سجن الشعراء - الصفحة 17 - °~*¤®§(§ شبـــكة ويــلان العـربـيـه §)§®¤*~ˆ°

**سعد النفج** · 12/12/11, (06:33 PM)

الله الله ..
من ابداع سالم الى ابداع محمد ..
الله يعطيكم العافيه ..
و صحت السنتكم ..
و مبروك الافراج ههههه
عاد ننتظر حمد ..
و لنا موعد مع الابداع ..

**حمد الضوّي** · 12/12/11, (07:07 PM)

أم فيصل
سالم صالح
محمد البويليد

صحت ألسنتكم جميعا ًمبديعن

وأشكرك أخوي سالم اللي رحمتني ولكن أم فيصل ومحمد البويليد
قلوبهم قاسيه الله يسامحهم والمربعانيه توها داخله
وكان السجن على خبر ي درايشه رايحة ٍ فيها لو يحط
السجين 10 بطانيات كأنه براس جبل عرنان اللهم عافنا
ولا أعفي الغالي سعد من المسؤوليه
كل هالأمور من تحت راسه

(( أما عاد عدام يابو صالح إلا الربع أرحم منك))

لي عوده بإذن الله

تحايا

**محمد البويليد العنزي** · 12/12/11, (07:33 PM)

سعد النفج
صح بدنك

**محمد البويليد العنزي** · 12/12/11, (07:35 PM)

حمد الضوي
صح بدنك ولاودي أسجنك بس يالغالي غصبن علي وذنبك على أبو شايش
بس شد حيلك وأنشاء الله أني أزورك يالبناخي
هههههههههههههههههههه

**حمد الضوّي** · 13/12/11, (06:42 PM)

عدنا لكم ونستبيحكم عذرا ً تأخير غير مقصود

وعسى كل تأخيره فيها خيره

أبيات أتت من داخل هذا السجن الشعري الفريد من نوعه والمليئه جدرانه باللوحات الشعريه المذهّبه

هالسجن للشعار مامثله سجن=فكرة زميل وتحتسب له بادره
عنبر به سمان القوافي يدرَجن=واصبح مكان المفردات النادره
لامن دخلناه الخلايا ينتِجن=ذي تارد الهاجس والاخرى صادره
فيه الفرايد لادعيناهن يجن=ادخل سجن واكتب شعر وتغادره
بابيات يشرحن الصدور ويثلجن=من بادرك باجزل معاني بادره
دام رعدن سحب القصايد ولعجن=جتك أودية شعري تجارا هادره
نخبة نوادر و احترص لايسمجن=شبحي سماوي ما لتفت للحادره
صدري لهن يشبه لميدان الهجن=اللي على حصد الجوايز قادره
باطلق سجن فيه المناظر يبهجن=ماهو مثل سجن الوجيه الوادره
لو جملة البيبان دوني يزلـَجن=ماودي أترك سجنكم و اغادره
ولاكايدات إلا من الله يفرجن=و{ ويلان } تنهض به سواعد كادره

مع أجمل التحايا

وأقول للشاعر / عبدالرحمن الجابري
تفضل لاهنت ولاتنسى الفروه نصيحه من أخو لإخوه

**عبدالرحمن الجابري الحربي** · 16/12/11, (04:26 AM)

صح لساااانك ياحمد ...

آسف توي اللي انتبهت أني مسجوون ...

والله ان قلبك طيب يوم تنصحني بالفروة .. بس كيف طاوعك تسجني ...

بس الله لا يهينك زورني وجيب لي معك حطب ...

تدري الفروة في المربعانية ما تجمل خصوصا ان جسمي نحيف ...

ههههههههههه

لي عودة ...

**محمد البويليد العنزي** · 16/12/11, (06:31 AM)

حمد الضوي مافيك حيله وصح لسانك حتى ترضى
وبأنتظار شاعرنا المبدع عبدالرحمن الجابري