحيح كله انتي مصلحته والا .......

بس انتي وزوجتس ومادتله كل هالسفره اقول ترى يمدحون الشوربه والسمبوسه على الفطور شي واذا مشتهي شي ثاني يخش المطبخ الله لا يهينه والا شرايتس

مشكوووووووووره بس انا كل يوم عندي فطور رجال شرايتس اصورهم لتس مع الفطور