( قصــيـــدة شبــكــــة ويـــــلان ) ..دعــوة لكــافــة الشــعــراء

[أبو غرام]

الالف اببدا و اقطـف مـن المعانـي=الفيـة ٍ تـروي ضمـا كـل عـانـي
و انا الحكم تـروي ضمـاي بزمانـي=و العلـم غانـم و الجزالـه بويـلان
والبـا بـدايـة قافـنـا نـذكـر الله=مبري سقيم الجسـم مـن كـل علـة
اللـي فطـر فينـا الهدايـه جبـلـه=وشرع لنا الاسلام هو خيـر الاديـان
والتـا توكلنـا علـى خيـر بــاري=منشي مزوناً منهـن السيـل جـاري
الـواحـد الـلـي بالخفـيـات داري=سبحان رب الكون سبحـان سبحـان
والثاء ثبت في صرحنا الطيـب لازال=وهذي عوايدنـا علـى مـر الاجيـال
ومن يجحد المعروف ماهـو برجـال=من ..؟ يرسل المكتوب من غير عنوان
والجا جميل القول ينجب لـك اخـوان=من غير قومك تقترب نـاس واعـوان
قالوا قديـم العـرف بالقـول ميـزان=من عاقبه بالفعـل ضايـع وخسـران
والحـاء حبيـب الـكـل يامنتـدانـا=حنـا تجمعـنـا يـخـوف عـدانـا
وليـا بغانـا مــن بغـانـا لقـانـا=متجمعيـن وكلنـا مثـل الأخــوان
والخاء خيـوط الطيـب ياهـي قويـة=مـن بيننـا سلـم المحـبـة عتـيـة
لـو نبتعـد نبقـى قلـوبـن سـويـة=مافرق اهل الطيـب دورات الازمـان
والدال دوك العلـم لاصـرت واعـي=حـق الخـوي لابـد انـك تـراعـي
يبقى الخوي في نهجنـا مـا يباعـي=لأن الأخــوة ماتـقـدر بالاثـمـان
والذال ذل المال ماهـو علـى الكيـف=تخونـك الأيــام لازارك الضـيـف
ماينفعك لو تشهـر الرمـح والسيـف=المرجلـه صـارت تقـدر بالاثمـان
والراء رقي المجـد ماهـو ب(هيّـن)=لابـد تتعـب ليـن ذكـرك يبـيّـن
من لاصبـر للعسـر ماشـاف ليّـن=هذي هي الدنيـا مسـرات واحـزان
والـزاي زاد أهـل العقـول السليمـه=بالديـن هـو نعـم الثمـن والغنيمـه
ياراجـي مــد الكـريـم ونعيـمـه=نهـار ماينفـعـك ربــع وخــلان
والسين: ساد العلم في كل الاقطار=يحمي عماد الدين يحفظ هل الدار
ومن لا تعلم فاقد الـدور محتـار=العلم دايم سراج نوره بالأذهـان
و الشين شفت العز خير الزهايب=و الطيب درب ٍ تنتويه الركايـب
و اللي ترك درب الزحازيح خايب=و الطيب ما يجزا جحود ٍ و نكران

صح لسانكم جميع لا هنتوا وبنتظار تفاعل البقيه

[أبو غرام]

والصا صفاة القلب حطه بتعبار=احذر يكون الجاش اسود كما القار
واعلم ترى صاحبه جلاّب للعار=لو تقربه تلفحك غبنه وطغيان

[أبو غرام]

اين التفاعل احبتي ؟

شارك ولو من باب المشاركه لا اكثر

كما فعلت آنفا

وشكرا

^_^

^
^
^

حرام تموت الفكره وماتكتمل


الوأد غير محبب ابداً

[سالم صالح]

والضاء ضروف الوقت يا هي غريبة
الــي يشب النـــــار ماحدن دريبة
والي معه ميـــــــــلان كلـــن قريبة
كثرة فلوسك صارت اليوم ميزان

[فهد السلقاوي]

الرد بطريق بس باقي التنسيق اخواني


فل نتعاون

ونجعلها صرح ويلان

[أبو غرام]

بنتظار البقيه

ابو دانه

صح لسانك

[عبدالعزيز السعود]

صح لسانكم جميع لا هنتوا وباأنتظار تفاعل بقيه شعراء ويلان