ركني الخاص (كلمات منتقاه)

[النايفة]

ما أتعس من الدنيا .. قبل تعشقيني ................
................ { ولا أحلى من الدنيا .. بعد عشقك اليوم
تطمنّي .. وإنتي يدينك فـ ايديني ................
................ { مانيب متضايق .. ولانيب محروم

[النايفة]

لا تخاف ..باسلم ،، ترى صدري وسيع
[ والكلمه إللي قلتها لي ،، ( وافيـه ) ! ]

لا صارت الهقوة مطر !! ،، قلبي ربيع
[ وإلاّ الجروح إن زادت " أجر وعافيـه " ]

[النايفة]

البارحـة عنـي لـذيـذ الــكـرى طـــار ... ليـل ذكرتــه مــن حنـــين لحــاشـــي
وخــلا دمـوعي فـوق الأوجــــان نثـار .... مثـل المطــر لا جـــار نهــار الرشــاشــي
لعــل عــظمــه مـا يجـي واهـج النـار ... فـي جنـة الفـردوس حلـو المعـاشـي
عسـاه بالجنه من الـــحـور يــختـــار ... بــرحمــة الــمولــي وسيـــع الفـــراشـي
وانـا يخليـلي هـل الجــود والكـــار ... ودي بـــهم ولا تـــرى الــــرزق مــــاشـــي
أبكــي خليــل ما يــواذي على الجـار ... مــا مــــرة بالــعــمـر للجـــار هـاشــــي



دقات قلبي تزيد بحرة فيها والدمع من مهجتي بالحزن ذرافي

من لوعة يا عسى ربي يجليها حمى غشتني بغم وتنفض أطرافي
ليت الليالي تعود بحلو ما ضيها هيهات ترجع بما روَّح وما طافي
كل(ن) يعزي وأنا روحي أعزيها لرحيل أبوي اللي بالأفضال معطافي
آهـ من الوقت والدنيا أثنِّيها دنيا تفرق شمل بالحيل تنعافي
بسمتك يا والدي ما ني بناسيها تضحك إذا شفتني بالخير متعافي
ليت العمر ساعته تنباع وأشريها بأغلى ثمن يايبه للعمر تنضافي
مسجدك مشتاق للآية وتاليها ××× ومنبرك من عقب ما فارقت له طافي
غرشة دهن عودك بدرجك أغطِّيها ××× أشم ريحه وكنك مقبل(ن) لافي
نظارتك شلتها حزني يبكِّيها ××× حتى المساويك ناحت بين الأرفافي
وعصاك مسنودة(ن) جيت أبحاكيها ××× تقول يكفيني ما فيني ترى كافي
وبستانك اللي به النخلات تسقيها ××× يبست سواقيه تمره دون خرافي
يبه .. يبه .. يا يبه لمن بأطرِّيها؟؟ ××× هني من له أبو حي(ن) وينشافي
فنجال قهوة معاك أوقات نغليها ××× ويضمني بالشتاء في مشلح دافي
همزت رجليك أنا أفدى مواطيها ××× أرجي لبرِّك عسى ما تشكي خلافي
الارض ضاقت علي بأوسع فيافيها ××× ماذقت نوم هني والانس متجافي
فضايلك يا يبه عجزان أوَفِّيها ××× لو صلت بالشعر بيت الألف من قافي
يا ربي تجعله للفردوس ناصيها ××× ومن ثمار الجنان الخضر قطَّافي

[النايفة]

يا سميّ اللي كسر ظهري جفاه ,
.................خبّر أهلك.. لا يزيدون الفجع !!
لين قالوا: يا فلان، وقلت: هاه ,
.................باح سدّي / وأمطرت عيني وجع !

[النايفة]

من كثر ماكنت جارحني وظالمني
قمت اعزل جروحك بقلبي واسميها
اخاف لاحبني غيرك وعاشرني
يشوف صورتك في عيني ويوحيها
نشدت عنك وسمعت اللي يفرحني
وارتاح صدري من هموم يحاتيها
تبي تعرف اللي على الفرقا مصبرني ؟
انك بخير وحياتك مهتني فيها
تدري متى تعرف قدري؟يوم تفقدني
لا رخصت نفسك لشخص مايراعيها
بكره إليا هملوك الناس تذكرني
وتقول عزآه عيني من يداريها

[النايفة]

في كل شي اكون لـك اول النـاس
بالـحـب بالتقـديـر بالغـايـريـه
بالقلب الأبيض بالأصاله بالأحسـاس
بالشـوق بالعشـق الجلـي بالحميـه
بالدلعنـه عالصبـح بالليـن بالبـاس
بـالـروح بالأيـثـار بالمسفطـيـه
من حبة الوجنه ليـا حبـة الـراس
ودي بقربـك دون ذنـب و خطيـه
والناس لا قالولـك العـرق دسـاس
ماظـن تجهلـك العـروق النـديـه
فأن كان لك قلبٍ من البعـد حسـاس
هذا مـن اعـروق الحنـان الفتيـه
وان كان لي قلبٍ من الشوق محتاس
هـذا دليـل ان المحبـه صخـيـه
اذا كذا ليه الهـوى صابـه اعمـاس
مانـي بخابربـك قطاعـه و أذيــه
قربك سحاب ابيض و فرقاك هوجاس
يا اجمل من اجمل شي وسط البريـه
تخيل اني كـل مـا هـب نسنـاس
وجهـت يــم الـدلـه الحايلـيـه
و ابهـر الدلـه واقفـل بوسـواس
انـك تقهوينـي مــن الشاذلـيـه
منك عرفت ان المشي فن الأجـراس
وانـك تفـوق الأرض بالجاذبـيـه
ومنك عرفت الدرع والخوذ والطاس
ماهـن يقاومـن العيـون الشقـيـه
ومنك عرفت ان الشجر قطعه ابفاس
اهـون ولا سقـو اليديـن الـرديـه
ومنك عرفت ان السهر بين الأقواس
اهـدار وقـت و نومتـي عبقريـه
يمكن ليامن نمت وامسيـت بنعـاس
تزورنـي بأحـلامـي المخملـيـه
ومنك عرفت وصوف ماهي بتنقاس
والخوض بأشياهـا ضيـاع ابجديـه
زولك وطن وعيونك الخرس حراس
ووجهـك بـلاط الدولـه اليوسفيـه
وجبهتك مخلوطه من اللـول بقيـاس
واخـدودك اقـرب مالهـا مهلبيـه
وضحكتك كنز انفس ودمعاتك الماس
ولا اغلى من الضحكه سوى الهاشميه
واذا بكيت ابطلبك:حـط فـي كـاس
ودي غسـول مـن الدمـوع الغنيـه
وان كنت في صحرا ولا فيه مجلاس
افرش شعرك وحـط متنـك عليـه
واعيش في ليلين شعرك والأدمـاس
واعطيك من حلـو السوالـف هديـه
سوالف العشـاق شيبـان الأتعـاس
ابـن الملـوح قيـس و العامـريـه
وازود الجرعـه وابهديـك كـراس
عـن شاعـرك (والطنخـه الوايليـه )
قلبه غـدا واحـه وطلتـك مغـراس
كل ما تطـل اشـوي تكبـر شويـه
حتى نبت بالقلب واعروق الأنفـاس
اجمـل ثمـر بالنكهـه السكـريـه
واليا صدفك انسان ينشد عن السـاس
ابغـاك تعطيـه الأجـابـه شفـيـه
قله : ترى ماني بشـر زي هالنـاس
مـلاك واعروقـي ماهـي بآدميـه

[النايفة]

تاكل حلا.. واقول وش لـه تحلـّين؟؟

بس إبلعي ريقـك / وعقبـــه تقهـويّ

وانا بشوفك بس يا غاية العــــــين

لاجعت انا أقدع من إخلاصك شويّ

.