دامه رجع لي .. رجع دمي بشرياني..

[اميرة الحرف]

المشاركة الأصلية كتبت بواسطة سالم صالح

يازيـن بالقـلـب جـرحـه وزيــن تعذيـبـه

جـروح الأحبـاب تحـس بطعمهـا ثانـي

قبـل اربــع ايــام جــات آخــر مكاتيـبـه

يدريـبـي افــرح بخـطـه كــل ماجـانـي

وقبـل اربــع ايــام قــرر يقـطـع الغيـبـه

وجـدد مواعيـد عشقـه فـي وأحيانـي

وقمت اتحسس بقايـا مسكـه وطيبـه

وأحاول أنطق حروف العشق من ثاني

مبطـي عـن الشعـر ماأخبـره ولاليبـه

حـتـى القـوافـي تعانـدنـي وتعصـانـي

والـيـوم أقــرى قصـيـدي بــه وأغنيـبـه

دامـه رجعلـي رجـع دمــي بشريـانـي

قصيدة رااااائعة ومميزة وهذة الابيات غير صراحة تلامس الفؤاد

شاعرتنا الراقية

اميرة الحرف

دائما مميزة وتاتين بالرائع ادام الله هذا النبض الجميل فانتي شاعرة رائعة ولكي بصمة خاصة

تقبلي تقديري واحترامي

اخي الكريم سالم صاالح اشكر لك مرورك وتواجدك هاهنا

وانت من الاشخاص اللذين يشجعوني على التواجد بويلان

دمت بخير لاهنت

[اميرة الحرف]

المشاركة الأصلية كتبت بواسطة حمد الخمعلي

الاخت الشاعره اميرة الحرف

مبدعه في كل ماتحمله الكلمه0

قصيده وجدانيه تخااطب القلب0

صح لساانك على هالابداع0

كوني بخير

الشاعر حمد الخمعلي اهلا بك في متصفحي اسعدني تواجدك

صح بدنك لاهنت

[اميرة الحرف]

المشاركة الأصلية كتبت بواسطة غموض الشمال

أختي الشاعره / أميرة الحرف
صح لسانك..سطور تحمل فيض من المشاعر
شكرآ لهطولك العذب..دمتي وسلمتي أختي

تقديري لكي

الغاليه الشاعره العذبه/ غموض الشمال

اهلا بتواجدك هنا عزيزتي اسعدني جد تواجدك

لاهنتي يالغلا وصح الله بدنك وقلبك

[اميرة الحرف]

المشاركة الأصلية كتبت بواسطة سعود المسعودي

أختي الشاعره / أميرة الحرف
صح لسانك.


تحياتي وتقديري

استاذنا الفاضل سعود المسعودي

صح بدنك وحياك لاهنت وجودك يشرفني

[اميرة الحرف]

المشاركة الأصلية كتبت بواسطة سعد النفج

أميرة الحرف ..
ابدآآآع و تألق ..
صح لسآآآنك ..

أنــا فــدا الطـلـه الـــي كـلـهـا هـيـبـه

لالـد لـي وابتـسـم لــي ثــم حيـانـي

اضيـع بـه مـن طـرف كمـه الـى جيبـه

للكـم الآخـر وأحـس بشـي يغشانـي

مشآآعر صادقه بروزت هذا النص الراقي ..
استمتعت كثيراً بهذا الرقي ..
أتمنى أن لا يطول غياب حروفك على صفحات ويلآآآآن ..
دمتي بخير شاعرتنا ..

شاعرنا ومشرفنا سعد النفج
حياك مليون في هذا المكان الذي شرفته بحضورك
اسعدني تواجدك
وصح بدنك

[اميرة الحرف]

المشاركة الأصلية كتبت بواسطة هندي المقبل

الاخت الشاعره اميرة الحرف

نصوصك الشعريه لها طابع خاص ومميز فأنتي شاعره تستطيع التعبير باحلى الكلمات واجمل العبارات

كتلك القصيده النابضه بالعشق والحب والوله .

ملاحظه : اعتقد ان يوجد خطاء مطبعي بهذا البيت الرجاء مراجعته

يازيـن بالقـلـب جـرحـه وزيــن تعذيـبـه==جـروح الأحبـاب تحـس بطعمهـا ثانـي

كل الود والتقدير لك

استاذي الفاضل ابو سيف
اي شرف منحتنياه ذلك اليوم بتواجدك بالقرب من قصيدتي
اسعدني حضورك

وبالنسبه للبيت نعم استاذي الفاضل كان فيه خطأ فادح وانا نزلت للمنتدى النسخه القديمه قبل التعديل ونسيت اراجعها ولما انتبهت جيت اعدل ماقدرت شكل فيه وقت محدد او شي

هذا البيت بعد التصحيح
يازين بالقلب تجريحه وتعذيبه
......................جروح الأحباب تشعر طعمها ثاني


ودمت بخير

[سلامة الجعفري]

المشاركة الأصلية كتبت بواسطة اميرة الحرف

حرووفي المتوااضعه بعد طول غيااب تصافح أكفكم الطاهره

محملة بأكاليل الجوري والقرنفل عرفانا بفضل الويلانيون في دعم شاعرتهم اللتي تهادت خطوات بداياتها على عتبات منتداكم الرااائع هذا المنتدى الذي أحمل له حباً أبدياً متواتراً لايزول إلا بزوال تتابع الأنفاس

الغالي الي ملكني من كثر طيبه=اجيه عاني ويجيله خافقي عاني
وشلون ماشافته عيني بعد غيبه؟!!= وآخر لقانا حظنته داخل اجفاني
.

.

فرقا عيونه لعيني أكبر مصيبه=ماأطيق بعده ولاأصبر لاتعداني
ياجر قلبي وياحره وياشيبه=كانه قوى للفراق ودمعة اعياني
مايدري اني مغير اسمه اهذريبه=اقول اسمه انادي اصغر اخواني
خلوه ياوي لمن شوفته محريبه=أعطي البشاير لشوفه كل من جاني
أنا فدا الطله الي كلها هيبه=لالد لي وابتسم لي ثم حياني
اضيع به من طرف كمه الى جيبه=للكم الآخر وأحس بشي يغشاني
يازين بالقلب جرحه وزين تعذيبه=جروح الأحباب تحس بطعمها ثاني
قبل اربع ايام جات آخر مكاتيبه=يدريبي افرح بخطه كل ماجاني
وقبل اربع ايام قرر يقطع الغيبه=وجدد مواعيد عشقه في وأحياني
وقمت اتحسس بقايا مسكه وطيبه=وأحاول أنطق حروف العشق من ثاني
مبطي عن الشعر ماأخبره ولاليبه=حتى القوافي تعاندني وتعصاني
واليوم أقرى قصيدي به وأغنيبه=دامه رجعلي رجع دمي بشرياني

اميرة الحرف

اسم على مسمى

ابيات صادقة وجميلة

صح لسانك وتقبلي مروري