مصافحتي الأولى بين أيديكم .. ( فوق فوق النجوم )

[عبدالعزيز العدواني]

المشاركة الأصلية كتبت بواسطة خلف الغريب

النـوايـا مـلابـس والتقالـيـد دوم
بين زيف القناع وبين حصـن الـرواه
بيتها من حديد وعندهـا الفـرس روم
في ظهرها سهوم وفي يديهـا حصـاه
نوب ترقى الجبال ونوب صعب(ن) تقوم
وان غفت نص ساعه قوموها الغـزاه
في لغتهـا الإشـاره للأمـام الهجـوم
وان تـوارت ورايـه تستفـز الرمـاه




الرائع عبدالعزيز العدواني ..

اولا احييك في بيتك الثاني شبكة ويلان العربية وكلنا سعادة بهذا الحضور الجميل منك ..

وثانيا الف صح لسانك على هالجزالة غير المستغربة منك ..

قديما ولا زلنا نردد بيت العدواني الشهير رحمه الله :

النوم ساس اللوم بان الردى به .. واللي يبي الطولات نومه شلافيح

واليوم هاهو العدواني عبدالعزيز يتحفنا بهذا النص الجميل ..

تحياتي وودي..

مشرفنا القدير وشاعرنا الجميل / خلف الغريب


حضورك شرف كبير لي


وكلماتك وساما أعتز به


دمت كما أنت أيها النقي

[الصقار]

عبدالعزيز عبيد العدواني

اولا حياك الله - والف مرحبا فيك وبابداعك

وصح لسانك

حضور رائع وقصيد جزله من شاعر جزل

دمت وسلمت

[عبدالعزيز العدواني]

المشاركة الأصلية كتبت بواسطة ابن هندي

عبدالعزيز عبيد العدواني

اولا حياك الله - والف مرحبا فيك وبابداعك

وصح لسانك

حضور رائع وقصيد جزله من شاعر جزل

دمت وسلمت

القدير / ابن هندي


صح بدنك ولا هنت يالغلا


تحياتي لك

[محمد المقبل]

المشاركة الأصلية كتبت بواسطة عبدالعزيز العدواني

بسم الله الرحمن الرحيم



وعلى الخير نلتقي وبشبكة ويلان العربيه يطيب لي المقام



يسعدني ويشرفني أن أكون هنا بمعية الشعر ولأجل الشعر ولشعرائنا الأفاضل الذين أتشرف بوجودي


بينهم لنتناول الشعر ونبحر بالقوافي كيفما ذهبت بنا الأمواج لنرتقي بالشعر والفكر معا .








وهذه متواضعتي بين أيديكم ومروركم شرف لي وتوقيعا لها :

فوق أنف الشموخ ودون حب الخشوم = يا شلع بي خفوقي ينثني بالعباه
إن فرحت اتباهى وان حزنت مهزوم = وان فتحت المجلد قلت محد(ن) قراه
من حصير الكرامه من تفاصيل يوم = من هدوء الغريب ونظرته مع حياه
من حصاد الليالي من لهيب السموم = من تقاسيم وجه اللي غدا من ضماه
من ذهاب المسافر لين وقت القدوم = من رغيف الفقير الصبح حتى مساه
العزوم القويه تنتحر بالعزوم = والقدر ما يعلم من سأل عن خفاه
للعموم اتكلم وافتخر بالعموم = والهجوس ان تكلم يحتضر من غثاه
صوتت لي هنوف(ن) في خيالي تعوم = واشرت صوب رجم(ن) يتعب اللي رقاه
انتخت بي وقلبي للنخاوي يشوم = واشعلت من ضلوع المشتكي ما طواه
جت غريبه ولكن جت بليا هدوم = عاريه في زمان(ن) ما يحب العراه
النوايا ملابس والتقاليد دوم = بين زيف القناع وبين حصن الرواه
بيتها من حديد وعندها الفرس روم = في ظهرها سهوم وفي يديها حصاه
نوب ترقى الجبال ونوب صعب(ن) تقوم = وان غفت نص ساعه قوموها الغزاه
في لغتها الإشاره للأمام الهجوم = وان توارت ورايه تستفز الرماه
بنت شيخ(ن) شجاع ولا جهل بالعلوم = ما مشى في حرام ولا شكى من حفاه
لا بها ضلع(ن) اعوج والجدار مهدوم = وان بغت لين القاسي يلين بقساه
تحتفل يوم اناجيها تسد اللزوم = تعطي الراي لكن ماتعرف الوجاه
ودها اطلع واعانق في هواها الغيوم = ودها اسبق غريم(ن) مبتلي في أذاه
حطمت واستباحت حاكم(ن) ومحكوم = واستعفت من اللي ما يحصل عشاه
فاخره ما تطالع في نظرها الرخوم = وان نظرها الغشيم يطيح مما غشاه
اتوجد على نفسي واعاتب والوم = وان تشمت عذولي قلت ماذا دهاه
ليه يشمت وحلمي فوق فوق النجوم = والخساره عليه من ورى مستواه
من يدور على الزلات يبطي يحوم = ويتخبط ويضرب ركبته في عصاه
لا يواجه يقال انه أشد الخصوم = ولا يقول الصحيح ولا يذري ذراه
الزوايا تثبت والهدف مايصوم = والدوا حين يفتح ينعرف محتواه
ياخفوقي عليك الله بالك تنوم = اصح حتى تنال المجد والا الصفاه
وانتبه لاتصدق لاتصدق حلوم = تنتهي يوم تصحى واعتبرها وصاه
النظر سهل ياصل لين روس الحزوم = والسواعد تكبل مير ويش السواه
من جهل في زمانه عاش فيه محروم = ومن يجامل على نفسه يضيع دواه
الولد جا معه بنتين والحمل توم = ورثهم قسموه العارفه والقضاه
السوالف قريبه ماتعدى الكموم = والهقاوي على الصقار مثل القطاه
من بغى مايحج انكف ولو بالجموم = ومن بغى الحج حاول لو بعيده خطاه
الطهاره طهاره والخيانه هموم = ولايصيح المعنى غير مما كواه
الحضيض ان تردى الحظ فيه مخدوم = وان رفعه اقتعد وان ضاع حظه لقاه
ماتضيع الغنيمه كان فيها وسوم = وان بغاها عطيه جعلها من فداه
دوم حق الكريم مفرق(ن) ومخصوم = ينفق اللي يجيه ولا رجى من عطاه
الخفايا كثيره والحصاني تسوم = والغلا مايخفى واضح(ن) من غلاه
ليت عمر السعاده بالسعاده يدوم = وليت عمر الشقاوه ضايع(ن) بالفلاه
وليت ليت المعالي للنشاما تروم = وليت سلم طلوع المجد ينسى الوطاه
كان تصفي ولايلقى العزيز مهضوم = وكل طايل قصر له وان بغاه اعتلاه

أخوكم الصغير / عبدالعزيز عبيد العدواني العنزي

الله الله على هذا النص الرائع ياعبد العزيز العدواني

صح لسانك وتعلا شانك شاعر متمكن أعجبتني هذه القصيده كثيرا

وقراتها اكثر من مره ووجدت بها الشعر الحقيقي اتمنى بان نقراء لك الكثر والكثير بهذا منتدى

ولاهو غريب الابداع على الشاعر عبدالعزيز العدواني تقبل اعجابي بهذا النص

ولك تحياتي وحترامي

[عبدالعزيز العدواني]

المشاركة الأصلية كتبت بواسطة محمد المقبل

الله الله على هذا النص الرائع ياعبد العزيز العدواني

صح لسانك وتعلا شانك شاعر متمكن أعجبتني هذه القصيده كثيرا

وقراتها اكثر من مره ووجدت بها الشعر الحقيقي اتمنى بان نقراء لك الكثر والكثير بهذا منتدى

ولاهو غريب الابداع على الشاعر عبدالعزيز العدواني تقبل اعجابي بهذا النص

ولك تحياتي وحترامي

القدير / محمد المقبل


صح قلبك وفكرك على هذا الحضور


دمت للشعر ومحبيه

[سالم صالح]

الشاعر الرائع والمبدع


عبد العزيز العدواني العنزي


اهلاً بك بيننا ولقد شرفتنا بانظمامك الى هذه الكوكبة الرائعة من شعراء ويلان فهلا بك في دارك


لقد اجدت في صياغة القصيدة فظهرت رائعة مليئة بالسبائك الشعرية الذهبية التي تذهل العقول عند قرائتها والتمعن فيها


شاعر متمكن وجزل واابيات تتضاها بالجمال فكل واحد ينفرد بميزة عن الاخر


اخي العزيز لقد استمتعت في قراءة الشعر في هذه القصيدة فهي مليئة بالشعر الحقيقي


عذراً منك على هذا الرد المتواضع الذي لايرتقي لجمال ماكتبت ولكن احتارت العبارات الجميلة ايها يرضي هذه الفاتنة


تقبل تقديري واحترامي

[عبدالعزيز العدواني]

المشاركة الأصلية كتبت بواسطة سالم صالح

الشاعر الرائع والمبدع


عبد العزيز العدواني العنزي


اهلاً بك بيننا ولقد شرفتنا بانظمامك الى هذه الكوكبة الرائعة من شعراء ويلان فهلا بك في دارك


لقد اجدت في صياغة القصيدة فظهرت رائعة مليئة بالسبائك الشعرية الذهبية التي تذهل العقول عند قرائتها والتمعن فيها


شاعر متمكن وجزل واابيات تتضاها بالجمال فكل واحد ينفرد بميزة عن الاخر


اخي العزيز لقد استمتعت في قراءة الشعر في هذه القصيدة فهي مليئة بالشعر الحقيقي


عذراً منك على هذا الرد المتواضع الذي لايرتقي لجمال ماكتبت ولكن احتارت العبارات الجميلة ايها يرضي هذه الفاتنة


تقبل تقديري واحترامي

القدير / سالم صالح


حضور أمثالك يكفيني


وكفيت ووفيت


لا خلا ولا عدم


محبتي لك