سلام للي يفهم العلم والشور

[سيف العنزي]

الســـــــــــــتلام عليكم ورحمة الله وبركاته



حبيت ادون بمشاركه كتبتها عندما لا حضت كثرة الشعار من غير بركه


مااااااااطول عليكم:

1) سلامي للي يفهم العلم والشور=عندي وصيه مرسله في قصيدي
2) من هاجسٍ يكتب معانيه بسطور=يبحث عن القاف الصعيب المريدي
3) الله يديم العز والعز مذكور=في كل ديره من قريب وبعيدي
4) اليوم اشوف الشعر ماهو بمخبور=وزن وقوافي والمعاني تحيدي
5) الشعر فن وحبك وبحوره بحور=الشعر وهبه قله اللي يجيدي
6) المشكله باللي اخذ عقله الزور=يمشي مع العالم وراسه عنيدي
7) كرسي وماصه وسط حفله وجمهور=والعقل نعمه واشكر الله يزيدي
8) والشعر ماهو سرقة ابيات وضهور =الله يعين اللي بطبعه بليدي
9) ترى الشعر ياصاحبي حس وشعور=كلٍ وشعره واللي يبرز فريدي
10) ولا هو بعيب إن صرت شاعر ومغمور =العيب لا صرت انت تسرق نشيدي
11) قصدي هذاك اللي يبي يصير مشهور=على حساب الغير يجمع رصيدي
12) ياصويحبي عود على صف طابور= واحسب حسابك قبل تطلع تصيدي
13) هاذي قصيده والخبر عني منشور=قلت القصيده يالله إنك تفيدي
14) وختامها صلو على محمد النور=رسولنا اللي مرشدٍ للعبيدي

أخوكم سيف راشد الحبلاني حفر الباطن