( بيـت من الحـــكـــمة ).. دعوة للمشـــــــاركة...

[أبو غرام]

النذل خل البير بينك وبينه
احذر تجي بينه وبين البير


يرميك فيها غافل في سكينه
يستغبي اللي ما معه تفكير


يسحنك في قلبه ويقرص بعينه
ويقرضك بالغيبه بغير وغير


طبايعه من ردوه الحظ شينه
اطبوع كلب انجس من الخنزير


من ضاع دينه خان وانكر خدينه
فرقاه اخير ان كان ما به خير


تقعدوا يا اهل القلوب الفطينه
قصّوا لسانه ودهنوا له سير





للشاعر الكبير خلف بن هذال

[سليمان الجعفري]

ودنا بالطيب بس الدهر جحاد طيب = كل ما تخلص مع الناس كنك تغشها
يدك لامدت وفاء لاتحرى وش تجيب = كان جاتك سالمه حب يدك وخشها
كل ماشبيت نار المحبه مع حبيب = قام يسحل في مشاهيبها ويرشها
وكل ما واجهت لك فالزمن وجه غريب = مثل ماقال المثل دام تمشي مشها
وذمةٍ ماهيب تندار للحق المصيب = جعل قشاش الحطب لاسرح يقتشها

الموت موت الضمير وموتة الذمه = ونفس ٍ رضت من رداها في مذلتها
ما لمت اللي بموته ينتهي همه = الميّت اللي حياته مثل قلّتها
كم واحدٍ طاب ابوه وخاله وعمه = وإيده من الطايلات الله مفلّتها
لو يستحي قاصر الشوفه على دمه = ما جاهرَت روحه الجربا بعلتها

سعد ابن جدلان

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

يوم إن ولد اللاش رزقه على أمه = رزقي على اللي ميّت القشع يحييه
يا مل قلب كل ما مات همّه = دارت دواليب الدهر لين تحييه
فرّاق شمل الناس عيّا يلمه = وقت يشيب الراس من شاية فيه
أحد ينام وحط راسه بكمه = و أحد تخم النوم عينه وتخطيه
وأحد يحاول بالردى بنت عمه = و أحد يحاول سترعذراعوانيه
ماني وانا بندر ببياع دمه = يقطعك يا بيّاع دمّه و مهفيه
اللي يبيّع لابسات الأزمه = ثور يبي بيض الرعابيب تغنيه

أنا الذي ما ابدي على الناس سرّي = من خوف سودان الوجيه الغضيبه
أصبر على ظيم الدهر و التعرّي = من شان من يرضى عليّ الغليبة
و ابعد مجالي عن عيال التزرّي = من لا هوى قلبي دواه المغيبة
واخاف لي من مجلسٍ ما يذرّي = في جانبه بومٍ حساسه صليبه
و سوالفٍ مابين بحث و تحرّي = يجرح فؤادي فيّه اوابتلي به
يرضيني المقسوم خيري و شري = سبحان من لا تعلم الناس غيبه

بندر ابن سرور

[هيـاا العـازمـي]

.
.

الحكيم اليا غضب تبدي عليه الابتسامـه
والغشيم اليا غضب ضرسه يباين قبل نابه

ما ادري لمنو

[أبو غرام]

احدن يعيش بخير واحد بنفاقـــه***واحدن يعيق ايام وايام ينعاق
واحدن معه حكمه وصبر ورواقه***سبحان منهو للمخاليق خلاق
لاكن يامن معك عقل ولباقـــــه***ابنصحك كانك للامثال تشتاق
لاتنخدع باهل العلوم الرقاقـــه***اللي سوالفهم توهق توهاق
صادق رجال يعرفون الصداقه***يقفون صفك يوم يبسات الارياق
ومن رغب في فرقاك ارغب فراقه***جاز اللذي يجزيك بفراق..بفراق
وتعلم التعشيق قبل السواقــــه***لاتحسب انك بالدرقسون سواق
ورزقك يجيك بدون تحضر بطاقه***عند الله المعبود تقسيم الارزاق

[أبن شعف الخدلي]

( فـــــــل الـــــحــجـــــاج وخـــــل عــــنــــك الــــهــــواجــــيـــــس && كـــلــــن يـــــمـــــوت وحــــاجـــتــــه مـــا قـــــضـــــاهــــــا)

[أبو غرام]

ياجامع(ن) للمال ومخزنله=وش يستفيد الرجل من جمعت المال
ان ماوقف به لا بدت عازتله=لامات من ماله ماغير الكفن شال
ماالله خلف في هاالحياة اتعبله=والمال بالي والعمر باالمثل بال
واللي يفكر بس في عيشتله=الفول بريالين والخبز بريال

[هيـاا العـازمـي]

.
.

ياعاشـق الفتنـه مـع زحمـة النـاس
جنْدل على كيفـك مـن النـاس جنْـدل

دنياك تضحك لـك مـع كـل مـرواس
مافـرّتـك فــرّ المكيـنـه بهـنْـدل

وان قلت أنا المحضوض في درب الاتعاس
ماأقـول لاضايـع ولا اقــول مـنْـدل

اللي بقـى بيـن الرجـاء وأول اليـاس
شمعـة أمـل بيـن الحنـايـا تقـنْـدل


سعد بن مناحي بن شفلوت