ركني الخاص (كلمات منتقاه)

[النايفة]

راح السحاب [ ولا بقى ] غير ديْنه
......... الله لا يجعل " قضا الديْن منّي "

بس اتلفّت [ وانشّد الغيم ] وينه
......... واثر الدموع " تناشد العين " عنّي

حاولت [ أهدّى خاطري ] بالسكينه
......... واقول : " ياليت العزا " بالتمنّي

طاروق [ صحّاني ] على غير حينه
......... حتى حلفت انه من " انشاء جنّي "

لو كان لي قلبٍ [ يداري حنينه ]
......... ما ضاق لي صدرٍ " ولا خاب " ظنّي

يا صاحبي [ بانشدك ] عن طلْع تينه
......... أسقيتها " صبري " ومعسول فنّي

كل الثمر [ لا حان ] يا صاح حينه
......... مالت به أغصانه " لكف متعنّي "

لكن [ سبقني للمواسم ] .. حنينه
......... " لكفٍ تغذّيه " : الجفا والتجنّي

[ لا عاد تحسب ] للظفر والغبينة
......... وأيّاك وأيّا قول : " يمكن لو أنّي .. "

[النايفة]

{ طـآرق البعـد } يوجعنـي وجسمـي نحيـل
..... ( وآعـذابـي ) ليـآ دق الضـلوع وطـرق !


هكذا كل صبـح .. { وهكـذا } كل ليــل
....... احتفـي بـه شعـور .. ( ويحتفـيّ بـي ) أرق


ارغبـك كل ما اذكـر { حآجـز المستحيـل }
..... والمحـك / كل ما ( شـع ّ الصباح ) ..وشـرق


{ وافقــدك } كـل مـادورت ظـل ٍ ظليـل
....... ارتمـي به ليـا مـن ( حـزن روحي برق ) ،


والله انك { ليا سولفـت } لـو بالقليـل
...... ( تبــرد اطـراف جسمي كلها ...وآعـرق )

[النايفة]

ما عاد لي في ديره الحب ( أماكن )
ولا عاد أبي سهرة حبيب..., ولقاءات


صحيح عندي قلب وأحساس.. , لكن
( آخر همومي بالحياه .. العلاقات )

[النايفة]

ماراح تشعر في ((لذيذ الملذات ))
الا بعد ماروح عنّك ...., ( وأسافر ) !

مسلم .. تصلي كل خمس الصلوات
بس الصراحه .. في مشاعرك : كاااافر !!!

[النايفة]

بين [ صدّه رفيق .. وكبرياء مهزوم ]
عين شحّت علي , وعين إستسمحت !!


بس !! مالله خلقني من بكاي / معصوم
وادري ان الحناجر لوّ تفيض ( إفضحت )


والله انّي على جرحي , صبور وكتوم
لكن الدموع .. إن روّحت .. ( روّحت )

[النايفة]

يارب سامحني... على شوف عيني
عبدك ضعيف... ودايم حدوده الشوووف




ماهي على كيفي ؟.. ولا في يديني :
قلبي خضر ...والشعب ثلثينه خشوووف

[مزيد المزيد]

النايفه

يعطيك العافية مازالت صفحتك مليئة بالاختيارات الرائعة والجميلة التي تستحق القراءه

بصراحة استمتع باختياراتك فانتي تملكين حس راقي وجميل