سجل حضورك بأبيات ارتجالية

[محمد بن موسى]

.

الــــــيــــــوم رايــــــــــــق لـــلـــشـــعــــر والـــكـــتـــابــــه=نفسـي افضفـض عـن شعـوري بالابـيـات
مــابـــي قـــيـــود .. ولا تــصــنّــع .. رتـــابـــه=ابـكـتــب احـسـاســي مــــن الــــذات لــلـــذات
بـطــلــق خـيــالــي فـــــي فــضـــاي ورحـــابـــه=واصــــل مــعــه حـــــد الـســمــاء والـمــجــرات
نـبــعــد ســــــوا عــــــن كــــــل هّــــــم و كــئــابــه=وننسى جروح(ن) وسط صدري كثيرات

.

[سعد النفج]

نسكت عن حقوقنا و نداري العالم ..
و نكسب ضياق الصدور و نجلب الحيره ..

ما فيه واحد من جروح البشر سالم ..
لكن أنا لي مع جروح البشر سيره ..

[سعود الخلف]

يالضيق حيّيت وحزننا ياهـلابه
........................... ضيق يترجمه الحزن وسط الأبيات

أقلط وخذ فنجال ودمعة غلابه
........................... وخذلك مع ضلوع الصدر سجّات

مهما تجي بصدمات مابه غرابه
........................... أكبر طموحك دمعي معه التنهات

حلمك تحقق والجفا صك بابه
........................... هيهات أنا أترك سيرة الفرح هيهات

يمكن تصير أحلامي ليّه اَطلابه
........................... وممكن تحضّن نجد هم القريات

لكن مُحال أترك سلوم المهابه
........................... لين العظم به دودة القبر يقتات

هذا وصلوا على مبشر الصحابه
........................... أحمد رسول الحق والحق مامات

كيبورديـه
" قد تكون غير خاليه من بعض العيوب "
ولكن لم أستطع كبتها

[سعد النفج]

رجعت يآ سلطاان جسم(ن) بلآ رووح
و كنــآ نتــأمل رجعتكـ بالـ ســلآمه

الشعب دمع عيونهـ .. أكبر من البوح
يا أمــير يا تــآج الفـخــر يا ســنآااامه

[سعد النفج]

اسامحك و انت مدري ليه ما تسامح ..
تمزح معي قلت هذي من طفاقتنا ..

كنت احسبك مثل طبعي حيل متسامح ..
لين الليالي لـ شين الفال ساقتنا ..

قبل امس جرحك من اسباب الجفا جامح ..
و اليوم بأبسط سبب تنسى علاقتنا ..

[سعد النفج]

احترت بوجيه الشبه بين شيئين ..
و سألت قلبي قلت يمكن مذاكر ..

الفرق بين الحب و الموت يا شين ..
هات العلوم ان كنت يا قلب فاكر ..

قال الحقيقه لا فوارق و هالحين ..
اعطيك نبذه دام صاحبك ناكر ..


تدري وش وجيه الشبه بين الاثنين
يا هوه عدد من هنا لين باكر ..

[بروق الشمال]

معاد بوجيه البشر خير يبروق=يقولها شخصن محبته ساحت
وانا معه لو نختلف طرحن وسوق =وهقوانتا بكبار الاشخاص طاحت