جعلـك فـــداء لعيونها

[محمد خلف الزايدي]

يابنت مالي غيرك انتـي لا حبيـب ولا خليـل=لاجلك مصاعيب الـدروب الكايـدة يا هونهـا
لي خافقن لوقلت ابرحل عنك مايقوى الرحيـل=صرتي كما ليلى وانـا اللـي باالغلا مجنونهـا
مـن كثرحبي لـك ما اميزبالكثير مـن القلـيـل=فكري مشقـى فيـك ما اشقا بالحيـاه وشونهـا
حتى شراب المر في سكـة غرامـك سلسبيـل=يادرةٍ ماغيـراتـابـع وضعهـا واصـونـهـا
ياللي وصوفـك مالها بالغيد وصـف ولا مثيـل=متميزه واوصافك اهـل الـذوق ما يحصونهـا
ما انتي من اللي تتبع اخرماركـه واخرمديـل=لاجل انها تكمـل بقايـا النقـص ويشوفونهـا
انتي غرام اغلى المشاعرو انتي الشعر الاصيـل=تستاهليـن اجمـل معانيها وعـذب الحونهـا
ياغاية المطلوب ياام العنق والطـرف الكحيـل=يامهرةٍ تـرسـل مباديها عـلـى مفتونـهـا
انا دخيـل النظـره اللـي خافقـي منها عليـل=النظـره اللـي ماتشافـى بالحيـاه طعونهـا
اقرا بنظراتـك عبـارة مرحبا واهليـن هيـل=اقراعبـاراتٍ كثير الـنـاس ما يقرونـهـا
يوم انطلق سهم العيون النجل والرمش الطويل=دخلت ـلـي غيبوبةٍ ما ينكـشـف مضمونـهـا
رحت بخبر كان ما بين الياس والحلـم الجميـل=احيان اكمل هقوتي واحيان اجي مـن دونهـا
مرات اقول ان الوصل بيني وبينـك مستحيـل=ومرات اقـول امانتـي هـاذي وانا مامونهـا
من لاعشق شرواك عشقـه يعتبرعشقٍ هزيـل=ليـت اكثرالعشـاق سيـرة حبهـم ينهونهـا
ياعاذلـي مهما حصلـي عـن غلاها مااستقيـل=ياعاذلـي فـي حبهاجعلـك فـدا لعيونهـا

أخي ناجي الخمشي,,

صح إلسانك قصيده في غاية الروعه وأنا اهنئك على هذا الإبداع الراقي


لك مني أجزل تحيه

[عناد الغريب]

اخي الشاعر القدير ناجي الخمشي

صح لسانك ولله درك ولايضرك نص راقي وابداعي

الله الله عشق حتى الثماله

دمت كما تحب اخي الكريم

[فهد السلقاوي]

ابداااااااااااااااااااااااااااااااااااااااع




رووووووووووعه ابدااااااااااااااااااااااااااااااع

لا محدووووووووووووووووووووود


تحياتي لمن عرف احكام المعنا

اخوي شكرا لك وانا اعتبرني من اشد متابعينك

اخوك

فهد السلقااااوي

[ناصرالسويلم]

من كثرحبي لك ما اميزبالكثيـر مـن القليـل
فكري مشقى فيك ما اشقا بالحيـاه وشونهـا
حتى شراب المر في سكة غرامـك سلسبيـل
يـادرةٍ ماغيراتابـع وضعـهـا واصونـهـا

الشاعر المبدع

ناجي الخمشي

معزوفه رااااقيه كاري شاعرها

شاعر مميز ابداع الى ابعد حد

تقبل تقديري وحترامي لك

[سعد النفج]

الاخ / ناجي الخمشي
صح لسانك
نص رائع و مفردات مميزه
ولكن عندي ملاحظه...
( مـن كثرحبي لـك ما اميزبالكثير مـن القلـيـل=فكري مشقـى فيـك ما اشقا بالحيـاه وشونهـا )
الشطر الاول مكسور..
دمت بخير ..

[نايف سعد الخمعلي]

صح لسانك وسلم بنانك ياناجي
قمة الروعة والجمال
لاهنت

[سالم صالح]

الرائع والمبدع


ناجي الخمشي


صح السانك ابداع وروعة وجمال اجتمعت كلها في هذه الفاتنة التي فتنت القلوب بجمال مفرداتها وروعة تركيبها


فهذه القصيدة كملهمتك جميلة ولاتاتي الا من مميز وتقال في من يحمل الجمال من كل اطرافه


هنيئا لملهمتك هذه الرائعة لانها فوق العادة بكل مقومات الجمال


تقبل تقديري وودي