***&***[ الشــــمـــس غــــــابـــــــت ]***&***

[صالح العرجان]

المشاركة الأصلية كتبت بواسطة زياد الشمري

الشـمس غـابت والفضا سـاده الليـل =ليـل ٍ يـذكـرني حـبيب ٍ نـسـاني
ليـل ٍ إذا شفـتــه أشـوف البـهـاذيــل =واشـوف هـمي لالفا الليل جاني
معنى كذى كل يوم أعاني من الويل =كل ماتغيب الشمس احزن واعاني
أداري احــزانـي واردد مــواويـــل =وارثي غـرام ٍ في حـياتي بلاني
أدور الــخـِـلان ويـــَّــا الـتـعــالـيـل =يمـكن تـنسِّـيني حـبيب ٍ جـفـانـي
وازيـن دلالـي واصـف المعـامـيـل =واشعل حطب ناري ولاحدٍ حداني
واشرب من قـهوةٍ بها البن والهـيل =ألـهّ‍ِـي بـروحـي عـن اللي رماني
أحـيا وانا ودي حــيـاتي تـسـاهـيـل =ولو ضحكت سني غرامه بكاني
لاصرت انا وحدي دموعي هماليل =وضحكي لو يطـِّول خذاله ثواني
ماينفعـن كـثـر الحـيـل والتحـايـيـل = هـمـي نـوانـي ولا نـواني لفـاني
عـقـبه طـفـت أنـوارنـا والقـنـاديـل = وفي غيبته ضاعت جميع الأماني
من غـيـبته لاماجـنـينا المحاصيل =وانهدت صروح الغلا والمباني
كن الشجر بعده عن اغصانه يميل =وحـتى الحـكي دونه بـليا معـاني
بـكـيـت ودمعـي ماحـوته المناديل =مـن سـبـة غـيابه تحـطم كـيـاني
ليـتـه يجـيـني بـالليالي المـقـابـيـل =ويرجع على قلب ٍ طواه الزماني

وسلامتكم

زياد الشمري


الحاااال واحد يا نسل الكرم والطيب



صح فكرك وصح قلبك



بناخيك


صالح العرجان

[حمد الخمعلي]

الاخ زياد الشمري



صح لسانك وصح فكرك




مودتي

[فهد معزي]

.زياد الشمري

صح لسانك على هذا الرائعه

الشمس غابت والفضا ساده الليـل**ليـل ٍ يذكرنـي حبيـب ٍ نسانـي
ليل ٍ إذا شفتـه أشـوف البهاذيـل**واشوف همي لالفا الليـل جانـي
معنى كذى كل يوم أعاني من الويل**كل ماتغيب الشمس احزن واعاني
أداري احزانـي واردد مـواويـل**وارثي غرام ٍ في حياتـي بلانـي

[تركي صالح]

واشرب من قهوةٍ بها البن والهيـل
-------------------------------------ألهّ‍ِي بروحي عـن اللـي رمانـي

الاخ القدير / زياد الشمري

صح لسانك وسلم بنانك

دائمً مبدع يالغالي

وتقبل فائق التقدير والاحترام

[زياد الشمري]

الاخ ماستر

صح بدنك ولاهنت يالغالي

تشرفت بمرورك عزيزي

تحيـــــــــاتي

[زياد الشمري]

بنت العبيه هلا وغلا ابنتاخيي

صح بدنك ولاهنتي

اسعدني تواجدك

[عبدالله عايد]

الشاعر زياد الشمري

صح لسانك على هذه القصيدة الرائعة

وسعيد جدا بتواصلك

وتقبل فائق تحياتي لك .