( بيـت من الحـــكـــمة ).. دعوة للمشـــــــاركة... - الصفحة 49 - °~*¤®§(§ شبـــكة ويــلان العـربـيـه §)§®¤*~ˆ°

**هيـاا العـازمـي** · 23/07/09, (11:21 PM)

.
.

الجمايل من بذرها في الخُمام
....... مثل من يبذر بصبخ الأرض حبّه

لو سقاها الماء على مر العوام
........ ما جنى محصول ماه إللي يصبه

**عوض بن خميس** · 08/08/09, (02:50 PM)


	تعصي الإله وأنت تظهر حبه = هذا محال في القياس بديع لو كان حبك صادقا لأطعته = إن المحب لمن يحب مطيع

**عبدالعزيز السعود** · 08/08/09, (07:12 PM)

يارفيق يحـد السيـف ويسلـه =كل ما أقفى رفيقه حش عرقوبه
رفقة مالهـا مذهـب ولا ملـه=يالله العفو والغفـران والتوبـه

**هيـاا العـازمـي** · 12/08/09, (09:37 PM)

[justify]

درست فالدنيا على يدّ الظروف اربع مواد
......... الحب. والاصحاب. والاقراب. والوقت الردي

الحب:- يعطي للغريب بلاد لو ما هي بلاد
......... والعاشق اللي ماطغى عقله على القلب يغدي

والصاحب:- اللي بينك وبينه حصل ملحٍ وزاد
.......... أوفي معه لكنّ لاتضمنه وتروّح فدي

امّا القريب:- اعطه حقوقه واخذ خط الابتعاد
.......... خلك بعيد تصير في عينه مثل نجم الجدي

والوقت:- لا تعطيه وقت يلبّس ايامك سواد
.......... عش يومك وخل امس مات وخل بكره يبتدي

وليعذرني الفاضل خلف الغريب على الاطاله في الابيات

للضرورة معليش ياسيدي

**عبدالعزيز السعود** · 15/08/09, (04:45 PM)

من طاح .. من عينك ؟؟ ومن فيه ماطـاح ؟؟
ذي طيبتك .. واليوم .. تدفع ثمنها
:
:
:

حتى لو انك كنت .. صاحي .. ولمـــاح
أصحاب ( كيف الحال ) محدٍ .. ظمنها
:
:
:

صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها
:
:
:

يالله دخيلك .. كلـها .. شالت .. رماح
حتى الوغـد قام .. يتخمش رسنها
:
:
:

مات الحيا والمرجله .. دمها .. ساح
كلٍ كشف .. عن سوء نيه .. دفنها
:
:
:

دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها
:
:
:

قالولي انطح .. صيحة الصوت .. بصياح
واعزل احرام السالفه .. عن كـفنها
:
:
:

قلت الخساره بالردي .. عندي ارباح
ومثلي .. يعلي هامته .. ماطـمنها
:
:
:

ترسي جبال طويق لا هــبت ارياح
وانا من اول .. ماخذ الراي .. منها
:
:
:

اقولها وانا .. مروّق .. ومـرتاح
شل الله .. لسان العـفون .. وبدنها

**هيـاا العـازمـي** · 26/08/09, (06:07 PM)

يا شارب الدخّان .. شاربك لا طال

إياك .. وأيا واحد(ن) جاز دونه

ما دام به نقص على الحال و المال
.... أيضا... و شرّابه يدمر سنونه

**هيـاا العـازمـي** · 01/09/09, (11:11 PM)

محبة الناس خير , وطاعة الله فرض !
وعمر البنادم ماهو من ضمن ملكيّته

كم واحد ٍ تحت الارض وسيرته فوق الارض
وكم واحد ٍ فوق الارض .. وسيرته ميّته !