نــــــــزف شـعراء منتـــــــــــــــــ ( ويــلان ) ــــــــــدى - الصفحة 4 - °~*¤®§(§ شبـــكة ويــلان العـربـيـه §)§®¤*~ˆ°

**نواف ابن ثويني** · 23/08/10, (12:24 AM)

الشاعر محمد بن موسى

صح لسانك اخوي على هالابيات

تقبل مروري

تحياتي لك

**محمد بن موسى** · 23/08/10, (12:30 AM)

نواف ابن ثويني

صح بدنك يالغالي

ونورت الموضوع بطلتك

طال انتظاري في رجاء دق جوال=ولادق جوالي ومّل انتظاري
سبحان رب(ن) غير الحال بحوال=اللي على قلوب المخاليق داري
هوالذي يعلم وش بخافقك جال=ويعلم خفايا النفس سر وجهاري
والا انت عندي دايماً منزلك عال=تسكن صميم القلب بأمر وزاري

**عناد الغريب** · 23/08/10, (03:59 AM)

اقتباس:

المشاركة الأصلية كتبت بواسطة بروق الشمال

وهذي مجارتي لك اخي

وللعلم لاقصد من مجارتي اي امر اخر
انما مجراه لاخ عزيز فقط لاغير

هات كفك للوصال وهاك كفي

خلها عندي دخيلك في يديني

[center]

ووعدك نهر الغلا لك مايجفي

ولو يزيد البعد يزداد الحنيني

صح كلك يابروق

مجاراتك للبيتين اتت افضل منهن
معبره اكثر من ابياتي

دمتي كما تودين

**عناد الغريب** · 23/08/10, (04:23 AM)

للي نشد عن قصيدي واخر اخباري=الوضع مزري والاجوا غير صحيّه
فقدت لذة غرامي وأجمل أشعاري=مكسور قلبي وشعري منكسر زيّه

**نواف ابن ثويني** · 23/08/10, (05:42 AM)

اخوي الشاعر عناد الغريب تقبل مني هالمجاراه المتواضعه جدآ جدآ جدآ:

ياعناد وضعك تقل عن حالتي داري=والشوق ماعاد باقي غير طاريه

اقفى وسافر قبل مايسمع اعذاري=وأمسيت منه بحاله لاطبيعيه

خلاص ابنساه قبل ابوح بأسراري=حتى اني افكر اكتب فيه مرثيه

**عناد الغريب** · 23/08/10, (07:07 AM)

اقتباس:

المشاركة الأصلية كتبت بواسطة نواف ابن ثويني

اخوي الشاعر عناد الغريب تقبل مني هالمجاراه المتواضعه جدآ جدآ جدآ:

ياعناد وضعك تقل عن حالتي داري=والشوق ماعاد باقي غير طاريه

اقفى وسافر قبل مايسمع اعذاري=وأمسيت منه بحاله لاطبيعيه

خلاص ابنساه قبل ابوح بأسراري=حتى اني افكر اكتب فيه مرثيه

جميل يانواف مجاراه ولا اروع
وهذي مجاراه لمجاراتك:فيها مزوح لاتحسبونها حقيقيه نتونس انا ونواف نهيجن اسمع يابن ثويني:

هذا الزمن حُب ليله واسر ياساري=محبت(ن) للتسلي بالشقاويه
نادر تحصل محبه نهْرها جاري=وتحب كوعك ولاتلقا حقيقيه
لكن طلبت العزيز الواحد الباري=يسخّر لنواف وحده واختها ليّه

**نواف ابن ثويني** · 23/08/10, (07:27 AM)

هههههههههههههه الله يسعدك اخوي عناد

عز الله ونستني بهالابيات

مالها مرد ابياتك ابد

ننتظر فرج الله هههههههههههه

تحياتي لك وسعدت بأبياتك يالغالي

دمت بصحه وعافيه اخي العزيز