اقتباس:
المشاركة الأصلية كتبت بواسطة سعد النفج
.
.
.
تبلل يا خفوقي بالدموع و بلل اغصانك=وبلل تربة احلام السنين و كفن اوجاعي
تموت احلامي و تبقى المواجع تنبش احزانك=وانا ما ودي اوجاع الحنايا تكسر اضلاعي
و الا يا صاحبي ياللي وصالك غيم هتانك=كسرت من الجفا صدر الشجيع الغافل الواعي
مشاريهي تشد رحالها و تموت با حضانك=وانا اطمع بالرضا و الكلمه اللي تطرب اسماعي
ابي قولت ( هلا ) والقى مداهلها على لسانك=وابي فيها فناجيل الكرم من عقب مقداعي
وابي فيها نواميس الضيافه عند ضيفانك=وابي فيها رحابة صدر ,, ترفع هامة الداعي
متى تروي بها يا مدعي بالحسن عطشانك؟؟=متى ترأف ترا بعض السوالف مالها داعي
أجيك من السفر و القاك مغلق كل بيبانك=و انوخ دمعتي قدام بابك و اطوي شراعي
و اطيح من العنا و اتوسد همومي على شانك=واقول ان الأسى و الحزن و الحسره من اتباعي
اسافر و اقطع دروبك من اوطانك الى اوطانك=و تضيع بسكرة الحب اللذيذ دروب مطلاعي
طلبتك.. لا تعنيني و انا متأمل احسانك=طلبتك لا تخليني سوات الناي و الراعي
تعزف الحزن و اميّل قوافيّه على الحانك=بلا وعي اعشقك و اموت في عشقك و انا واعي
طلبتك و الحيا ماله وجود بظل حرمانك=ابي روح الحيا تخضر و تبعدني عن اوجاعي
و اذا ( تكفى ) ترجح كفتي باطراف ميزانك=اكررها الى بكره و احقق غاية اطماعي
وانا اقول الأمل باقي على جودك و تحنانك=و لو مات الأمل لابقى الشجيع..المولع ..الساعي
|
اخي الفاضل سعد النفج.
هذا النص راقي راقي راقي جدا.
جميل كل مافي هذا النص من عطش وسفر وبعد وشوق وامل وحياة تتعطش للحياة.
عشق بوعي او بدون هذا الوعي.
دموع وحزن وترديد مواوييله.
نص تتذوق وتتعطش لتقرأه من جديد.
جميل جدا هذا النص اخي الفاضل.
استمتعت بالشعر لانه هنا الشعر .
دمت بكل الخير وبهذا الابداع وبهذه الروعه.
كل الشكر لك واتطلع بالفعل الى جديدك.
تحياتي لك اخوك محمد العنزي
02/12/08, (10:17 PM)
رد: تبلل يا خفوقي بالدموع و بلل اغصانك**وبلل تربة احلام السنين و كفن اوجاعي
العرض العادي
