للحرف مملكة مفاتيحها بيدك ويكفيني لقب الأميره ...{ركني ..اميرة الحرف..

[اميرة الحرف]

/

ِ

\

/

؛

,

ڪآنڪ تضآيقت من برودي وإلإهمآل ،
.................. وش موقفڪ لآقلت لڪ : إسمڪ نسيتـه !

[اميرة الحرف]

أحبكــــم

[اميرة الحرف]

صباااحك بياض ونقااء ...

إليك ياسيد كلماتي وحاكم مملكة حرفي ..


صباحك فلّ واحلى فلّ يا طـــهره و نبضاتـه

..................صباحك هو بياض الروح .... صبـاح الروح ياراقي

صباح الحب لا منه كتبني في معاناته

...............وصدق الحب ..!! لميـته ( ثلاث سنين ) باحداقي

[اميرة الحرف]

يسعد مساااءكم جميعا
من يقرأني هنا شاركوني فرحتي فحلم جميل أوشكت على تحقيقه


وشكرا لكل من قيمني بموضوعي الي بالمقال والنقد

مدري شقول بس ودي اسولف بركني بعيد عن صفصفة الحروف وتنميق الكلمات مدامه ركني الخاص ومااحد راد علي ومعي صك ملكيه من ابو سيف
بآخذ راحتي واسولف من زمان ماحسيت اني سولفت على وشسمه اقصد على نفسي
لاتقولون اجل عيوف مجنونه يخلف الله متعوده تسولف على روحها

بقولكم سر واعتبروه نصيحه والي بيسويها كيفه والي موب موسويها بعد بكيفه ههههههههههه <<ابوك يالعلم

من جد والله الواحد محتاج مو بس يجلس مع نفسه الا يسولف مع نفسه ويحب نفسه ويكافيء نفسه ويهدي نفسه

والله ياما حفلات سويتها من نفسي لنفسي
مالكم علي حلف اني بمره نجحت وظاق صدري على نفسي محد اهداني خصوصا اني عجوز وادرس لاتحسبونه محو الأميه
الموهيم نجحت ومااحد فرحلي ولااهداني قلت الله مير يخليني لروحي ماحاس بطعم نجاحي الا انا
ومير اروح اشتري بوكيه ورد مرتب واحط كرت واكتب مبروك النجاح عاد والله استحيت لأكتب اسمي تحت خفت يقولون اهلي انهبلت هالعجوز
وحطيت البوكيه بالصاله << خلهم يحسون على دمهم يدرون ان به ادمي ناجح بالبيت

صح انهم قالو اوخص عالحركات من الرومنسيه الي جايبتلس؟ ورد قلت شدخلكم وحده تحبني اكثر منكم كلكم
وبغو يعطوني درس في الحب لله واعجاب المراهقات وقالو الظاهر انك رجعتي تدرسين وانهبلتي تحسبينك مراهقه

هههههههههه مادرو ان الي تحبني هذي انا لبا روحي والله ياملحي بس

الخولاصه في الموزوع يااحبتي انو لازم الواحد يحب نفسه ويجلس مع نفسه وش قلنا بعد ايه صح يسولف مع نفسه

فوائد السوالف مع النفس /
اولا: يعطيك جرأه بالكلام يعني تدرب نفسك ع السوالف اذا كنت شخص مو متحدث وتعاني من هالسالفه

ثانيا : تقعد تحسب حساباتك وتشوف شسويت ووش ماسويت ومن زعل منك اليوم ومن اسعدت اليوم ومن ضيقت صدره
وتحاول تعالج الهباب الي سويته وتهدي صديق هديه وتكلم قريب من زمان عنه وتجيب هديه لأبوك او امك وترسل ايميل لصديق ثاني .... الخ الخ من الامور الكويسه والايجابيه

ثالثا : تتعود على الصمت والهدوء بما انك دايم تسولف مع نفسك فهذا يخليك تتشبع سوالف وهنا ممكن تستفيد تبعد عن الغيبه يعني اي شخص يضايقك تكلم مع نفسك عنه وفش خلقك فيه وبرطم على قولة المصاريه يعني على قولتنا تحلطم بلحالك عشان ماتغتابه وتحش فيه عند الناس هههههههه ابوك يالمخرج << اصلح مفتيه احلل الغيبه مع النفس
( يارب استغفرك )

رابعا / خامساً / سادساً / ............عاشراَ ماعندي سالفة بس كل الي فوق من حديثي لنفسي بس قلت اطبع هذرتي ع الكيبورد اشارككم سوالفي
واطلعك من روتين القصيد ونسولف و(نتقاطع) اطراف الحديث

بذمتكم عاد مااستاهل تقيموني << ماكنها تشحذ

والي مايبيني احط اسمه انه قيمني يعلمني لأني بعد مانشرت التقييمات الاوله محد قيمني


ايه شسمه نسيت اقولكم شغله يوم سالفة الورد هذيك الي فوق صورت البوكيه وارسلته وسائط لصديقاتي عشان يحسون على دمهم وقلت هذي الي تحبني موب انتم مالت عليكم

احس مللتكم بسالفة الورد
بس قلت امهد للموضوع عشان الى نجحت نوبة ثانيه في محو الأميه الجاي اعلمكم تهدون لي

وبس خلصت مسولفه مع نفسي
وخرو بقا خلوني احذ لفه ع المنتدى واطلع اصلي العشاء

ياركني العزيز

لاتنسون تدخلون متى مابغيتو ترى ركني مافيه باب ينصك بس الرجال يتنحنحون رجاء عشان نتغطى

[اميرة الحرف]

أآآووم التميز ياشيخ خلاص بغير اسمي
كنت عيوف واميره الحين المميزه على هالرقم

يامحاسن الصودف بس لقيت هالرقمين قلت اشارككم فرحتي بالمولودين << مثل عيال احساس لبا قلوبهم

يالله عاد باركولي

احس اني تعبت ماني مشاركه <<< صدقت جايبه توأم ههههههههه

[اميرة الحرف]

تصبحون ع خير


ناس سحبو علي في المسن مااسامحكم كيف اسامحكم وانا ابي اسحب ع الدوام بوكرا

[اميرة الحرف]

الذين يشاهدون محتوى الموضوع الآن : 2 ( الأعضاء 2 والزوار 0)

اميرة الحرف ، احساس قلم

هلابك حسووووسه منورتني