× عـــ آلمجنون ـــالمي [] و آنا بكيفي {}

[مازن الفهد]

.
.

أبشركم الهلالي اللي طلق حرمته النصراويه ..
.
.
.
لا مارجعها ..
.
.
.
.
.
تزوج وحده شبابيه خخخخخخ
.
.
.
و الله من القراده ..
بس الشبابيه ماهي متعصبه ..
و الله محظوظ مشجع الشباب .. يفوز .. ينهزم .. ما أحد يتشمت فيه ..
بس النصر لو ينهزم .. ياساتر يا جماهير الهلال ..
و الله لو يباري فريق اسرائيلي .. تلقاهم برابطة اسرائيل ..
.
على الرغم من ان النصراويين صارت عندهم مناعه .. ينهزم يفوز .. ما فيه مشكل .. و المشجع الهلال ملّ من كثر ما يتشمت فيه ..
الله يعين النصراويين .. بس اشوفهم بادين بقوه الموسم هذا .. و الله ما الظاهر بيسوون شي ..
اول مباراه ضد نجران و الثانيه ضد الفتح و يالله بالقوه فازوا .. كيف لو يبارون الهلال او الاتحاد ..
.
المهم .. ما علينا ..
الصحافه ما قصرت .. تبرر .. هزيمة الفرق .. و تدافع عنهم .. و المشجع المسكين يحفظ كلام الجرايد و يجيك يبربر بالمجالس و لو تسأله قال الجريده الفلانيه قالوا كذا .. يا أخي لو عندهم سالفه ما تناقروا الصحفيين مثل الجارات .. فضحونا .. و المصيبه بقناه اماراتيه و الصحفيين سعوديين .. جستنيه و طقة جستنيه ..
و قدام العالم .. أنت حمار و أنت قليل أدب .. و أنت فيك .. و الله جابوا فضايحهم بهالقناه ..
لا .. و قناة الكأس .. كأنها مسلسل .ز هذا يحذف المايك و يقول لا بوكم و لا بو من جمعكم .. و بكرا تلقاه مسنتر عندهم ..
يا أخي .. أبدعت الفرق أول .. و المنتخبات قبل تطلع هالصحافه السامجه ..
.
.
على الله ..
.
.

[مازن الفهد]

تذكرون الهلال اللي أخذ نصروايه و طلقها .. و بعدها أخذ شبابيه ..
.
.
.
لا ما طلق الشبابيه ..
.
.
راح يطلقها ..
.
.
لأنه قال .. علي الطلاق ان النصر ماراح ياخذ بطوله الموسم هذا ..
.
.
.
و أنا أشك انه راح يطلقها .. و الله النصر شاد حيله ..
حتى جوايز شركة زين .. أخذها .. بكل الجولتين ..
.
و شكل الهلالي مشتهي يطلق الشبابيه لأنه يقول خشتها ما هي بعيده عن خشة الشمراني ..
.
و يقول أهلها رفضوا النظره الشرعيه ..
.
.
الله يعينه ..
.
.
ما تصلح له إلا وحده هلاليه ..

[مازن الفهد]

اكيد انكم مليتوا من المباريات و سوالف الكوره ..
و الله اني داري ان اغلب المنتدى حقين كوره بس يعذروني ..
بهم الهلالي و النصراوي و الشبابي و الاتحادي و الاهلاوي و التعاوني .. خخخخخ
شكلي رفعت ضغط النصراويين .. لا والله رفعت ضغط التعاونيين ..
لأنهم يستحقون الفوز بالمباراه .. و الله ان التعادل يعتبر فوز للنصر ..
و شلون لو يقابلون الهلال و الا الاتحاد .. هذا التعاون توه صاعد و سوا بهم كذا ..
الله يعين ..
.
.
المهم من السوالف الجايه ابغير سالفة الكوره و بشوف لي مواضيع غيرها ..
.

[مازن الفهد]

و الله مالقيت الا معيضوه العريفج و ابحش فيه هنا ..
.
و انا قلت لكم تهاوشت انا وياه و المسكين عطاني مخمس على وجهي و سبب لي خمس فلوق بالجهه اليمنى و ثمان فلوق بالجهه اليسرى و أربع على جبهتي .. و سبب لي مشكله لأني كذا ما أقدر ألبس عقال .. المهم بعد ما فلقني هالفلوق حط رجله و ما شفت الا غبرة كراعينه ..
و المصيبه انه نسى جواله عندي و خاف لا يرجع ..
المهم أخذت الجوال و خفت انه حاط رمز قفل ..
و فتحت الجوال ..
و اذا بالمزيونه اللي تطل علي .. أثاري قليل الحياء حاط صورة حليمه بولند على الواجهه ..
و دخلت الرسايل .. طبعاً أكثرها كولمي من فهد السلقاوي .. الله يعينك عليه يا معيضوه تلقاه يقول انت بالدكه والا برا ..
و اواصل البحث بالرسايل .. و ألقى رساله من رقم غريب .. أول 059 و الباقي ما تغير خخخخ .. و مرسل له .. يقول .. تقهو عندي فنيجيل يجوز لك ..
و ماشالله اكثرها رسايل من ناس يباركون له برمضان .. إلا واحد يبارك له بالعيد .. يا أخي تو الناس ..
يمكن رساله و المسكين ما قراها شاف فيها ( كل عام و انت بخير ) و ارسلها لمعيضوه ..
( ذكرني برسالة واحد من اخوياي .. أرسل لي رساله .. و هذا مطوّع الله يثبته .. وشفت فيها كلام حلو قبل أقرأ آخر سطر .. و من العجله أرسلتها لمطوع ثاني .. و تجيني رساله من المطوع الثاني يقول .. الله يبارك لك بالمولود بس متى تزوجت .. و الله و ارجع للرساله إلا الرجال الاول يبشرني ان جاه ولد .. )..
المهم ..
مليت و انا أقلب رسايل معيضوه .. و قلت بشوف الاستوديو .. و اشوف الصور .. إلا أول صوره صورة معيضوه مع صقر .. خخخخ و الله ان الصقر أحلى منه .. يا معيض الصقر مبتسم و انت مبرطم .. و الصوره الثانيه .. معيض لابس جنز .. يا اخي ما مداني أحس ان بدوي .. ألقاك لابس جنز .. و صوره .. على الددسن الـ 78 اللي فحطنا عليه و لا بس نظاره شمسيه و العدسه الثانيه طايحه بس ما انتبه ابو عريفج .. و صوره مصوّر مع سعد الحارثي بستاد الملك فهد .. آخر شي اكتشفت انه مسويها بالفوتوشوب .. ( الله يهديتس يا احساس علمتيه للفوتوشوب و فضحنا ) سالفة سعد الحارثي مهضومه .. لقيته بالصور اللي بعدها مصوّر مع أوباما رئيس امريكا .. قوووووويه يا معيض ..
و الصوره اللي ما تصدق و مستحيل أحد يصدقها .. مصوّر مع حليمه بولند .. لا و من زود الميانه حاط يده على كتفها .. خخخخخ
ما تخلي حركاتك يا معيض ..
المهم مليت من الصور .. بس كل ما شفت صورة حليمه بولند أواصل البحث .. يا اما انتهيت من الصور ..
و بعدها اتجهت الى الفيديو .. و أول مقطع .. مصورني أنا وخشتي .. حتى شوشتي تقول طلحه .. و ثوب النوم اللي ما غسلته ثلاث شهور و اسبوع .. و من زين الطبايع قاعد يحش فيني بالتصوير .. ما عليكم مسحته ..
و المقطع الثاني .. مصور نفسه و هو يقنص .. و اتابع و مركز على نفسه .. و انتهى التصوير و مدري وش يقنص ..
و جواله شكله جديد .. ماله يومين من شراه ...
.
و هذي بعض فضايحه و لو يسوي لي شي .. بجيب الباقي .. و انزل الصور و المقاطع بالمنتدى ..

[مازن الفهد]

فيه وحده .. وحده ونص.. و الا وحده وربع خخخخ
لا.. وحده آدميه من دم و لحم .. و لها قلب و إحساس و مشاعر .. ماشالله احساس و مشاعر .. عضوات معنا بالمنتدى و من أشكس الأعضاء .. حلوه أشكس ..
المهم ..
الوحده هذي حبت واحد .. مدري وش معجبها فيه .. الخشم كنه مزقاط كيرم و العيون خرز سبحه .. و هي معميها الحب الله يهديها .. المهم .. مع بعض سنه كامله و كل واحد يموت باثاني .. طبعاً البنت تحبه من قلب .. بس هو .. و الله مدري .. يقول احبتس بس والله ان الحب غرب و هو شرق .. على باله الحب بلستيشن .. و البنت ما يحتاج اقول لكم .. دايم تحكمها عواطفها .. و الله ما تراعي للي قدامها .. لو قدامها عدامه كان متقرشعه بها .. الأهم.. العلاقه استمرت .. اممممم سنه و بعدها .. أخذ عفشه الأهبل و رحل .. بدون احم و لا دستور .. و البنت تفاجأة بغيابه .. و تبهذلت .. جاها وجع بالركب و حكه بالراس و صخنه تدرون ليش .. لأنها نامت على المكيف بدون غطاء .. خخخخخ لا .. السالفه ما هي سالفة حبيبها .. طبعاً مع الوقت .. و من الوسوسه و تفكيرها بحبيبها .. جاها مرض القهقار الوسوي خخخ قصدي الوسواس القهري .. صارت تشوف الباب و تدخل مع الدريشه .. و تصب القهوه بالكاسه و الشاهي بالفنجال .. جتها أنواع التفكيرااااات المجنونه .. و حتى موقف صار عليها .. جتها وحده من بنات جيرانها ..
قالت وش بلاتس يا بنت الناس..
ردت عليها وقالت : بنت والا ولد ..
جارتها : لا بالله منتي صاحيه ..
قالت : صاحيه والا نايمه ..
جارتها : بسم الله عليك .. شكلها عين ..
هي : عين و الا خشم ..
جارتها : يا حبيبتي أنتي وش فيك .. قولي لي .. و الله ما يدري أحد ..
هي : أحد و الا سبت ..
.
و قعدت جارتها تحاول فيها لين .. جاء اسعاف من مستشفى نفسي ... لا .. لا .. ما أخذوا البنت .. أخذوا جارتها خخخخ
لأن جارتها انمرضت و هي تسولف معها ..
.
المهم سنتين و المسكينه تصارع نفسها .. يوم مريضه نفسياً .. و يوم مريضة حب . و يوم تهلوس بكلمات ما يدرون وش معناها .. جابوا لها مترجم ..
و المصيبه .. بعد يومين .. لقوا المترجم شانق نفسه بشارع خريص ..
.
بلشوا بالبنت ..
و بعد سنتين .. بدت تتحسن حالت البنت .. و رجعت لشكلها الطبيعي .. و انتهى مرضها و لله الحمد .. و قعدت تزور العالم و تشوف الناس .. و أبشركم قامت تدخل مع الباب .. و من زود العافيه ما شالله .. راحت تزور جارتها اللي بالمستشفى النفسي .. و عزت أهل المترجم ههههه ..
و نست حبها و حبيبها .. و فتحت صفحه جديده مع الحياه ,,
و المصيبه العظمى .. بعد هالسنين جاي حبيبها الأول .. على قولت الشيبان .. جاك يرثع .. و بعد هالفراق و هالسنين .. جايها يقول أحبك .. يا أخي وش ناوي عليه .. ناوي تدمر حياة البنت مره ثانيه .. ناوي تقضي على طعم الفرح اللي عاشته بهالفتره .. ناوي تذبحها .. ناوي تلعب عليها لعبه جديده .. الحب مو لعب بلستيشن و الا شطرنج و الا بالوت .. الحب احترام و صدق و تقدير ..
خلاص البنت نستك .. و يا خوفي تثق فيك بعد هالغياب ..
.
.
و اذا رجعت له .. للأسف .. لاتعليق ..
.
.

[مازن الفهد]

زعلان
.
ماهو زعلان
.
زعلان
.
ماهو زعلان
.
زعلان
.
ماهو زعلان
.
زعلان
.
ماهو زعلان
.
زعلان
.
ماهو زعلان
.
.
الحمدلله معيض بن عريفج ما هو زعلان ..
.

[مازن الفهد]

(^_^)
""
هذي ابتسامه بس لا تقولون وش هالشخطتين اللي تحت الفم
هذا واحد حاط سكسوكه خخخخ