{{ الوايليات }}

[هندي المقبل]

الشاعر القدير حمد الضوي

بيض الله وجهك وعزالله انك مثلتنا خير تمثيل وشرفتنا وهذه عادتك يابو خالد دائما جزل ومشرف

دخولي هنا لتسجيل اعجابي وشكرك على هذه الوقفه وهذا النص الشامخ.

[حمد الضوّي]

اقتباس:
المشاركة الأصلية كتبت بواسطة هندي المقبل
الشاعر القدير حمد الضوي

بيض الله وجهك وعزالله انك مثلتنا خير تمثيل وشرفتنا وهذه عادتك يابو خالد دائما جزل ومشرف

دخولي هنا لتسجيل اعجابي وشكرك على هذه الوقفه وهذا النص الشامخ.

الغالي

هندي المقبل

وجهك ابيض ياأبا سيف

تشرفت بمرورك العطر عساك بالوجود يالبناخي

ومشكور على هذه الكلمات الراقيه وأنا ماسويت
إلا الواجب والشيخ / هزاع ابالروس يستاهل مثل قبيلة
عنزه خير تمثيل وما قلنا لايفي بحق هذاالرجل الذي قل من يفعل مثله
الف شكر على الإطراء وإعجابك مهم بالنسبه لي

لاخلا ولاعدم يالعزوه

لك اجمل تحيه

[سعود المسعودي]

المشاركة الأصلية كتبت بواسطة حمد الضوّي

هذه القصيده تشرفت بإلقائها بالحفل الذي أقامه

الشيخ / هزاع بن عايش أبالروس العنزي
بإم رقيبه لعام 1433هـ عسى أن تحوز على إستحسانكم

{{ الوايليات }}

يقول من قافه على المطلوب صاغه وعسفـه=مادام الاجوى للشّعر ذعذع لها نفنوفها
شاعر ليا حوّل بروض الشعر مالاق قطفه=يتعب على بيوت القصيد وينتقي لحروفها
والكلمه الجزله لها يختار والهزل حذفه=حتى على شَفّه تجي والناس حسب شفوفهـا
في حفل شيخ ٍ منزله عالي وقدْره وشرفـه=شيخ ٍ تقدّم للمهمه ماحسب مصروفها
بالموقف اللي عن بني وايل تحيّزم ووقفه=عزوة بني وايل معه تعلن وراه وقوفها
هزاع بن عايش رفيع الذات محمود الصفـه=يِقْبِل ليا الناس ادبرت و اعطت عراض كتوفها
من روس قوم من السطر فيهم عجَاله وزهَفه=يخشى فعايلها الخصيم ليا شهرت بسيوفها
قوم ٍ تحدّدّ للجمل بالمعركه وتكتـِّفـه=دهامشه ستر الهنوف ليا زْعَجَت غُطروفها
عسى الله يعينه على حمْل ٍ على المتن نسفـه=حمل ٍ ثقيل ٍ ما قواه من الرجال ضعوفها
لجل الفخر يصرف مبالغ طايلات ومكْلِفه=واهل المكارم تِستحِِق يشاد في معروفها
سوّى مضيفٍ من وقف باقصاه ماشاف طرفـه=فيه الرجال اللي نباها ياهلا لضيوفها
الله يزيده ماحسب مال ٍ على العليا صرفـه=من جاه قال ضيافة الروسان غير بنوفها
وابو فهد مانمدحه والقصد قُرْبى ونهَفه=كل القبايل وقفته تشهد بها وتشوفها
شارك بوضح ٍ لونهن مقلول والفوز هدفه=لون البرد من مزنة ٍ قامت تهل قنوفها
منقيّة الروسان ضنّ اللي تحدى تِخْلفه=كم ناس من بعد مغزاها فكرتْ بنكوفها
تسلب عقول اهل النظر والذوق واهل المعرفـه=الله يكافيها عثوْر أيامها وصدوفها
ليامشت تبخترت ممشى الهنوف المترفه=تنظر لمعشوق ٍ غلاه أحدث دمار بجوفها
لاشافها راع الولع جا فيْه خفّه ورجفه=ومن الغمايض والقهر يالوف حاله لوفها
لياعرضَتْ قدّام لَجْنه شكلوها مِشرِفــه=تقلط على ذود ٍ تحدتها ثقه وتطوفها
إن جيت أناظر لـ رقبه وإلاّ لـ راس ولـ شعفـه=وإلاّ لـ طول أرقابها وأسبالها وأُنُوفها
وإلاّ لا ذان ٍ مثل روس الشلْف حَدّه مُرهفه=وإلاّ لـ وساع نحورها ونسنوسها وردوفها
وإلاّ لـ سنام ٍ منفهق لخلاف مافيه عجفه=وإلاّ نظرْت لـ عضدها والساق وإلاّ خفوفها
الوايليات إسمها كل ٍ سمع به وعْرُفه=وضح ٍ تهز القلب لاجت لك تهز دفوفها
باوصافها ضاع الفكر والموهبه ماتسعفــه=ندّر عفر ماكل من وصّف يجيد وصوفها
سبحان خالقها كذا بابداعه وبتصرفه=لعل عيون ٍ ناظرتها بِحِِسْد تفقد شوفها
في مهرجان أهل البل اللي كل من مر وصفـه=بأوصاف طيب ٍ كايفه يطرب لها مشغوفها
الموقع اللي كل سكان الجزيره تعَرِفه=اللي تواجد به عطايا الله بكل صنوفها
والجايزه بسم الملك عبدالعزيز مشرِّفــه=حامي بلاده في زمن شهب الذياب تحوفها
متوشح ٍ بالسيف الاملح وبيمينه مصحفــه=حتى قبايلها توحّد شملها وصفوفها
برعاية الشهم الكريم اللي رِحِمْ من خلّفه=مشعل هل الاذواد تدعو له برفع كفوفها
أخو المليك اللي تربينا وعشنا بكنفه=بحماه تامن مملكتنا ويتبدّدّ خوفها
كم من يتيم ٍ راف باحواله ودمعه كفكفه=وأغنى الفقارا وإنتهى جوع ٍ ضرب سرجوفها
هذا وباقي لي خبر لكم أباقوله وأكشفــه=من لاعرف من هو حمد خذها على مكشوفها
شاعر وضوّي جعفري واحْمَلْ بطاقة تعرفه=وربعي هل الجدعاء وامثلها وانا مكلوفها
منهاجنا واضح على الملّه ولابه لفلفه=ماكنّه إلا وضُوْح شمس ٍ ماغشاها كسوفها
وأنهي كلامي واختم بكلمه صريحه مُنصفــه=كل القبايل والنعم واهل الردى ذالوفها

"""" وسلامتكم """"

صح لسانك على هذه القصيده ..


تقبل تحياتي وتقديري



دمت كما تحب

[حمد الضوّي]

اقتباس:
المشاركة الأصلية كتبت بواسطة سعود المسعودي

صح لسانك على هذه القصيده ..


تقبل تحياتي وتقديري



دمت كما تحب



سعود المسعودي



صح بدنك وتشرفت بمرورك
لاخلا ولاعدم





ودي وتقديري

[سالم صالح]

الشاعر المميز والمبدع اخي / حمد الضوي ,,,

صح السانك ملياااااااااار فلقد ابدعت وامتعت شعراً لايضاها من راس وايلي فيه من النخوة والطيب الشيء الكثير

فمثل هذة المواقف ياتي الشعر الحقيقي والابداع المميز فالله درك ماقصرت كفيت ووفيت وربي ,,,,

ومهما قلت لن اوفي هذة القصيدة حقها وابا الروس يستاهل وقف ماقف قليل اللي ياقفه ,,,,,

تقديري وودي لك

[حمد الضوّي]

اقتباس:
المشاركة الأصلية كتبت بواسطة سالم صالح
الشاعر المميز والمبدع اخي / حمد الضوي ,,,

صح السانك ملياااااااااار فلقد ابدعت وامتعت شعراً لايضاها من راس وايلي فيه من النخوة والطيب الشيء الكثير

فمثل هذة المواقف ياتي الشعر الحقيقي والابداع المميز فالله درك ماقصرت كفيت ووفيت وربي ,,,,

ومهما قلت لن اوفي هذة القصيدة حقها وابا الروس يستاهل وقف ماقف قليل اللي ياقفه ,,,,,

تقديري وودي لك

سالم صالح

صح لسانك وإعتلى شانك ولا عليك زود وشرفني مرورك
شاكر ومقدر لك إطراءك ولاأقول إلا بيض الله وجهك
وشهادتك وسام اعتز به

تحيه لشخصك الكريم

[عبدالرحمن الجابري الحربي]

الغااالي / حمد الضوي ..

صح لساااانك مليووون ولا يكفووون على هذا النص المتميز في كل شيء ..

ويستاااهل الشيخ هزاااع وألف نعم فيكم جميييييع ...

تحيااتي ..