{{{ ألفيـــة الويـــــلان }}} ....دعوة للمشاركة ..

[صالح الضويحي]

شكرا

حصه الوايلي على هذا الموضوع الرائع000


يثبت

1/5

[عبدالله عايد]

السلام علكيم

اخوي صالح الضويحي يعطيك العافيه على تثبيتك للموضوع

بس ما يعفيك عن (الذال)

كملوا يا جماعة انا اللي عجبني بالفكرة على حد علمي مافيه الفيه عن قبيلة

بعدين اذا اكتملت ممكن تنقح وتزين وتثبت بالمنتدى

[عبدالله ثويني المانع]

السلام عليكم الفكره جميله والشكر للأخت حصه وجميع من شارك


سأحاول أن اشارككم اقبلوها على تقصير مني

الذال ذللنا الصعاب ورقينا=روس الجبال النايفه واعتلينا
وقت المجاعه يشبعنا ايدينا=يوم ان بعض الناس يموت جيعان

[صالح الضويحي]

هو راح عنا حرف الذال00 الله يبيّض وجهك ياخوي المانع00

والراء رفيع المجد تثبت ارواتــــه=مجدٍ شيمنا هي نوادر ســـــــــماتــــــــه
الوائلي يفنى وتبقى صفاتــه=تضـرب بها امثال العرب عبــــــر الازمـــــان

(الازمان هذه والله ماادري لوانها ساريه) جيت مستعجل وكتبت واعذروني0[

[anamaster]

والزاء زمان المجد لعيال وايل=يوم انها بالسيف وركب الاصايل
فعولٍ لها التاريخ أكبر دلايل=واليوم شفت الذيب يسرح مع الضان

تحياتي للجميع

[anamaster]

والسين سدنا والسياده لنا ساس=يشهد لنا ذي قار وافعال جساس
بنص الحديث أفعالنا ترفع الراس=ننصر على الظالم ولو كان ماكان

مع اطيب تحية

[شمس الاصيل]

اسمحولي بالتواجد والأشادة بفكرة اختي الفاضله / حصه


وهي فكرة جداً رائعه واتمنى استمرارها من شعراء الويلان ومن لديه القدرة الشعرية وترويض المفردة

فليتفظل لاكمال الالفيه


دمت بخير


اختكم / شمس

[المطرفي]

حرف الشين ونرجوا ان تكون بالمستوى المطلوب

والشين شان الوقت ولا غدا ريف = مثل الذهب صافين مايلحقه زيف
عاداتنا حلوين للجار والضيف = واللي عليهم عسر بايماننا لآن

احترامي للجميع

[anamaster]

والصاد صدر الوايلي مايضيقي=لو هو يصالى فوق حر الحريقي
ياسعد من هو لابن وايل رفيقي=يصبر على كود المشقه بليهان

وتقبلوا تحياتي واعذرونا من التقصير

[anamaster]

وين الناس ياعيال وايل أعتقد ناموا والا بلشانين بالاختبارات
اسمحوا لي هالمره وبس

والضاد ضد اللي علينا تعدى=ناقف بوجهه لين غصب يتقدى
وبالطيب عمر الوايلي ماتردى=يحيى ملك ويموت بالعز سلطان

وشاكر للجميع
وتقبلوا تحياتي