جيتها من ضيق وزادتني شقايه = واتعبتني من الوريد اليا الوريد
بينت والشوق يفضح بالبداية = يفعل الله مايشاء و مايريد
الهنوف اللي تقاسمني عشايه = لا غشتني ليلة الحلم الاكيد
انتشيها شوق واعشقها هواية = وابتدي معها حياتي من جديد
وارسم افكاري معاها للنهاية = وانتشيها واشعل الساحة قصيد
كن رب الكون خالقها معايه = لو تزيد خطاي عنها ماتزيد
لامشيت امشي وهي تمشي ورايه = عزمها قاسي وانا راسي عنيد
خلدت عنوانها بأقصى حشايه = وأستثارت خافي الصمت الوحيد
عشقةٍ تلعب معي كل الحكايه = يومها وياي كنه يوم عيد
عذبتني بالغلا فوق الكفايه = وحكمتني حكم هارون الرشيد
أسمها مجهول من عرض الروايه = مختفي بأسرار عمري والنشيد
عشقها ليلة ونس وأحلى منايه = ورقصت لي بالفرح وأنا زهيد
عاذلي مالك بها غايه وغايه = لا تزعلني وأنا معها سعيد
خلني جعلي فدى بلسم دوايه = وأبعد العذال عني يابعيد
وأن ذبحني حبها عند الوشايه = عاذلي بوصيك لاتطلب أكيد
أكتب اني مت من قسوة شقايه = وأستر العذرا عسى موتي شهيد
26/06/09, (09:58 PM)
مصافحه أولى ( وحكمتني حكم هارون الرشيد )
العرض الشجري