وطنيه احب ان ترقى لذائقتكم - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**سعود العواجي** · 01/03/10, (09:01 PM)

فواز الشبيكان ..

رائع وصح لسانك

دمت بود

**سعود المسعودي** · 01/03/10, (09:05 PM)

‏ ‏ الشاعر القدير\\ فواز الشبيكان

صح الله لسانك على هالمصافحه الجميله

وبيض الله وجهك

دمت كما تحب

**نافع عيد الجديد** · 01/03/10, (09:31 PM)

اقتباس:

المشاركة الأصلية كتبت بواسطة فواز الشبيكان

بما انها المشاركه الاولى لي بهذا الصرح اتمنى ان تكون وطنيه تعجب الجميع

يسعد صباح المملكه دين وكتاب=في ضل ابو متعب أمن كل خايف
اللي ملك كل المشاعر والألباب=انا اشهد إنه حب ماهو بزايف
ياخادم البيتين يا عز الأنساب =كلٍ يشوف إنك على الشعب رايف
ياممن البيتين من كل حراب= امن وامان الكل عاكف وطايف
ولي عهدك كاسبٍ كل الالقاب=راع الكفوف الطاهرات النظايف
سلطان راع المجد فكاك الانشاب=كريم سبلى زاهيٍ بالوصايف
للعز باب وفاتحٍ للكرم باب=الحاتمي اللي صعد للنوايف
وحنا ترى ياسيدي شايب وشاب=علة نحر لاهل الفتن والهدايف
وتبت يدين اهل الضلاله والارهاب=اللي غدوا هم والخوارج ولايف
يديرهم ضد الوطن روس الاجناب=مابين ذاك وذاك صارت حلايف
اللي يبون المملكه تشبه الغاب=مادريوا ان الامن بيدين نايف
ابن المليك اللي له العز مرقاب=راع الثقايل ماالتفت للخفايف
نايف غدا للامن واقف وطلاب=حامي حماها بالسيوف الرهايف
من دونها ياكثر ماقص الاشناب=جل البلاوي عند نايف نحايف
وحنا سعوديين ناخذ بالأسباب = للموت موت وباللطايف لطايف
نفدا وطنا لو على قطع الارقاب=ماهمنا كثر الحكي واللغايف
ناطى على الحيه وناطى على الداب =ولايلحق الشعب السعودي كلايف

وسلامتكم

الشاعر القدير فواز الشبيكان الخمعلي
مصافحه اولى جميله
صح السانك واعتلا شانك درر من اول بيت الى اخر بيت
ومهما قلنا عن الوطن لن نوفيه حقه
بانتظار جديدك لك المحبه والتقدير

**حمد الخمعلي** · 02/03/10, (12:23 AM)

القدير الشاعر فواااااز

صح قلبك وسلم بناانك على هذه الوطنيه التي حق على كل شااعر أن يكتبها لوطنه0

الوطن غاالي وقصيده واافيه من شااعر متمكن بحجم فوااز0

كُن بخير

**عبدالرحمن اليمني** · 02/03/10, (12:30 AM)

قصيده جميله تستحق التقييم بالتميز

**فواز الشبيكان** · 02/03/10, (01:39 AM)

اقتباس:

المشاركة الأصلية كتبت بواسطة خلف الغريب

صح لسانك ولا هنت على مشاعرك الوطنية الجميلة التي لا تستغرب منك فأنت من اهل الوفاء والولاء ..

حضور اول جميل يجعلنا نطمح للمزيد اخوي فواز ..

تحياتي لك..

===============
الله لايهينك اخي الشاعر خلف الغريب وعلمك الغانم سابق
ومرورك نور للموضوع وشاكر مرورك

**سالم صالح** · 02/03/10, (09:47 AM)

فواز الشبيكان

صح السانك حضور اول رااااااائع ومميز ومشاعر وطنية فريدة

كل التقدير وننتظر جديدك