حروف متناثرة ارهقهاا الزمان

[محمد بن موسى]

رسالة الى الشاعر القدير والعذب / جائز المليحان

لله درك لله درك يابو احمد

ابدعت ورب الجلاله ابدعت

قصائد وشيلات تسافر بنا الى الافق البعيد

لافض فوك يالغالي
على ماجادة به قريحتك الشعريه التى عودتنا على الجزاله
وعمق المعنى والتفرد في كل نص من نصوصك


اقف لك اجلالً واحتراما يافارس الكلمه ومروض القوافي

وسلم لنا منشدنا الغالي فايز على صوته العذب

[محمد بن موسى]

ماكل طير(ن) يعجبك في لحوقه=وماكل مخلب ينثر الدم دفاق
واحذر تصاحب واحد(ن) فيه بوقه=يدس لك وسط العسل سم زراق
عليك باللي لا نخيته تشوقه=واليا احتمى الموقف وقفلك على ساق

[محمد بن موسى]

ياليت ما بالقلب ياخوك ينذاع=وترتاح نفس(ن) زاد والله جهدها
مير البلاء أكتم ورى عوج الاضلاع=هم(ن) أسر نفسي وزود لهدها
هم(ن) ولو انه على جاهد القاع=زلزل مبانيها وكسر عمدها
كله سبب طفله غدت كلها اوجاع=ضغط وتليف كبد والخافي أدها
طفله بريئه منهكه عمرها ضاع=رحلة شقاء عانت بها من مهدها
ليت الهناء ياخوك يشرى وينباع=لآخذ من سنيني واحطه بيدها
لاشفتها ضاقت علي كل الابقاع=يطري علي وش عقب امر وأدها
لافي يدي حيلة ولاعندي اسناع=تمسي وتصبح يالخوي في نكدها
لاشك ما للعبد ياكود ينصاع=لامر الذي بيده عناها وسعدها
ربك كريم وعارف(ن) كل الاوضاع=بأمره شفا عين الضرير ورمدها

رحمك الله يا ( أسيل ) وأنا على فراقك لمحزونون

الناس تؤمن بالولي بكل الاوضاع=عند المصاب وعند راهي رغدها
وحنا خذينا وقتنا اثلاث وارباع=ذقنا مرارتها وذقنا شهدها
هي سنه الدنيا ملاقاه و أوداع=ناس(ن) تموت وناس تاتي بعدها

[محمد بن موسى]

اشتقت للي غلاها حيل ذابحني=واللي لها النفس ولهانه وشفقانه
للي غنجها وبسمتها تونسني=من قبل تنطق بـ( بابا ) حالي لسانه
البارحه يافهد بالليل زارتني=تقول ابغى بحضنك حيل بردانه
القبر موحش ولابه من يجالسني=وانا لحضنك وصوتك حيل ولهانه
ضميتها والعباير حيل تخنقني=واسترسلت بالدموع العين غرقانه

[محمد بن موسى]

الغالي والصديق الوفي والاخ / جائز المليحان

لا اعلم ماذا اقول او بماذا ارد على مجاراتك ومؤازرتك لي في كل ماحدث

جبل يابو احمد وتبقى بعين اخوك جبل من الطيب والنخوة والصدق والوفاء

عندما يكون الحديث عن الرجال الاوفياء تضيع الكلمات وتعلن الحروف تقصيرها

لانه لايوجد كلمه ولا مفردة تعبر عن قدر ومكانه هذا الرجل

وما اقدر اقول الا بيض الله وجهك يابو احمد بيض الله وجهك ياجائز المليحان على كل حرف وكل كلمه قلتها

فأن كان للنت حسنات فهي معرفتي بك

حفظك المولى ورعاك

[محمد بن موسى]

الف رحمه على ذاك القبر والف نـور=والف رحمه على روح الطفوله اسيـل
لو تحس المنايـا ولـو تحـس القبـور=ماخذت ضحكة الدنيـا واغلـى خليـل
لكن الموت حق وكـل لحظـه يـدور=وكم عمار(ن) قصفها في صباح(ن) وليل
عقبها شفت حزن الكون غطا الزهـور=واختفا كـل معنـى للزمـان الجميـل
شفت كيـف الرجولـه قابلـه للكسـور=دمعة الوالد ابطت مـن عيونـه تسيـل
يامحمـد رحمهـا الله وخلـك صبـور=والله يعظـم اجـرك والشفاعـه بديـل
اذكـر الله وخلـك ياالسنافـي شكـور=العمـر كاالوديعـه فالزمـان الوحيـل
واستلم قاف بنـدر وياعساهـا طهـور=ضيقتك والحنايا اللـي وجعهـا طويـل

قصيدة للشاعر / بندر السديري في رثاء الغاليه ( أسيل )

تسلم ويسلم غاليك يابو تركي

على القصيدة وعلى صدق نواياك ودعواتك

ومهما قلت يابو تركي اجدني مقصر بحقك فأنت قدرك بقلب اخوك اكبر من الحروف

[محمد بن موسى]

رد على احد قصائد الشاعر العذب / بندر السديري
في رثائه لوالدته رحمها الله وكان موجه القصيدة لي
ولم يسعفني الوقت انذاك لأنزالها في نفس الموقع السابق

ياعاسف بحور القوافي تناديك =حضّـر هـنا ياطـيـب السـاس نـفــداك
باخذ معك طاروق والله يحـييـك=وإسمـع لصوتن حـزت الضيق ناداك
ياخوك دمعي باالمحاجر يحاكيك=وفيني من انواع الحزن ماهو يخفاك
حزني عـليها فكك الحـال تفكيـك=كـني وطيـت بباطـن الـرجـل الاشـواك
فـقـدتها واعـطـيت درب التهاليـك=مابين وجــد ودمـع واحــزان وإربـاك
تبكيـك عـيني وغـبة الروح تبكيـك=ياالغاليه يـمّـــه عـسى الخـلـد مـاطاك
يالله عسى غـر السحايب تساقيـك=ياتــراب قـبـــرن ضـم غــالـي تمثـنـاك
يالـيتـني بألـحـاد قـبــرك مخــاويـك=بنــدر يايـمّــــه عـاف وقـتـــه بـلـيــــاك
ينـعـاك دمعـي والشعـر وين اوديك=حتى حمـام الـورق مـن حــزني ينـعــاك
ضاق الخلا وفجـوجه بعـيـن غاليك=عـقـب الفــراق اللـي ذبحـنـي بـفــرقــاك
جتك القوافي من السديـري تناجيـك=وإسلـم عـسى صــدوف المنـايا تـعـــداك

وهذا ردي على بندر السديري

يامرحبا ياللي نزيهه مباديك=اعداد ماشاشت حروفي لطرياك
ايو الله احضر وافتخر في معاليك=ولي الشرف يالدوسري في ملاقاك
جيت بشموخ الوايلي جيت اعزيك=ولاجيت اماري بالقوافي اتحداك
جيتك اعزي من فقدته بغاليك=نهر الحنان اللي لها تتعب خطاك
يالله عساها تنذكر عند باريك=في جنة الفردوس بجوار مولاك
ويالله عسى مايوم يالقرم نبكيك=ويعيش ابوك اللي على الطيب رباك
تمت وحرفي الوايلي جاء يعزيك=وعسى الحزن ياطيب الفال ينساك