&& إتــســونامي &&

[متعب المضعان]

المشاركة الأصلية كتبت بواسطة فواز الزناتي

السلام عليكم ورحمة الله وبركاته

أعزائي الكرام

احب ان اهدي لكم هذه القصيده الخفيفه

اللتي أتمنى ان تكون خفيفه على قلوبكم





[poet font="Simplified Arabic,5,black,bold,italic" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
أبستفز البيت والقافيه=وانعش قصيدي بالحروف الحيه
.
واركب شياطيني قبل تركبني=واعسف شياطيني مع الجنيه
.
شاعر واقدّر هاجسي والفكره=لي منهجيه مستقله فيه
.
ما همني شهره وقولة شاعر= طموحي أرضي روحي الشعريه
.
بحر ٍ غزير ولا تصافق موجي = يضيع منهو ناوي ٍ لي نيه
.
زلزال شعري كنّه إتسونامي= هز البشر والكوره الأرضيه
.
مهما أكن سلبي أنا إيجابي=من منطق إيجابية السلبيه
.
مزحي تشوفه تحسب إنه جدي=وشلون لو وريتك الجديه ؟!!
.
يعني لو إنه بوش طاح بيدّي=مافكته قوات ٍ أمريكيه
.
إن فزّع ربوعه أفزّع ربعي=ربعي هل الحرب وهل الدحيه
.
ضارين للدحّات واسأل كسرى=يوم الأميره جاتنا مبليه
.
من لابة ٍ باسم الظفر معروفه=محنا بلعبة طاق يا طاقيه
.
ومافيه داع إني أوضّح أكثر=دام المعزّه والوفى ماريه
.
وللحين ماخشيت في موضوعي=هذا فقط تعريف بالشخصيه
.
موضوعي نقطه سبّبت في ضعفي=نقطه ولكن تعتبر فعليه
.
هذاك لامن بس نادوا باسمه=فزّيت كن بي أزمة ٍ قلبيه
.
لاشفت كيف الزين به متعنصر=تطري عليّ الثوره القوميه
.
به منهجية هتلر المتغطرس=وبه فلسفة أرسطو الفكريه
.
إليا تكلم في كلامه بارع=مثل إمتحدث في جهه رسميه
.
أموت وأحيا بس أسمع صوته=وأذوب مع بحّاته الصوتيه
.
من عطره إستخلاص ريح الجوري=يعني بدونه ما بقت جوريه
.
إن كان سوّى ( هه ) بس بشاله=سوق العطور ايطيح للربيه
.
الورد كلّه يتضح بشفاته=لبّا هذيك الشفّه الورديه
.
الليل لونه يرتوي من عينه=فديت لون عيونه الحَوريه
.
شعره مفاهيم الشموخ الذاتي=يبين مع وقفاته السحريه
.
من نور وجهه ما قدرت أشوفه=لازم معي نظارة ٍ شمسيه
.
حكم ٍ حكمني فيه مدري شلونه؟!=لاهو بشرع ولا ديموقراطيه
.
مجنون فيني وايتحلّف فيني=والله لتبطي تنطر الحريه
.
أحفيت رجلي بس في حارتهم =من كثر روحاتي وكثر الجيه
.
وان كان صوّت يا غلاي إقرب لي=هاتو لي الإسعاف والدوريه
[/poet]



وسلااااااااامتكم


فواز الزناتي ..........,,

وانت سالم وغانم


الشاعر المبدع

فواز الزناتي




صح السانك ... ولاهنت


على هالرائعه


بل العطرة


تشرفت بمصافحتها


اخوك


متعب المضعان

[فاضي عبدالعزيز]

الشاعر/ فواز الزناتي


صح السانك


مبدع

مبدع


ولف شكر لك على اعطائنا الفرصه لتصفح قصيدتك الرائعه



وبنتظار القادم الاروع باتاكيد

تحيه لشخصك الكريم

[فواز الزناتي]

الغالي


مزيد المزيد

شكرا لهذا المرور الرائع
وصح بدنك
والله لا يحرمنا من تواجدك




تحياتي



فواز الزناتي ..............,,

[فواز الزناتي]

الغالي


محمد المقبل


أشكر لك هذا الاطراء
واشادتك وسام شرف


تقبل تحياتي



فواز الزناتي .................,,