درب الزيــــــن

[أبو غرام]

المشاركة الأصلية كتبت بواسطة نافع عيد الجديد

يسرني ان اهديكم هذه الابيات المتواضعه (من الارشيف) عسى ان تنال اعجابكم

يالربع رجلي لدرب الزين تباعه=و اردها مار عيت لا تطاوعني
تمشي بدربه وانا اللي اشكي اوجاعه=ياليت يوم اشكي الاوجاع تسمعني
النفس والحال من سبته ملتاعه=ولاهو بداري بحالي يوم لوعني
سهران ليلي وكل الخلق هجاعه=لاناموا الناس جاء نومي وودعني
من سبة اللي غرامه شيّد اشراعه=وسط الظماير ولايمكن يراجعني
مابين الاظلاع مسكانه ومرباعه=لاشك ماحد يشوفه لو يشوعني
راحت حياتي وانا له سمع وطاعه=يامر وينهي وانا قانع ومقنعني
قلبي يطيعه قبل لا تشر اصباعه=وانا اطلبه بس شوفه ثم يمنعني
حبه فوايد وشوفه عندي اطماعه=مير البلا يوم عيا لايطمعني

والله ياعشيري تقول من الارشيف والا من الجديد

انت هو انت

تحتاااااااااااج تحقيق

:d


صح لسانك يابو عيد واعتلا شانك

ابيات غزليه رائعه من مجرم ماوجهه وجه البريء
اللي يطلب الشوف وماتتحق له
هههههههههه ^_* << لازم نترك لمن يريد مهاجمتك باب

لكن شاعريتك الفذه دائما مميزه وفي كل اتجاه

ختاماً شهادتي بك مجروحه .. وسعدت جداً بما قرأته
فلله درك على ذلك يابوعيد .. والله يجيب ابو خالد من هنا ^_^
اخوك ابو احمد

[نافع عيد الجديد]

المشاركة الأصلية كتبت بواسطة شاعر البيتين

رائعه كما تعودنا منك

شاعرنا الجزل

لاعدمناااك
.
.
.
.
شاعر البيتين

الرائع مرورك المشرف
رعاك الله

[نواره محمد]

كتبت فأبدعت واطربت متابعيك
وان كانت من الارشيف
الا ان لها عبق العود المعتق

[نافع عيد الجديد]

المشاركة الأصلية كتبت بواسطة خلف الغريب

مابين الاظلاع مسكانـه ومرباعـه

لاشك ماحد يشوفـه لـو يشوعنـي

صح لسانك يا ابو عيد وعز الله فكرة غير مسبوق عليها

الف صح لسانك والعصر ان شاء الله وانا طاقها بإذن عيد ووليد وراشد ونشوف انت تكتب بعدها غزل والا تعتزل بسبب اصابات ..

ههههههههه هلا ابو خالد
زين انك قلت عشان اقفل عليهم مايجونك
لاهنت طال عمرك والستر زين
رعاك الله
الا وش اخبار قطر هههههههه تهديد وحده بوحده انتبه

[نافع عيد الجديد]

المشاركة الأصلية كتبت بواسطة سالم صالح

المبدع والمميز / نافع الجديد


صح السانك وهالارشيف فيه بلاوي الله اعلمبها انتبه يابو عيد اعتزل الديرة لك كم يوم الين ماتهداء الامور وبعدين ارجع لايصير فيها اصابات مايلحقون بك للمستشفى


الحقيقة دائما مبدع وممتع يابو عيد وجميل هذا الاحساس الذي ياتي بدون تكلف


تقبل ودي وتقديري

هلا وغلا يالله حيه
يابن الحلال هذا ابو خالد يحب الفتنه والاشاعه
ههههههههه الف شكر على المرور الجميل والمشرف
رعاك الله

[تركي صالح]

نافع الجديد

صح لسانك وعلا شانك

قصيده رائعه من شاعراً مميز

دمت بود على هذه الجزاله

وتقبل خالص التحايا

[نافع عيد الجديد]

المشاركة الأصلية كتبت بواسطة سعد النفج

الراقي / نافع الجديد ..
صح لسآآآنك يا بو عيد ..
ابيات رآآآئعه و مميزه و انتبه من تهديدات ابو خآآلد ..
الرجآآل له فتره ما حقق مع أحد ..
الله يعطيك العافيه و دمت بخير ..

هلا وغلا بابو شايش
صح بدنك ولاهنت على المرور المشرف
والله يستر من ابو خالد ههههههه
رعاك الله