الخطا يبقى خطا والصـح صـح = وبالنهايه مايصـح الا الصحيـح - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الثابت** · 12/12/05, (07:07 AM)

الشاعر الكبير محمد لطيف

صح لسانك

ابداع في ابداع

الخطا يبقى خطا والصـح صـح
بالنهايـه مايصـح الا الصحيـح
المريض ان جاه ما يوذيـه كـح
وانت تكتم عبرتك حتـى تصيـح
شوف صوتك من عنا دنياك بـح
بالقليلـه روح ريـح واستريـح
العطيب ان شالو العرضـات دح
بس تسمع له مع الصفـه فحيـح
اكشف المستور في نفسـك وبـح
يااخي خلك معى نفسك صريـح
زح غثاها زح عنـا الايـام زح
داوها كنك تـداوي لـك جريـح
وان صدفت الهاجس الملعون طح
يمكن انه مايشوف اللـي يطيـح
وان وقف لك فوق راسك لاتشـح
امدحـه يمكـن يبادلـك المديـح
وان تعدى واختفى قـل روح رح
في قريح ومن سعى لك في قريح
عمر طلع الحنظله ما صار جـح
وعمر ريح العرفجه ما صار شيح
الاوادم يفسـدون اللـي صـلـح
العفو يا خالـق الكـون الفسيـح
اليهود اديـان والخافـي وضـح
والعرب عاثو بمنطوق الفصيـح
عيد شكر وعيد كفر وعيد فصـح
النصارى حرفـو ديـن المسيـح
والخطا يبقى خطا والصح صـح
و بالنهايه مايصـح الا الصحيـح

تقبل تحياتي يامبدع

**عيد الوايلي** · 12/12/05, (08:49 PM)

والخطا يبقى خطا والصح صـح
...................و بالنهايه مايصـح الا الصحيـح

محمد الطيف أنت صح صح صح

صح لسانك ولاهنت

تحياتي

**محمد لطيف** · 15/12/05, (01:06 AM)

الغالي تركي

هلا وغلا

سغيد بحضورك لاهنت

دمتم بخير

**محمد المقبل** · 17/12/05, (02:04 PM)

الخطا يبقى خطا والصـح صـح
.......................بالنهايـه مايصـح الا الصحيـح

الاخ الشاعر محمد لطيف

صح لسانك طبعاً مايصح الاالصحيح

ما أجمل هذه القصيده بفكرتها الرائعه

لاهنت اخوي محمد على وضعها هنا

ولك مني كل الحب ولاحترام

**محمد الدلماني** · 18/12/05, (11:28 PM)

الخطا يبقى خطا والصـح صـح
بالنهايـه مايصـح الا الصحيـح

صح لسان ابيات رائعه جدا وفعلا مايصح الا الصحيح

**محمد لطيف** · 24/12/05, (06:43 PM)

الاخ العزيز فاضي

صح بدنك

وسعيد بحضورك لاهنت

دمتم بخير

**نمش الشمري** · 26/12/05, (11:56 PM)

لله درك

نعم ........ أنا الان لقد قرأت شعرا

وبفلسفة شاعر

لا هنت

بصراحه لم أقرأ لك سابقا

وأرجو أن أقرأ لك مستقبلا

متابع

لما تكتبه يا طويل العمر