مصافحة اولى .. وبطاقه تعريفية ..

[طلال معيض]

اني محمد ابن موسى الرويان

الله الله

صح لسانك وكفو والله شاعر
بود
دمت

[أبو غرام]

ونعم والله يابن رويان
وباللابة اللي انت منها

اما عني انا ..فانا ابصم لك

بالعشره يا مهلهل الشعر

وصح لسانك وبطاقة تعريفيه وافيه

اخوك ابو احمد

[تركي علي الخالدي]

والنعم والف نعم بك وباللابه اللي انت منها

صح لسانك اخوي اعجبني كثيرا تقديمك لنفسك

[سعود المسعودي]

والنعم والف نعم بك وباللابه اللي انت منها



صح لسانك الجزل يالجزل


تقبل تحياتي وجل تقديري


دمت بخير

[هزاع الساري]

صح لسانك يا الويلاني

ونعم بك وبالشملان كلهم

تقبل مروري

[بدر الخلاوي]

المشاركة الأصلية كتبت بواسطة محمد بن موسى

بسم الله الرحمن الرحيم

السلام عليكم ورحمة الله وبركاته

اعضاء ومشرفي شبكة ويلان العربيه

قصيدة تعريفيه اتمنى ان ترتقي لذائقتكم الشعريه

لي الفخر لاصرت من ساس وايل=ولي الفخر يالذيب لاقلت شملان
واكبر فخر بالمرجله والحمايل=لاقيلي يامرجلي روس ويلان
وان جيت تبغاها علوم وعوايل=بصابصه من نسل موسى الرويان
انشد هلى التاريخ تلقى الفعايل=في كل دارً نازلينه لنا شان
منا عقيد القوم راع الجمايل=ابو خليفه متعب الخيل شقران
وانشد عن اللي صار بأطراف حايل= بسرية ابن سعود ياذرب الايمان
تلقى فعوله مثبته بالدلايل=ابو خليفه متعب الانس والجان
هذي فعايل كاسبين النفايل=يوم انها بالسيف والرمح والزان
يوم انها مابين صايل وجايل=كلاً يسطر له من المجد عنوان
واليوم بسعود الليالي بحايل=في حكم ابو متعب له العز والشان
اللي تخضع له جميع القبايل=وحاكم بشرع الله على مر الازمان
اللي يعدل كل ماكان مايل=بالسيف والا عند روغات الاذهان
ولي الفخر لاقلت من ساس وايل= ولي الفخر يالذيب لاقيل شملان
واكبر فخر بالمرجله والحمايل= اني محمد ابن موسى الرويان

اخوي محمد بن موسى صح لسانك حتى ترضى ونعم والف نعم ويالله حيه

لي الفخر لاصرت من ساس وايل=ولي الفخر يالذيب لاقلت شملان
ونعم ونعم ونعم ونعم
حتى ترضى

[هندي المقبل]

الشاعر محمد بن موسى

الله يحييك في البدايه في بيتك وياهلا ومرحبا

والف الف نعم بك ياخالي وانا سعيد جدا بتواجدك

وصح لسانك على هذه الابيات الجزله وهذه المصافحه التي تنم عن مقدره شعريه

ياهلا وغلا