وش لي بعامر وعم اعمير

[ابو غريب العبدلي]

المشاركة الأصلية كتبت بواسطة سعود راجي الفريح

الله الله عليك

شاعرنا الكبير
ابو غريب العبدلي

هيتضني اخوي العبدلي ولي شرف اجاريها
وماهي الا موده لشخصك الكريم

يالعبدلي مطيب التعبير=هيضتني بالهجينيّه
ياوجد حالي وجود اصغير=عمره سنه فوق حوليّه
امه توفت على التخدير=اثنا العمل بالعماليّه
والطفل دمعه ولونه غير=فاقد حنانه ابحنيّه
ياشاف له زول جااك امغير=وامه توفت ماهي حيّه
خل الغطاء فوق جال البير=عندي وعندك حونشيّه

صح بدنك يبناخي وصح لسانك على المجاراه لله درك والحال واحد ياخوي

[ابو غريب العبدلي]

المشاركة الأصلية كتبت بواسطة حمد الضوّي

اقتباس:
المشاركة الأصلية كتبت بواسطة ابو غريب العبدلي

ياطير ود الخبر ياطير=للي نشد عن بلا خيّه
قله تراني اعيش ابخير=وكل المواجيع منسيّه
من يوم عنهم قطعت السير=عادت لي الروح عاديّه
ريحت فكري من التفكير=ولا عاد لي روحه وجيّه
وش لي بعامر وعم اعمير=اكالت لحومنا النيّه
مادمت طيب ولي تقدير=ومع البشر صافي النيّه
ارقى المعالي بكل اعصير=والحال ميه على ميّه

ابو غريب العبدلي

صح لسانك وإعتلى شانك أبيات جميله جدا ً في ماتحتويه من معاني
جزله وأفكار ساميه ولا غرابه فأنت مبدع دائما ً لافض فوك
وسلم منطوقك الراقي

_ تم التنسيق حسب ماطلبت وأحنا بخدمتك ....







الف تحيه لشخصك الكريم

حمد الضوي الشاعر القدير والكبير نخدمك بالافراح يبناخي وصح بدنك وبيض الله وجهك

انا اسمع بك بالطيب ولا شفتك وانت فخر لكل عنزي يبناخي لله درك ويشرفني اني اكون لك اخوك الصغير

وانت تاج فوق راس ابوغريب العبدلي

[ابو غريب العبدلي]

المشاركة الأصلية كتبت بواسطة محمد المالكي

الشاعر / ابو غريب العبدلي
والمجاري / سعود الفريح

طرق طربي بحت , يطرب القاري ويزداد طربًا بـ الكلمات المتناغمه ,, هكذا الابداع والاّ فلا ..

صحت الألسنه ..

صح بدنك ياخوي والطرب بعد المجاراه من الشاعر القدير سعود

[شاعر البيتين]

صح لسااانك يالعبدلي هيضتنا كلنا بها الهجينيه الرائعه من شاعر رائع

وصح لسااانك أبافيصل على المجاراه ..
.
.
.
شاعر البيتين ..

[عبدالرحمن الجابري الحربي]

الشاعر القدير أبو غريب العبدلي ...

صح لساانك .. وكفو وانت راع المعالي دوووم ..

تحياتي ...

[صالح الأسود الجعفري]

ابو غريب العبدلي

صح السانك نص جميل ومميز

سعود الراجي

صح السانك مجاره رائعه ومميزه
دمتم بخير

[ابو غريب العبدلي]

المشاركة الأصلية كتبت بواسطة شاعر البيتين

صح لسااانك يالعبدلي هيضتنا كلنا بها الهجينيه الرائعه من شاعر رائع

وصح لسااانك أبافيصل على المجاراه ..
.
.
.
شاعر البيتين ..

صح بدنك يبناخي والف شكر على المرور