ونة قلم

[جبار بن عابر]

لاادري سبحان الله لماذا اعشق الخيل

هل لانها تذكرني بالزمن السابق لنا بمئات السنين زمن الابطال والفرسان وايامهم رغم ظلمها ,الا انها نقيه من الدنس الحضاري ان صح التعبير...

عندما ازعل اكتب شعري على طرق الــحداء متصورا نفسي احد الفرسان النبلاء .واردد ..


لاتصدقون الي حكى

لاتصدقو حكيه ..بلوس

حنا ترانا المرتكى

لاصارت الحرب الضروس

وحنا ترانا المشتكى

لاخانو ضعاف النفوس

لاباس ياعــود ٍ بكى

مجروح ماهو جرح موس


الف رحمه ونـــور لكل فارس ضرب هذه الارض عرض وطول بحثا عن الكرامه ...اين ماوجـــدت .

وكانني استذكر فرسان قبيلتي امامي ..... لبسهم قز ... وطعنهم كـــز .

اللهم ارحمهم وعافهم واعفو عنهم .وتجاوز بعطفك عن جهلهم .يااكرم الآكرمين

وهنا اجـــــد المبرر لي بحبي للخيل .

بطاقه


كنت في البحرين لزيارة احد الاصدقاء هناك

وارسلت هذه الرساله على جوال صديقي


روحو بي شوي تكفون للسيف

ضاقت علي الدار وواسع حجرها

نادو الدريول قبل مايغادر الضيف

واهــــل الخُبر تروح جهة خٌبرها

**************

لها ماقبل الوداع مع التحيه

*************

قلت لك مرات وارجع اكررها

خل الشكوك بحبنا وكلمة الجاهل

كلمتك هذي مالها ما يبررها

وان كنت مغرور مغرور و استاهل



اخواتـــي اخواني

اخذت من وقتكم وقـــت , فااسترو على ماواجهتم . فوالله اني اكتب بلا اعداد ,

مروركم يسعدني ارجو ان لااكون ازعجكم .

دمتم بكل خير.. والسلام عليكم ورحمة الله وبركاته

[جبار بن عابر]

عادة ً مانحزم امتعتنا بالصيف هروباَ من الجو الحار , وكل حسب اتجاهـــه .

في الصيف الفايت , كنت في عمان في منطقة جبل الحسين .

وكلمني احـــد الاصدقاء من الرياض وهو يقول وين هجيت يا بو الشباب ....

فرديت عليه شعرا قائلا :




هجيت مع من هج عن واهج القيض

جــو الرياض ونجد مافيه حيله

ومهما حصل يادار ماعنك تعويض

تبقين تاج الراس واجمل جميله

يانجد دار العـــز قـهر المباغيض

اهلــك قبايل وحـــدت في قبيله

ندله بعزك بكل مصياف ونفيض

ومن خيرنا كل ٍ يلاقي حصيله


واردفت قائلا في اخر الرساله : اذا عندك اجازه ( تعال جاي ) الجو روعه ويزدان بحضورك .



فرد مستعيرا هذا البيت للشاعر الرائع / علي القحطاني

نور عيني يسافر عادته كل عام ..

كل صيف ونور العين عني بعيد ..

اهـ ياقلبي ياللي جالس للدوام ..

ما حصله اجازه من ردات النصيب





فلسفه اعجبتني .


يقول/ بابليوس سيرس

قد يتقبل الكثيرون النصح ، لكن الحكماء فقط هم الذين يستفيدون منه


ويقول / روزفلت

عليك أن تفعل الأشياء التي تعتقد أنه ليس باستطاعتك أن تفعلها


وقال / هوراس

من يعش في خوف لن يكون حراً أبدا


يقول/ مارك توين

افعل الشيء الصحيح فأن ذلك سوف يجعل البعض ممتناً بينما يندهش الباقون


بطاقه واستغراب

وصل لعلمي جيتك يم باريس

ياحيف تخفي عن حبيبك اعلاجه

معقوله فباريس وانا وسط نيس

وتبخل عليه بااللقاء والمواجــه


بطاقه للوطن


ياوطن الله وكيلك مانخون

لو يخـون الـي توطـاه الردى

نعرف الي يزرعون ويحصدون

وحاسبين احساب من تاه وغدى

حافظينك مثل ماندرى العيون

ودون حدك جاهزينن للندى




وللـــــــــــجميع جل التقدير والاحترام

[جبار بن عابر]

عزيمـــة البارح

غريبه

جوع

وعطش

كان الحفل

ذل

ومفروشنا زل

والمائده جدااا ترف

والقصر كله غرف

وشُــرف

والنادل الوسيم

جدااا محترف

يشيل عدة كؤؤس

ويبوس رووس

وله الشرف

ويبتســـــم

رغم التعب

شفته يهمهم

بكلمة ٍ ... ماقالها

لكن كذا استشعرتها

كنه يقول

( جدا قرف )

كانت الحفله صخب

بااسم النُــخب

يُــشرب نخب

كانت ملل

رغم الترف

كانت عطش

ويباس الريق

وكنت انا هناك....

واحد بلش ...

كنه مضيع طريق .

والنادل المسكين يخدم ...جميع الناس

الي عرف

ومن لا عرف

عشان يبدو محترف .......

كانت البارح جــــوع

وضنك

وعقول جـــدا تنك

كل ماالتفت منا ....ومنا

تنك ....تنك

يارب لاتواخذ عبادك

بفعل السفيه منا ......


هذيان نبطي


هاكم علومي وعلموني وش علوم


ناسن لهم بااقصى المحاني مكانه


غابو وانا امسح دمعة الحزن مكلوم


ودمع السياسي مانفعته الحصانه


والعجه الي صادفت بعدها غيوم


راحت....ولكن سببت لي ضمانه


وسلامة الجميع

[جبار بن عابر]

هكذا ارى السكه طويله ...ياجليله

ولكن سوف اتابع بلا ملل

وكما يقولون من سار على الدرب وصل





وهنا ارى الدرب الطويل ....



وسأواصـــل مستغلا اعتدال الخــــط . وسرعة المركبه ..





وسوف اهيجن ....


ياموتري غابت الشمسي

الله من البعد قدامك

حلفت دون الغضي ماامسي

والبعد يطويه صدامك

( مدري لمن هذه الهجينيه )

سمعتها بصوت حمدي العبار (رحمه الله )على الربابه ...وكل ماهيجنت دندنت بها ...



والسلام عليكـــــــــــم

[جبار بن عابر]

راحــــــــــــت

راحـــــــــت

راحــــــت

راحـــت

راحت








راحت وانا محتاج وماودي تروح

ماباقي الا عطرها فــي شماغي

ياجروح قلــبي عانك الله ياجـــروح

ياخوف قلبي يصبح الجرح طاغي




*****************









انكـــسار القلب

اكســـــــار

لايشابهه اي انكسار اخـــر

بااختصار ...انهيار .



اللهــــم لطفك بتلك القلوب المُنكسره ...واكتب لها السلامه ...يارب



تحياتـــــــــــي للجميع ,,,

[جبار بن عابر]

يــتعــطر هذا المتصفح بـمشاهداتـــــــكم

ويـتـشرف بمروركــــــــم

ويسعــد بـتعلـيـقاتـــــــكم .

[جبار بن عابر]

مطر..







مطر..


واحضنته القاع


مشـــــتاقة ٍ حيل ...له ولهى


ويازين في خــــدها المرباع


ترعى البويضاء مع البلهى









الابل ورث جدودنا مابها شك = عليها ندرى من هبوب النسايم

حنا اهلها بدون ختم ٍ ولاصك = اولاد وايل نعشق العز دايــــم





مبروك عليكم المطــــــــر