ركني الخاص (كلمات منتقاه)

[النايفة]

لا صار ما أنت بكفو للحب لا تكره
من يصغر بعين خلق الله ما كبّر
أرحل لو أن الرحيل أعظم من السكره
بقزر اللي بقى من الوقت وأعبّر
أبعد وأنا ببتعد لكن على فكره
محبتي لك تواضع وأنت متكبّر
الحر إلى من جزع ثم طار من وكره
وا لله مايلتفت ما دامه مدبر

[النايفة]

يمكن تمر السنه ماشافتك عيني
..... لاصار ماأنت بحريص....اللي بقى خلّه
جاني من الهم لجلك مايكفيني..
...... والذكريات الجميله ....عودت علّه
أول متى مابغيت اشوفك اتجيني
........ واليوم لاعاد لاجيه... ولاطلّه
شمسك حبيبي تنورلي وتدفيني
....... ذبحت عبدالله ارحم حال عبدالله
لا لا تطول المسافه بينك وبيني
.......شف دمعة الشوق والحرمان منهلّه
ماقول انا من عرفتك زانت سنيني
...........اقول من غيبتك شان العمر كلّه

[النايفة]

قال انتهينا ...يحسب انـه كوانـي...
مايدري اني بالمفااااارق / تغنيـت.....
ودونت اجمل ما انكتب مـن معانـي....
من راسي اللي ما التفت يوم وليت.....

[النايفة]

ودعتك النسناس ياورد الأشـواق
كرامتي تحكـم علـي انصرافـي
((قطفت منّك مـا تهيّـا ومـا لاق
ورميت باقـي ذكرياتـك خلافـي))
لا دمعة(ن) راقت ولا خاطـر(ن) ضـاق
ماقول غير اللي على البال كافـي
يكفي ثلاث سنين مرّت على ساق
عين(ن) فراش لـك وعين(ن) لحافـي
(((واليوم في تسعه وتسعين طقـاق
قلبي كذا طبعه ليا عـاف عافـي)))

[النايفة]

تعنّز على الـ ج ـنحان وإرق الفضا يا طير
وستّل جناحـك واخـذ دوره وتحليقـه

تحاشقني صدوف الليالي واقول بخيـر
ثلاثين يوم الضيقـه تـرادف الضيقـه

خويّك لو إنـه يبستـم خانـه التعبيـر
واذا كلّموه شـوي صـد وبلـع ريقـه

حشى ما شكى همّه ولا طاح دمعه مير
مابينه وبين الدمع (غمضه) و( تدنيقه)

[النايفة]

وش فيك [ متغيّـر ] عسى منت زعلان
إن كنت مخطي .. قل : تراك أنت مخطي

ماهوب عيب إن كنت مخطي و غلطان
.... العيب .. نزعل من بعضنا و نبطي

[النايفة]

كلّك تعالي غلا .. ولا أرجعي كلّك
بعض الغلا منك مايستاهـل الجيّـه

طالت وأنا في رجا ليتك .. وياعلك
أوراق بالذاكره .. وأوراق منسيّـة

ما بل ثوبك مطر شوقي ولا بلّـك
لوعلّتك من سحاب الروح وسميّـه