{{ الوايليات }}

[خليف فراج الشمري]

صح لسانك صح لسانك صح لسانك


حمد نص شامخ

بيض الله وجهك على هالجزالة الغير مستغربة منك


ومليار نعم بك وبلابتك

والروسان يستاهل مثل هالنص الراقي


ان شاءالله نتباشر بتتويجه بالنخبة يوم الخميس



" تقبل مروري "

[حمد الضوّي]

اقتباس:
المشاركة الأصلية كتبت بواسطة خليف فراج الشمري
صح لسانك صح لسانك صح لسانك


حمد نص شامخ

بيض الله وجهك على هالجزالة الغير مستغربة منك


ومليار نعم بك وبلابتك

والروسان يستاهل مثل هالنص الراقي


ان شاءالله نتباشر بتتويجه بالنخبة يوم الخميس



" تقبل مروري "

خليف فراج الشمري

صح بدنك صح بدنك صح بدنك

وبيض الله وجهك ترليون على إطراءك ولاعليكم زود
أخو عزيز ومن قبيله عزيزه على قلوبنا جميعا ً
شمر جيراننا ، شمر أنسابنا ، شمر أقرابنا
شمر يجمعنا بهم الدين و القُربا والعادات
والتقاليد والله يديم التواصل والألفه
والمحبه والتقدير

شكرا ً لمرورك الذي أضاء المتصفح

تقبل اجمل التحايا

[سعود راجي الفريح]

اقتباس:
المشاركة الأصلية كتبت بواسطة حمد الضوّي

هذه القصيده تشرفت بإلقائها بالحفل الذي أقامه

الشيخ / هزاع بن عايش أبالروس العنزي
بإم رقيبه لعام 1433هـ عسى أن تحوز على إستحسانكم

{{ الوايليات }}

يقول من قافه على المطلوب صاغه وعسفـه=مادام الاجوى للشّعر ذعذع لها نفنوفها
شاعر ليا حوّل بروض الشعر مالاق قطفه=يتعب على بيوت القصيد وينتقي لحروفها
والكلمه الجزله لها يختار والهزل حذفه=حتى على شَفّه تجي والناس حسب شفوفهـا
في حفل شيخ ٍ منزله عالي وقدْره وشرفـه=شيخ ٍ تقدّم للمهمه ماحسب مصروفها
بالموقف اللي عن بني وايل تحيّزم ووقفه=عزوة بني وايل معه تعلن وراه وقوفها
هزاع بن عايش رفيع الذات محمود الصفـه=يِقْبِل ليا الناس ادبرت و اعطت عراض كتوفها
من روس قوم من السطر فيهم عجَاله وزهَفه=يخشى فعايلها الخصيم ليا شهرت بسيوفها
قوم ٍ تحدّدّ للجمل بالمعركه وتكتـِّفـه=دهامشه ستر الهنوف ليا زْعَجَت غُطروفها
عسى الله يعينه على حمْل ٍ على المتن نسفـه=حمل ٍ ثقيل ٍ ما قواه من الرجال ضعوفها
لجل الفخر يصرف مبالغ طايلات ومكْلِفه=واهل المكارم تِستحِِق يشاد في معروفها
سوّى مضيفٍ من وقف باقصاه ماشاف طرفـه=فيه الرجال اللي نباها ياهلا لضيوفها
الله يزيده ماحسب مال ٍ على العليا صرفـه=من جاه قال ضيافة الروسان غير بنوفها
وابو فهد مانمدحه والقصد قُرْبى ونهَفه=كل القبايل وقفته تشهد بها وتشوفها
شارك بوضح ٍ لونهن مقلول والفوز هدفه=لون البرد من مزنة ٍ قامت تهل قنوفها
منقيّة الروسان ضنّ اللي تحدى تِخْلفه=كم ناس من بعد مغزاها فكرتْ بنكوفها
تسلب عقول اهل النظر والذوق واهل المعرفـه=الله يكافيها عثوْر أيامها وصدوفها
ليامشت تبخترت ممشى الهنوف المترفه=تنظر لمعشوق ٍ غلاه أحدث دمار بجوفها
لاشافها راع الولع جا فيْه خفّه ورجفه=ومن الغمايض والقهر يالوف حاله لوفها
لياعرضَتْ قدّام لَجْنه شكلوها مِشرِفــه=تقلط على ذود ٍ تحدتها ثقه وتطوفها
إن جيت أناظر لـ رقبه وإلاّ لـ راس ولـ شعفـه=وإلاّ لـ طول أرقابها وأسبالها وأُنُوفها
وإلاّ لا ذان ٍ مثل روس الشلْف حَدّه مُرهفه=وإلاّ لـ وساع نحورها ونسنوسها وردوفها
وإلاّ لـ سنام ٍ منفهق لخلاف مافيه عجفه=وإلاّ نظرْت لـ عضدها والساق وإلاّ خفوفها
الوايليات إسمها كل ٍ سمع به وعْرُفه=وضح ٍ تهز القلب لاجت لك تهز دفوفها
باوصافها ضاع الفكر والموهبه ماتسعفــه=ندّر عفر ماكل من وصّف يجيد وصوفها
سبحان خالقها كذا بابداعه وبتصرفه=لعل عيون ٍ ناظرتها بِحِِسْد تفقد شوفها
في مهرجان أهل البل اللي كل من مر وصفـه=بأوصاف طيب ٍ كايفه يطرب لها مشغوفها
الموقع اللي كل سكان الجزيره تعَرِفه=اللي تواجد به عطايا الله بكل صنوفها
والجايزه بسم الملك عبدالعزيز مشرِّفــه=حامي بلاده في زمن شهب الذياب تحوفها
متوشح ٍ بالسيف الاملح وبيمينه مصحفــه=حتى قبايلها توحّد شملها وصفوفها
برعاية الشهم الكريم اللي رِحِمْ من خلّفه=مشعل هل الاذواد تدعو له برفع كفوفها
أخو المليك اللي تربينا وعشنا بكنفه=بحماه تامن مملكتنا ويتبدّدّ خوفها
كم من يتيم ٍ راف باحواله ودمعه كفكفه=وأغنى الفقارا وإنتهى جوع ٍ ضرب سرجوفها
هذا وباقي لي خبر لكم أباقوله وأكشفــه=من لاعرف من هو حمد خذها على مكشوفها
شاعر وضوّي جعفري واحْمَلْ بطاقة تعرفه=وربعي هل الجدعاء وامثلها وانا مكلوفها
منهاجنا واضح على الملّه ولابه لفلفه=ماكنّه إلا وضُوْح شمس ٍ ماغشاها كسوفها
وأنهي كلامي واختم بكلمه صريحه مُنصفــه=كل القبايل والنعم واهل الردى ذالوفها

"""" وسلامتكم """"

بسم الله 0000000تبارك الله مشاءالله عليك يادرع عنزه حمد الضوي

يعلم الله مدري ايش اقول امام هذا النص الشامخ ماقول الا صح السانك
ولا يستغرب منك الجزاله

بيضت اوجيهنا بيض الله وجهك ورحم الله والديك

لك كل الشكر

[حمد الضوّي]

اقتباس:
المشاركة الأصلية كتبت بواسطة سعود راجي الفريح

بسم الله 0000000تبارك الله مشاءالله عليك يادرع عنزه حمد الضوي

يعلم الله مدري ايش اقول امام هذا النص الشامخ ماقول الا صح السانك
ولا يستغرب منك الجزاله

بيضت اوجيهنا بيض الله وجهك ورحم الله والديك

لك كل الشكر

الغالي سعود الراجي

صح بدنك ووجهك أبيض تشرفت بمرورك العطر
تسلم يابعد راسي على هذه الكلمات الراقيه وأنا ماسويت إلا الواجب
والشيخ / هزاع ابالروس يستاهل مثل قبيلة عنزه خير تمثيل وما قلنا فيه لايفي بحقه
جعلك بالوجود يابن العم ولاخلا ولاعدم
محبك / حمد



اجمل تحيه

[محمد دعسان]

المشاركة الأصلية كتبت بواسطة حمد الضوّي

هذه القصيده تشرفت بإلقائها بالحفل الذي أقامه
الشيخ / هزاع بن عايش أبالروس العنزي
بإم رقيبه لعام 1433هـ عسى أن تحوز على إستحسانكم

{{ الوايليات }}

يقول من قافه على المطلوب صاغه وعسفـه=مادام الاجوى للشّعر ذعذع لها نفنوفها
شاعر ليا حوّل بروض الشعر مالاق قطفه=يتعب على بيوت القصيد وينتقي لحروفها
والكلمه الجزله لها يختار والهزل حذفه=حتى على شَفّه تجي والناس حسب شفوفهـا
في حفل شيخ ٍ منزله عالي وقدْره وشرفـه=شيخ ٍ تقدّم للمهمه ماحسب مصروفها
بالموقف اللي عن بني وايل تحيّزم ووقفه=عزوة بني وايل معه تعلن وراه وقوفها
هزاع بن عايش رفيع الذات محمود الصفـه=يِقْبِل ليا الناس ادبرت و اعطت عراض كتوفها
من روس قوم من السطر فيهم عجَاله وزهَفه=يخشى فعايلها الخصيم ليا شهرت بسيوفها
قوم ٍ تحدّدّ للجمل بالمعركه وتكتـِّفـه=دهامشه ستر الهنوف ليا زْعَجَت غُطروفها
عسى الله يعينه على حمْل ٍ على المتن نسفـه=حمل ٍ ثقيل ٍ ما قواه من الرجال ضعوفها
لجل الفخر يصرف مبالغ طايلات ومكْلِفه=واهل المكارم تِستحِِق يشاد في معروفها
سوّى مضيفٍ من وقف باقصاه ماشاف طرفـه=فيه الرجال اللي نباها ياهلا لضيوفها
الله يزيده ماحسب مال ٍ على العليا صرفـه=من جاه قال ضيافة الروسان غير بنوفها
وابو فهد مانمدحه والقصد قُرْبى ونهَفه=كل القبايل وقفته تشهد بها وتشوفها
شارك بوضح ٍ لونهن مقلول والفوز هدفه=لون البرد من مزنة ٍ قامت تهل قنوفها
منقيّة الروسان ضنّ اللي تحدى تِخْلفه=كم ناس من بعد مغزاها فكرتْ بنكوفها
تسلب عقول اهل النظر والذوق واهل المعرفـه=الله يكافيها عثوْر أيامها وصدوفها
ليامشت تبخترت ممشى الهنوف المترفه=تنظر لمعشوق ٍ غلاه أحدث دمار بجوفها
لاشافها راع الولع جا فيْه خفّه ورجفه=ومن الغمايض والقهر يالوف حاله لوفها
لياعرضَتْ قدّام لَجْنه شكلوها مِشرِفــه=تقلط على ذود ٍ تحدتها ثقه وتطوفها
إن جيت أناظر لـ رقبه وإلاّ لـ راس ولـ شعفـه=وإلاّ لـ طول أرقابها وأسبالها وأُنُوفها
وإلاّ لا ذان ٍ مثل روس الشلْف حَدّه مُرهفه=وإلاّ لـ وساع نحورها ونسنوسها وردوفها
وإلاّ لـ سنام ٍ منفهق لخلاف مافيه عجفه=وإلاّ نظرْت لـ عضدها والساق وإلاّ خفوفها
الوايليات إسمها كل ٍ سمع به وعْرُفه=وضح ٍ تهز القلب لاجت لك تهز دفوفها
باوصافها ضاع الفكر والموهبه ماتسعفــه=ندّر عفر ماكل من وصّف يجيد وصوفها
سبحان خالقها كذا بابداعه وبتصرفه=لعل عيون ٍ ناظرتها بِحِِسْد تفقد شوفها
في مهرجان أهل البل اللي كل من مر وصفـه=بأوصاف طيب ٍ كايفه يطرب لها مشغوفها
الموقع اللي كل سكان الجزيره تعَرِفه=اللي تواجد به عطايا الله بكل صنوفها
والجايزه بسم الملك عبدالعزيز مشرِّفــه=حامي بلاده في زمن شهب الذياب تحوفها
متوشح ٍ بالسيف الاملح وبيمينه مصحفــه=حتى قبايلها توحّد شملها وصفوفها
برعاية الشهم الكريم اللي رِحِمْ من خلّفه=مشعل هل الاذواد تدعو له برفع كفوفها
أخو المليك اللي تربينا وعشنا بكنفه=بحماه تامن مملكتنا ويتبدّدّ خوفها
كم من يتيم ٍ راف باحواله ودمعه كفكفه=وأغنى الفقارا وإنتهى جوع ٍ ضرب سرجوفها
هذا وباقي لي خبر لكم أباقوله وأكشفــه=من لاعرف من هو حمد خذها على مكشوفها
شاعر وضوّي جعفري واحْمَلْ بطاقة تعرفه=وربعي هل الجدعاء وامثلها وانا مكلوفها
منهاجنا واضح على الملّه ولابه لفلفه=ماكنّه إلا وضُوْح شمس ٍ ماغشاها كسوفها
وأنهي كلامي واختم بكلمه صريحه مُنصفــه=كل القبايل والنعم واهل الردى ذالوفها

"""" وسلامتكم """"

الله عليك يافجر الشعر
كم انت مبدع وجزل
وتصنع الحرف كيف

ما تشاء

حمد الضوي
الف الف الف
مليون نعم بك يارجل

بيض الله وجهك


معلقه شامخه ك شموخك

لقد خجل قلمي امام مانثر حرفك وقلمك الذهبي



وظاعت الكلمات

ولاكن اكررر شكري ياالبناخي لشخصك والمعذره عن القصور

دمت بحفظ الرحمن

[حمد الضوّي]

----------------------------

[حمد الضوّي]

اقتباس:
المشاركة الأصلية كتبت بواسطة محمد دعسان

الله عليك يافجر الشعر
كم انت مبدع وجزل
وتصنع الحرف كيف

ما تشاء

حمد الضوي
الف الف الف
مليون نعم بك يارجل

بيض الله وجهك

معلقه شامخه ك شموخك

لقد خجل قلمي امام مانثر حرفك وقلمك الذهبي

وظاعت الكلمات

ولاكن اكررر شكري ياالبناخي لشخصك والمعذره عن القصور

دمت بحفظ الرحمن

الغالي

محمد دعسان

ماعليك زود ووجهك ابيض

تشرفت بمرورك العطر

تسلم يابعد راسي على هذه الكلمات الراقيه وأنا ماسويت
إلا الواجب والشيخ / هزاع ابالروس يستاهل مثل قبيلة
عنزه خير تمثيل وما قلنا فيه لايفي بحقه
جعلك بالوجود يابن العم
ولاخلا ولاعدم

لك اجمل تحيه