أعذب الشعر أصدقه ..!! ( مصافحه اولى )

[تركي صالح]

لله درك أيها المبدع

وجزله من راسً جزل

كتبت فأبدعت الكتابه

وأتقنت الكلمه ورسمت المعنى

ليكون لنا مع هذه الرائعه

تناغم وتساجم للقراءه وأعادة القراءه

لما تحمله من روائع وأبداعات شعريه

منفرده بكل ما هو جميل

سلمت ودمت

أخي / ناصر الايداء

ودام بوحك الراقي

وتقبل فائق التقدير والاحترام

[ماضي الصبر]

لان الشعر موقف والمواقف تتعـب التصويـر ..............
يشيب الراس مايلحق مـدا كيفـه وتصويـره .............



الأخ / ناصر الأيداء

صح لسانك ولاهنت

نحييك ونحيي هذه الإطلالة الرائعة .. اللتي تنم عن تفوق شاعرها وإبداعه

وفعلا الشعر موقف ولا غرابة أن يكون هناك شواذ عن القواعد
لأن القاعده المتعارف عليها بان ( أعذب الشعر أكذبه )

أما هذه القصيدة وكما قلتم أن ( أعذب الشعر أصدقة ) مخالف للقاعده
وليس لنا إعتراض عليها ..

ألا أننا نتمنا أن تدوم هذه الإطلالات بهذا الشكل
ونطلب الكثير والكثير من أهله

كما نتمنا دوام المواصلة ....................

ولكم الشكر وتقبل فائق تحياتي وتقديري ..

[مشعل الضوي]

ناصر الأيداء.......

لك منا جميعا كل الترحيب...........

قصيدة رائعة استوقفتني كثيرا...........

كتبت فأبدعت.........

ألف صح لسانك.........

بانتظار ما تقدمه لنا هنا في ويلان..........

تحياتي........

[فارس القصيد]

ناصر الأيداء

عزالله قصيدة رائعة رائعة رائعة

بكل ماتعنية الكلمة ،،،

هذه القصيدة لابد لكل منصف أن يشيد بها

صح لسانك ياقايلها

مصافحة مميزة

تقبل تحياتي

[ناقد القصيد]

المبدع /

ناصر الايدا

ان من البيان لسحرا

والف صح لسانك

[حمد الخمعلي]

هلا وغلا


الله يحييك بين اخوانك في ويلان



مبدع إلى ماله نهااااااااااااااااااااااااااااااايه

احسب انه علاج الجرح واثره ابـره التخديـر
وانا مالي عـلاج الا كـلام ادمنـت تخديـره


لاهنت على هذه الرائعه


أخوك المهند((حمد الخمعلي))

[سلمان الردسا]

المشاركة الأصلية كتبت بواسطة ناصر الايداء

بسم الله الرحمن الرحيم
أسعد الله أوقاتكم بكل خير , بدون مقدمات راح ادخل بالموضوع على طول هناك سؤال يدور بخاطري هل اعذب الشعر اكذبه ام اصدقه ؟؟ يمكن توصلت للجابه ويمكن لا ,, رايكم مطلوب و اتركم مع ابيات متواضعه علها ترقا لذوقكم الراقي وتعبر عن نفسها (( واعذرونا عن القصور ))

.
.
.
.

يقولون اعذب الشعر اكذبه من كذبة التعبير = وانا اقول اعذب الشعر اصدقه من صدق تعبيره
لان الشعر موقف والمواقف تتعب التصوير = يشيب الراس مايلحق مدا كيفه وتصويره
حقيقه والحقيقه لوتخالف منهج التفكير = على ماقيل كلن معجبه عقله وتفكيره
وانا شعري بلاني مابليته لو بلاه الغير = خضع لي حرفه السامي وانا سامي به وغيره
من احساس الرجوله لانهمته بالمواقف طير = ينومسني على كيفي وانا كيفي هوا طيره
رقيت بسكرته فوق الغمام وجبت له تفسير = مفاتيح الكلام اللي بصدري صعب تفسيره
ولامني ثملت آفوق الاقيني عكست السير = على طول الزمان اللي مشيته عاكسن سيره
احسب انه علاج الجرح واثره ابره التخدير = وانا مالي علاج الا كلام ادمنت تخديره
رسمت بريشة اهمومي على صدر العنا تقرير = رسمت اسمي ويكفي مارسمت بكل تقريره
انا دمعه على خد الزمان ومالهاا تبرير = انا واقع من ابعاد الخيال وصعب تبريره
انا صدري سجن حزني وهمي يلعن التحرير = لأن الحزن في صدري لقا ميدان تحريره
عرفت إن الحزن صادق وله في داخلي تقدير = ولو ما كان صادق مالقا فالقلب تقديره
ولقيت ان الفرح كذبه مثل حملات هالتنصير = اذا المولود له فطره لعن كفره وتنصيره
يموت السر في بيره وانا مبطي طويت البير = عزاي اني على الفرقا دفنت السر في بيره
عليك الله وامانه يا الشقا لاتفضح التقصير = تجمّل لا تطولها وزود الوقت تقصيره
ولو تعقد معا همي وحزني حلف تبقا اصغير = وانا مومن واعرف ان الكبيره ترجع اصغيره
وترا راسي عنيد وماخضع ياكود لتكبير = وعليكم من سيوف الصبر تهليله وتكبيره
اخبره متني اللي شال ماشالت جبال النير = على متني اشيل وللأمل في جونا نيره
رقا طيش الحروف وبالمجاز الهدم والتعمير = على انقاض السعاده زان لي بنيه وتعميره
وانا يمكن كذا يمكن ويمكن حلم جعله خير = تبي تشرق لناا شمس الحقيقه جعلها خيره
ويقولون اعذب الشعر اكذبه من كذبة التعبير = وانا اقول اعذب الشعر اصدقه من صدق تعبيره

الاخ العزيز ناصر الايدا




صح لسانك


انا اوافقك الرأي





سجل اعجابي وتقديري




اخوك سلمان الردسا 00000000000000000000