حروف متناثرة ارهقهاا الزمان

[محمد بن موسى]

يابن الأوادم ترى ملـّـيت ألمـّـح لك
............. أنا أعزّك وأحبـّـك وأعشق ترابك !

ان كان ودّك ترسـّـيني على كحلك
............ لمـّـيت عمري وخاويتـَـك على أهدابك !

لكن قبل تنجرف .. حبـّـيت أوضـّـح لك
............. مستقبلي في يدينك .. وإعمل حسابك !

لو ضاع مستقبلي ماني بسامحلك
............يكفيني الماضي اللّي .. ضاع بأسبابك !

[محمد بن موسى]

أرويَتني حَرف من حَديثِك الشيِّق=واشبعتني شوق من اُسلوبك الراقي
كَنّيْ اِمتَغَدّي,ومتعَشّي,ومتريِّق=على سواليفك اللي تنعش اعماقي

[محمد بن موسى]

.
.
.

ياسعّد قلبي يوم اشوفك هنيـا
تبحث عن اخر ماكتبته لـ عينك

.
.
.

[محمد بن موسى]

اقول لك شـي ماقلته لأحــد مــره=ابختصر لك شعوري فيـه وأقولـه
العشق مثل الممات ان جا يجي مره=ياخذ مساحات قلبك عرضه وطوله
وانا الهوى تل قلبي صوبك وفره=( معقـول ) وإلا انهــا مـاهيب (( معقولـه ))
وكاد عيني من الهوجاس محمره=وكـاد خضر الطعون اليوم مقبولـه
ولعتنـي ليــن ...... ماقمت اتبع الجـره=امشي معك مثل من ضاعت به حلوله
شفني قضبت الطريق .....افل واصره=وإليا اعترض درب غيرك ماني بحوله
بينك وبين القمر ياصافي الغــره=تظهـر ولا يظهـر الا حـزة حلولــه
الحسن فيك انت مايخفى علي سره=اخذت عين المها ومن الوحش زوله
تعـال كـر الخفوق وعاود الكـره=خذ في مساحات قلبي صوله وجوله
عطني من الحب خيره واكفني شره=وابشر لك بقلب ساري معك مفعوله

[محمد بن موسى]

يفنى الكلام وتنتهي كل الاشعـار =لاجيت ابوصف قدرك المعتلي فوق
واضيع في بحر المعاني والافكـار =واقول مامثلك على الكون مخلوق

[محمد بن موسى]

اهداء خاص للأقزام ..

إي وآلله آضحك لك .. وآنآ مآهضمتك=[ تمشي على كبدي ] .. وآمشّي وآجآمل
آخآف لو طنّشتك ولآ آحترمتك=تغلط .. وآخربهآ , و ( آسيء آلتعآمل )
آنآ ليآمني مدحتك .. ظلمتك=وآليآ شتمتك تصبح .. آنسآن كآمل

[محمد بن موسى]

تدرين وش سوّت بي [ آخـر رسالـه ]=خلتني أذرف غالي الدمـع و ( أنـوح )
وأبكي على حبٍ سحرنـي ( وصالـه )=حتى سكن بين ( الشرايين ) و ( الروح )
قلبي تعلّق بـه / وعلّـق .. ( آمالـه )=وبدد ( هموم ) وضمّد جروح وجـروح
ياغايبـن والقلـب ينـزف سـؤالـه :=من له أغني و أعزف والشعر وأبـوح ؟
انا أرفض التوديـع فـي كـل حالـه ..=وغلاك ( ثابت ) ماهـو أيـام ويـروح
ولـوّ إنهـا بالفعـل ( آخـر رسالـه )=إنته هنا ( بين ) الشراييـن والـروح .