ركني الخاص (كلمات منتقاه)

[النايفة]

دوامها خلّص .... وبيّـن تعبهـا

وخدودها حمرا... وفي عينها شرّ !

وأنا اقترب وأبغى أتذوّق عنبهـا

وتقول لي وخّر... ترى ميته حرّ !

[النايفة]

حزين ... وانت السبب يامطول الغيبه

مابي [ غنايمك ] محتاجك ، تغانمني !

عندك ( مشاعر ) وقلبك ممتلي طيبه

قسمك ربي ..! من الواجب تقاسمني

كنت أحسب اللي يجي في بالي أجيبه

والحين ماني بـلاقي من ينادمنـي !

[النايفة]

مثلهـا مـا فيـه بـالدنيـا ... تهنّـت

هي : غنية نفس.. وأمـوال وملامـح

و بنت قومٍ يحضرون اللـي تمنّـت

-و صيتهم بين العرب... بالطيب فايح

وان لحقها ضيم ثم.. صاحت وونّـت

ذبوا الأرواح مـن قبـل المشالـح

دايم تعلمنـي ان دقّـت و حنّـت :

الهوى سكر و طعم الهجـر مالـح

وكل ما حاولت أصد شوي .. غنّت

( كيف نخفي حبنا و الشوق فاضح )

[النايفة]

اااااااااااااااااه بس

( جو الكويت ) إحتاج لك ليه ماجيت ؟؟؟
................يبي صفاء روحك , ( وطلة جبينك )

فيه ( العجاج ) من التعب بـ التناهيت
................يسأل ( سحابٍ زارها ) عنك وينك ؟؟؟

( تعال ) ما فيها ( كلافه ) لو ألغيت :-
................كل إرتباطاتك لـ/ ( خاطر ضنينـك )

[النايفة]

كيف ترميني أقدآري ب سطوة رجل ؟
......... أدري إني فقدته قبل لآ أبدآ معآه

فيه هيبة [ أمير ] وفيه رقّة [ طفل ]
......... يحتضر ألف معنى قبل يوصل مدآه
جيت له .. طفلةٍ حذرّه وقلبٍ سهل
......... مآ نويته ؟ لكن كل عممري نوآآه

[النايفة]

ب أتعبَ عليك إلين أحصّل طريقه ’

إمآ كسبَتك صحِ وإلآ خسرَتـك !

لوٍ كآن حظيّ منك مآ بلّ ريقـه ’

يكفيني إني في قصيديَ أسرٍتَـك !

[النايفة]

آشتاق لك ما طّل صبح و دنآ ليـل

والشوق ولّع في فؤادي و طفّـى !

آهتم بـك وأتبـع أدّق التفاصيـل

منك انت م ابغى شي عنّي يخفّى !

شف غير ( آحبك ) كلمةً تنقل القيل

قصّر معاك إحساس كفى و وفى !

لا قلت وش يرعبك قلت ؟ المقابيل

خايف توفى من قبـل لا آتوفـى !