اهدي بيت شعر للي قبلك - الصفحة 30 - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 02/11/12, (06:31 PM)

كل شي فالدنيا . . مقدر / ومكتوب
( غمامة تبرق .. وتمطر غمامه )

ما دام مابه حد .. بالعمر محسوب
والموت للانسان .. آخر ختامه

تكفين يا الدنيا .. تخليني اتوب
خايف من الله قبل يوم القيامه

**حمد الخمعلي** · 09/11/12, (11:51 PM)

صوتك الى اليوم بسماعي يناجيني=حتى ليانمت صحاني ولبيته
ابسألك من غلاتك من ينجيني=حتى تناسا المكان اللي بها جيته
تاخذني الذكريات ولك توديني=في سطح بيتٍ من الاشواق ضميته
اجيك كلي ظما والشوق طاويني=وش اللذي ياحياة الروح سويته
وش فيك مسهر عيوني ليه مشقيني=وتبخل عليه بصوة اذوب لوحيته
وصلك ترا ياحياة الروح يحييني=وهجرك يعذب حبيبك يومك اشقيته

**غموض الشمال** · 13/11/12, (05:06 PM)

حزني كبيّر .. أكبَر مِن حدُودْ .. شآطيّك ..
وأقسَى من جرُوح الزمَان .. العطآيّب !!

وإن كَان تنشدْني فأنا .. مقدَر أخفيّك ..
دايم "اظنْ" .. ويطلَع .. الظنّ .. خَايب !!

**صمت القلوب** · 14/11/12, (02:19 AM)

إذا جيتـك و أنا مشتـاق تقفـي
تجاهلنـي و كنّـك مـا تـرانـي

و إذا صديت عنك و قلـت أبرحـل
وقف قلبك على البـاب و دعانـي

**حمد الخمعلي** · 18/11/12, (06:11 PM)

انا عطيتك حب وخلاص وحساس=ولا انت تهديني غدر وبتسامه
دمحت لك عشرين زله بلاقياس=ونا على الصده تجيني ملامه
ياما شكيت وقلت لك ليه لاباس=اهم حاجه جيتني بالسلامه
اعطيت غيري ماعطيتك عن الناس=ونا انحرمت اكض غيض الندامه
هذا جزا حب الوفيين ينداس=ويفوز في حبك عديم الشهامه

**masha3el ** · 24/11/12, (12:13 PM)

زيد الحطب .. فـ آلنار لآيبرد آلجو
الجـو بآررد والضلـوع .. استبآحت

ثم طَرّف الدله على طآآرف الضو
تررى دلآل الشوق ، بالشوق فآحت

**سليمان الجعفري** · 24/11/12, (08:49 PM)

على جدآر آلصمت .. سجلت لك كم بيت
،،،،،،،،،،،،،،، يمكن تمرّه و آنت مآشي .. و تقرآه

لو إن كلمة ( ليت ) .. تنفع قلت يا ( ليت )
،،،،،،،،،،،،،،، مآ شفت قلبٍ .. يآخذ دوآه من دآه ..!!