نمش الشمري /////////// القايد
مبدعين وشعراء كبار ورائعين
استمتعنا في متابعتنا لكم وللسبك الشعر بالابيات والصور الرائعه
صح لسانك يانمش وصح لسانك يالقايد ولاهنتوا جميع"
/
\
/
\
/
\
/
\
/
\
/
\
/
\
نمش الشمري
أبتدي بالسلام .. الله يديم الســــــــلام= تســتريح النفوس وتركد أحزانــها
من بغى ياخذ ويعطي .. بجزل الكلام= يدخل إحدود هالقصه وعنوانـــها
القايد
مرحبا بحترام وياهلا بحترام=كل قوم(ن) منعنا غدر عدوانها
أطرق الباب حنا زايحين الظلام=والعلوم الجديده هات برهانها
نمش الشمري
البقا فيك ياللي جيت حسب المـــــرام=والنشاما تقول .. ويسلم إلســــــانها
يظهر إنـّا نسـوّي حلف .. يابن الكرام= والثمينه .. نوزّنهــــــا .. بميزانـــــها
القايد
ماعليكم ملام ولاعلينـا مـلام =ثمنوها وحنا نعـرف أثمانهـا
لا تحرم حلال ولاتحلل حـرام =جيتك أدورها وأتعب على شانها
نمش الشمري
البنا .. يا طويل العمـــر غير الهــــدام=قالها شايبن من ضمن شيبــانـــها
الرضى عندنا البادي .. وضد الخصام=والسفينه تسير .. بكيف ربـّــانهــا
القايد
جتني علوم مدري وش صحيح الكلام=زيد وعبيـد قالـوا شـب نيرانهـا
وانظلم فيه طفلاً قبـل سـن الفطـام=أحتـرق بيـن شعلتهـا ودخانـهـا
نمش الشمري
الإشاعه .. لبعض الناس .. مثل الدوام=يجتهد .. طول وقته .. ينشر إعلانها
والحقيقه .. ولو جفنه نعس .. ما ينام= إبتصر بالهروج .. إتعرف وكـدانها
القايد
بوش وبلير صاروا في علوا السنام=شفت وش صار بالبصره وسكانها
عقب ماهي بمان يطير جوز الحمام=وانت يالشمـري بنيـت سيسانهـا
نمش الشمري
بوش وبلير لو صاروا ....... ما صاروا تمــــام=تنقلب باكر الآيه .... بشيطــــانهـــا
كل حاجه وراها شمّـــري .. ما تضــــــــام= وإنت تدري بشمــّر كيف فرسانهـــا
القايد
عقب ماطاحت الدولة وراح النظام=شفت ماعفت ولا دنت من دانهـا
والله إن الطنايا يكسـرون العظـام=وأنت ماخطيت بس أخطيت نيشانها
نمش الشمري
شر.. فتنه ..وتوفيق .. وثقه .. وإنقسام=والعمايم .. وعان أفعالها عانهــــا
قبل لا تبتلش .. وتدش بالإزدحـــام= إلتفت للمطيّـه ... وإكرب إعنانهــــا
القايد
كلمة الشيخ للي ماحصل للوسام=ضيعت كلمة الفارس بميدانهـا
والله أني نبيه وشايفا لي عسام=عنكبوتيـةٍ تصـرخ بوجدانهـا
26/05/06, (09:32 PM)
العرض المتطور
