ركني الخاص (كلمات منتقاه)

[النايفة]

ماني ورا العاطفه بالحيل منجرفه
....................طبعي على صد ردات الفعل واااالم

الا خيانتك ما املك عندها صرفه
....................واحذر تحاتي ترى من خونتي سالم

مارضى اخونك ولا ارضى اعيش منحرفه
....................ماهو عشانك عشان النفس والعالم

درب الخيانات لو اموت ما اعرفه
....................لكن يا عمري تحاشى ثورة الحالم

[النايفة]

واذا ذكرت العشره بـ قلب مقهور
......................... تذكر اللي صار بينك وبيني
آخر كلامك قلت لي منت مجبور
......................... والحين أظنك منت مجبور فيني

[النايفة]

اللـي ّيصبّـرنـي إلـى شان حالـي
غير إني اجمع كل ذلّي و أصليّ
أربت على قلبي واطمّن خيالــي
قبل أنولد مكتوب وش بيحصل لي

[النايفة]

ليت ربي خلقني في زمان مضى ,,, يوم الأجواد تفرق بين ظفر وردي

يوم صوت العذارى لانتشر بالفضا ,,, الشرود يتعثر والشجاع يعدي

واتخير عشير للمدايح حظا ,,, لجل يطلع مطاليع الشجاع ولدي

[النايفة]

المشكله ما هي مسافه أو سفر...
المشكله بعد القلوب عن القلوب..
ما مل منهو ينتظر طول السهر
بس البلا من ينتظر رجعت كذوب,,

[النايفة]

أختي هيا الأجمل من هذا الركن تواجدك فيه
شاكره لك مرورك الذي انار الصفحه دمتي بسعاده لاتفارقك ...

[النايفة]

صدقني ماضقت من فرقــــاك بالمرة ..

بس ماذبحني سوى حاجــه بجــوالي !!

تدري وش اللي ذبح قلبي من الحرة ؟؟

إني مخزنك في جوالي "الغالي" !!