تساؤلات للقمر .... ليه ؟؟؟؟

[خلف الغريب]

المشاركة الأصلية كتبت بواسطة عبدالعزيز العدواني

في فجرية يوم قريب رأيت القمر وبداخله سواد وهذا السواد أوجد لدي تساؤلات كثيره خرجت

كما هي لتعانق صفاء هذا القمر الذي إستغربت وجود هذا السواد الذي لم يعكس الضوء كعادة

القمر


وإليكم نبضي كما هو :

اليوم اشوفك ياقمر فـي داخلـك كتلـة سـواد = إلا كتل متراكمـه وشفيـك قـل لـي يـا قمـر
اقول لك ما فيه داعـي للجـواب ومـا استفـاد = إلا تراتيل السـؤال اللـي مـع الخافـق تمـر
ايقنت بالواقع وهـذا حـال مـن حـال العبـاد = ظلمه وبيـن نورهـا تعكـس مفاهيـم العمـر
( اهااااااا ) توي أكتشف سود النوايـا والمـراد = اني أجاوب لحظة التفكيـر فـي وقـت السمـر
ليه الحباري تنتشر يـا صـار وقـت(ن) للهداد = ليـه العساكـر ماتـروح ولا تجـي إلا بامـر
ليه المزارع ما اكتفى بالحرق عن نثـر السمـاد = ليه البخور اللي يفـوح بداخلـه عطـر وجمـر
ليه الفرح يلبس بياض وليه الاسـود بالحـداد = ليه الكرز ليه الكرز ليـه الكـرز لونـه حمـر
ليه الأسامي تختلـف يـا قلـت ود او يـا وداد = ليه البشر تقرا و تنكـر سيـرة الوالـي عمـر
ليه اليهود استوحشو من طاري(ن) فيه الجهـاد = ليه الشجر طلعه من اشواك وورق وايضا ثمـر
ليه نتعجب من سموم الريح فـي وقـت البـراد = ليه نتقاعس عن عنا التفسيـر بايـات الزمـر
ليه العيون اليا بكت صاحـت معاليـق الفـؤاد = ليه السيـوف الطايلـه دون الكراسـي تنشمـر
ليه الحطب يصلى بنار وينتهـي عمـره رمـاد = ليه النخـل بالشكـل واحـد واختلافـه بالتمـر
ليه وبعد ليه وبعـد واجـد سـؤالات(ن) جـداد = من يوم شفتك ياقمر تحمل سـواد(ن) مستمـر
وانا بعد يوم(ن) شلع بي خافقي فـوق ارتـداد = من فوق صرخه من قهر من دون دمع(ن) منهمر
ابكتب اللي خالج الوجدان واسـرج لـي جـواد = يا شاف سور المعرفه يطمر طمر يطمـر طمـر
شفت النصايح في قوالب مـن تشفـي وانتقـاد = واللي نصح ماهـو خلـي إلا هزيـل ومندمـر
وشفت الجهل يمشي مع العالم مثل ممشى الجراد = كل(ن) يحسب انه فهيـم ويـا نشدتـه منغمـر
في مدح من حوله ويحسب كل ما قالـه وكـاد = ومن حج حج ومن بغى زوده مع الحـج اعتمـر
شفت العقول الخاليه تنقـص ولا فيهـا ازديـاد = تشرب فناجيل الهوى تسكـر ولا تسكـر خمـر
واليوم اشوفك ياقمر في داخلـك كتلـة سـواد = إلا كتـل متراكمـه والعلـم عنـدك يـا قمـر

الله كم انت رائع هنا يا عبدالعزيز..

الف صح لسانك ايها الشاعر الوجداني الجميل ..

حقيقة منظر القمر المتشح بالسواد لا يلهم الا الشاعر الحقيقي الذي مثلك ..

الف صح لسانك وهذه اقل ما يقال عنها ( درة )

ليه نتعجب من سموم الريح فـي وقـت البـراد = ليه نتقاعس عن عنا التفسيـر بايـات الزمـر
ليه العيون اليا بكت صاحـت معاليـق الفـؤاد = ليه السيـوف الطايلـه دون الكراسـي تنشمـر
ليه الحطب يصلى بنار وينتهـي عمـره رمـاد = ليه النخـل بالشكـل واحـد واختلافـه بالتمـر
ليه وبعد ليه وبعـد واجـد سـؤالات(ن) جـداد = من يوم شفتك ياقمر تحمل سـواد(ن) مستمـر

[تركي صالح]

الله الله عليك

ياعبدالعزيز العدواني

مبدع الى اخر حدود الروعه

لله درك على هذه الفاتنه

وتقبل خالص التحايا

[عبدالعزيز العدواني]

المشاركة الأصلية كتبت بواسطة صالح الضويحي

عبدالعزيز العدواني




تساؤلات كثيرة ..؟ وطرحٍ له ايحاءاته وابعاده

نص يحتاج لـ قرأه متأنيه ..

حضور اول مع فائق الاحترام والتقدير

شاعرنا القدير / صالح الضويحي


مرور أستاذ بحجمك شرف لي وبهاء لمتصفحي


أشكرك من الأعماق لأنك هنا


محبتي وتقديري

[منصور الجلعود]

صح لسانك ياعبد العزيز

لله درك تساؤلات رائعة تتناسب مع كثير من التغيرات في وقتنا الحالي

تقديري واعجابي

,

[ماجد الغانم]

الغااالي

عبد العزيز العدوااني


صح لسااانك يالقرم ولاهنت


قمة الأبدااااع حضينا به من خلال هذا النص الشااامخ


لله درك


سجل اعجاااابي

ودمت بكل خير ...وداام هذا التميز والرقي

تقبل خالص تحياااااتي

[سلطان اليحيى]

عبدالعزيز

اعجبني هذا النص و حضرت لا كتب اعجابي
صح لسانك

[سلامة الجعفري]

عبدالعزيز ابيات رائعة حقا



ونص يحمل ابعاد اكثر من كونه مجرد تساؤلات

تحتاج الى من يقف عند كل تساؤل ليعرف ابعاده


ولكن هذي هي وظيفة الشاعر ان يعطيك رؤوس اقلام
ويترك لك مجالا من التفكير

لا ان ينقط لك الموضوع تنقيطا


صح لسانك ياعبدالعزيز ولافض فوك


تقبل مروري