الباب فاتح للجميع - الصفحة 4 - °~*¤®§(§ شبـــكة ويــلان العـربـيـه §)§®¤*~ˆ°

**الحميدي بن طالب العنزي** · 22/07/10, (10:09 PM)

كان تبغى العلم من عقل ومزاج...
يامريض منتهي مالك علاج......
تدري ان الصقر ماهاب الدجاج...
ماعلى الدنيا ضمير مستريح.....

فرخ الدجاجة ماهو مثل الصقر=لو غار والله مايدمي مخلبة
ياراع الارقام طعني وانثبر=لاتاخذ الشعر لعب وتجربه

**فهد222** · 23/07/10, (01:41 PM)

لا تضيق وتنقهريابابو الشباب...
الفهد مايخوفه نبح الـكـلاب...
وكثر نبح الذيخ ماضر السحاب...
ماعلى الدنيا ضمير مستريح...

البوم ينعق على روس الشجر = معروف صوته ولا لصوته شبه
تبي الكلام المفيد المختصر = اتعبت نفــسك وفكرك متعبه

**الحميدي بن طالب العنزي** · 23/07/10, (04:06 PM)

لو رفعت الصوت ما سر الضمير...
ان سمعته بستعيذ وبستجير.....
وانكر الاصوات صوتك يالحمير....
ماعلى الدنيا..........مستريح....

ترى ابو صابر كريم فالظهر=حتى البزارين تقدر تركبه
ياللي تعديت للخط الحمر=ياراعي الشمس شمسك مغربه

**فهد222** · 24/07/10, (02:39 AM)

أسئل الله السلامه والسلام
بانت علومك ولا عندك كلام
لك صجاجه مثل من تلب...؟
ماعلى الدنيا ضمير مستريح

اللي بقى غير صالح لنشر = وخوينا ياعــــرب زادغضبه
ياهل الوجيه الكريمه نعتذر = كل المشاكل تراها من سببه

وأعتذر للجميع

**الحميدي بن طالب العنزي** · 24/07/10, (11:16 AM)

يافـهد يابـو عقل جــداً لبــيــب.....
عارفينٍ وش تودي وش تجيب.....
آخر الايـــام ماتـروى حلــيب.....
ماعلى الدنيا ضمير مستريح....

امن الضمى تمسح ديود النمر=والثور يمكن تحاول تحلبه
ياصاحبي عنك ابا اغض النظر=والله يغفر لنفس مذنبه

**معيض بن عريفج** · 31/07/10, (09:14 AM)

الله الله مشتبه