ஐღإهداء عبارات من القلب إلى القلبஐღ

[غموض الشمال]

ياضلوعي ليه أحسك ترجفين ؟
نام فيك البرد وألا خايفه ؟

ياضلوعي ون شعل فيك الحنين
الظروف ومثل ما أنتِ شايفه

مامعي غير الكلام ودمعتين
أحضنيهم لو يدينك عايفه!!

[غموض الشمال]

ياقلب سامحني على كل زله
أخطيت في حقك كثير وتماديت

علمتك دروب الهوى والمذله
عليك ياقلب قسيت وتجنيت

ياما نصحت وقلت من صد خله
لا شك ما طاوعت يومك تخليت

واليوم دمع الحزن عيني تهله
ياليتني طاوعت شورك وصديت

ياقلب أنا وياك نار ودله
من حزنها تشرب وأنا قد تقهويت

[بنت الكحيلا]

اشتري خوة رفيق ن مشتريني

صاحب ن وقت الشدايد ينتخابه

وافيً في خوته نعم العويني

مسند بالضيق قرم يعتزابه

الرفيق اللي له افعال تبيني

بالمراجل معتلي كنه سحابه

الكريم الحاتمي ذرب اليميني

الشجاع اللي عداونه تهابه

[محمد بن موسى]

ما طلبتك غير واثق من غـلاي=لا تضايق من كلامي يـا بعـدي
والله إني معك ما أحسب عطـاي=دوٌك قلبي / تنقلـه راحـة يـدي
ما عشقتك ،، غير في كامل قواي=إستلمني وإبتسم لي .. لا أغدي !!

[غموض الشمال]

.
.
.
هـات ريـشة نـرسم اللوحـة [ وداع ] ..
شخص مقفي ،، وشخص واقـف في ضيـاع ،،
قـلب شـ / ـاري .. وقــلب بـ / ــاع ..
ونـرسم اللوحـة ظلام ،،
والدموع [ امطار ] والنظرة كلام ..
والفـرح يغفى وينــام ،،
والحـزن يبدي الـدوام
!!

[بنت الكحيلا]

شفت القلم؟ لو مل من كثر الأوراق
مثل الكلام اللي يجي بعده سكـوت

شفت اللقا ؟ لا صارمن بعـده فـراق
مثل الحياة اللي يجي بعدها الموت

[العنود حسين]

كنت اظن الحب في وسط القلوب
اثر حبك مالي الدنيا علي

دايم مشرق ولايعرف غروب
منور ونوره تعدى كل ضي

كان حبك غلطتي ماراح اتوب
راح احبك لو كواني الحب كي

لي فواد في هواك دايم يذوب
من عرفتك وانت عندي كل شي