قصيدة النجر - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**ناجي الصقار** · 09/04/12, (11:10 AM)

مشعل بن عسام التريباني الشمري
صح السانك مليون ولا يكفون
نص جميل واسلوب مميز
دمت مبدعاً

**مشعل التريباني** · 09/04/12, (05:44 PM)

ناجي الصقار
صح بدنك الله لايهينك اخوي مشكور على المرور

**معيض بن عريفج** · 09/04/12, (05:52 PM)

انا اقول صوته في خلايا الدمـاغ عـلاج

تـصـحـي خـلايــا الـــراس يــاقــام يـدبـكـبـه

وانا اشهد ان صوت النجر علاج

وصح لسانك وبيض الله وجهك قصيدة رائعه من شاعر رائع

وخذ هالبيتين تضامنا معك ومع النجر

ترى اللي يتضايق من تهوبال نجر الكار
------------------ماله بمجلس راعي الطيب شبر بشبر
كاره من البرنيز في جنب سيتي كار
------------------لانه ضعيف العزم والطيب يبغا صبر
وضعيف العزايم مايحوش الثنا من الجار
------------------ من تجيبه امه لين حتى يطب القبر
ترى النجر صوته يجذب الطرقي المرار
-------------------على الشبب والكيف يوم السنين الغبر

**سعود راجي الفريح** · 09/04/12, (11:29 PM)

اقتباس:
المشاركة الأصلية كتبت بواسطة مشعل التريباني

(( بســــم الله الرحمـــــن الرحيـــــــم ))

الشاعر / مشعل بن عسام التريباني الشمري

(( قصيدة النجر ))

يقولون خل النجــــــــر مالك ولا الإزعاج=يكفي به الطاحون والنجر وشلكبـه
وانا قول قلبي ما يطاوع به الهـــــــراج=ما اطيع به لو قالو النجر مالكبــــــــه
نجري يونسني إلـــــى دنق الهلبــــــاج=احب صوته حــــب ماحدٍ يشككبـــــــه
يانجر حبك بيــــــــــن هدف الحنايا لاج=والحب يحكم كــــــــــل قلبٍ تشر بكبـه
لا تنصحوني عن غلا النجر مايحتــــاج=والله ماسمع هرجة اللـــــــي تهمكبـه
انا احب صوت النجر لو زود اللجـــــلاج=مالوم قلبي لو غلا النجر شركبــــــه
يا حلو صوته يوم جــــوك الرجال افواج=على جال نارك وازرق الهيل يفركبـــه
في مجلس راعيــــــه طيب وطلق حجاج=ياجيت معك اجناب راعيه ودكبــــــــه
إلى لفيت البيت عـــــــدك على هـــــــداج=ماهـــــــو بهلباج هروجه يلكلكبـــــــه
الله من قلــــــــب تصافق به الامــــــواج=والعين كن بموقها الليف يعركبــــــه
وقلبي اللي صاير بـــــــــه بلا وخـــــلاج=اسباب دورٍ راعي الطيب يهلكبــــــه
وش لون صوت النجر به للرجال ازعاج=كلامٍ خطاء واللي عطا العلم غركبـــه
انا اقول صوته في خلايا الدماغ عــــلاج=تصحي خلايا الراس ياقام يدبكبــه

شاعر الجزاله مشعل التريباني

صح السانك ولا يستغرب عليك الابدااااع

ملاحضه بسيطه 00 اخر بيت
انا اقول صوته في خلايا الدماغ علاج
تصحي خلايا الراس ياقام يدبكبه
يكون افضل
يصحي وليسى تصحي
يصحي خلايا الراس ياقام يدبكبه
علشان انت تخاطب النجر وصوته والنجر مذكر
لك الود
والتقدير

**مشعل التريباني** · 10/04/12, (05:30 AM)

معيض عريفج
شكرالمرورك الله لايهينك
وشكرالك على هذه الابيات الرائعه لاهنت يالسنافي

**مشعل التريباني** · 10/04/12, (05:32 AM)

سعود راجي الفريح
شكرالك على المرور الله لايهينك اخي
اما ملاحتك احترمها واشكرك عليها ولكن
انا اقول تصحي خلايا الراس
والخليه مؤنثه وليس مذكره شكرالك اخي

**سعود راجي الفريح** · 10/04/12, (11:00 AM)

اقتباس:
المشاركة الأصلية كتبت بواسطة مشعل التريباني
سعود راجي الفريح

شكرالك على المرور الله لايهينك اخي
اما ملاحتك احترمها واشكرك عليها ولكن
انا اقول تصحي خلايا الراس

والخليه مؤنثه وليس مذكره شكرالك اخي

ااخوي الشاعر الكبير مشعل انت استاذ
بس سوال00 تصحي خلايا الراس
اش المقصود مين االلي تصحي خلايا الراس
وش تقصد

ابي استفيد منك اخي الكريم

لك اجمل تحايا